روايه احببت منقذي (داعش)
(بقلم) :اساور احمد
لاتنسون التصويت ومتابعه للحساب وتعليقاتكم الحلوه ع كل فقره 🖤 قمراتي
....................
سولفلي ليش اتغيـرت..
شنهو اليغث بحچايتي
وانتَ الوحـيد البگـلب..
من دون اهـل ولايتـي
___________
مشهد من البارت السابق (للتذكير)
وكلتلكم بلساني لو ما فادها اني ادزكم للاردن للدكتور سازان اعرف بهل شغله واختصاصه وشاطر واني كلت اعالجها وانطيتها العلاج وفايدها لكن هسه مو مثل قبل والعلاج قوي ولو استمرت بي يأثر على الجنين وإذا قطعت منه هم يأثر على الجنين وعلى حياته وهم هيه كلتلكم حتى اكو خطوره على كلبها وباجر وراهه ولاده ومنا هالصداع ابد ابد ما اضمن لك حياتها وحياة الجنين وهيه ع هال حاله اذا مو بأيام حملها اثر عليها الصداع ف بالولاده ما اضمنلك تعيش وهيه اكو ضغط ع راسها وضعف بقلبها
___________
بسم الله الرحمن الرحيم 🌹
دنيا:- من كال هيج خليت ايدي ع بطني بخوف وراهب وعباس باوعولي بحيره كال راهب:- زين دكتور يعني هسه تنصحني اخذها للاردن للدكتور الكلتلي علي؟
الدكتور:- اي كلش انصحك لان اكو خطوره على حياتها ولازم تكطعون العلاج منها قوي وياثر على الجنين وديها للدكتور سازان وهوه يوصفلها ويشوف حالتها
راهب:- زين دكتور انت تكول العلاج قوي وياثر على الجنين وتكول بالولادة اكو خطر على حياتها وحياة الجنين زين إذا العلاج قوي شلون تأخذه وهي حامل يعني هم مو قوي وياثر على الجاهل
- صح قوي بالنسبه الي العلاج الجاي تاخذه تتركه لأن يأثر على الجنين ومن يشوفها الدكتور وهوه اليقرر إذا كدر يعالجها قبل الولاده ومايتأثر الجنين ف زين وإذا ماكدر وهيه حامل لا سيد راهب لازم تجهض حتى تعالج وتتشافه
من كالها فتحت عيوني:- شنووو تريدون اموت ابني والله ماريد ولا اريد اتعالج شلون اكتل طفل ببطني شلوون
كلتها وباوعت لراهب وعيوني مدمعه لزم ايدي وكال:- اهدي وهدي روحج أن شاء الله ماكو هيج شي وانا راح اتفاهم ويا
كالها وباوع للدكتور:- انت كلت اول مره من جبتها إذا ما فاد العلاج ف لازم تسوي عمليه جراحيه لراسها وكلت خطيره هم تكون خطيره على حياتها وحياة الجنين
الدكتور:- لاا بهذا الشي مليون بالميه الجنين مايبقى وخطوره على حياتها جدا كبيره هالعمليه مو سهله واخطرها انو براسها قريب من كلبها لكن اول شي الدعاء واني ما اخوفكم من تروحون للأردن وكتها تعرفون العلاج من الدكتور
دنيا:- يحجون واني مدمعه يعني هيج فرحه راهب وفرحتي بحملي وراح يصير عدنا طفل هيج بكل سهوله تتلاشه احلامنا ويكلولي لازم تكتلين ابنج حتى تعيشين بعد ما صار عمره ثلاث اشهر ببطني والله اموت وما اموت ابني
