عشقتها ياسعود والقدر فرقنا لاكن الصدف تجمعنا

بارت 19

عقاب وهو يطبخ:البسي وحده من تيشيرتاتي
سديم ابتسمت ونطقت: تمام وراحت فوق لبست تيشيرت ابيض فوق الركبه ونزلت له تحت سمعته يكلم على الجوال ويقول (الجوهره؟؟! كيف أنا متزوج ابعدي عني
تكلمت الجوهره بخبث:عقاب انا جبت ولد قبل كم سنه وازعجني يبي ابوه ودقيت عليك عشان تدري
عقاب رفع حاجبه بصدمه:تستهبلين!؟
الجوهره بعدت الجوال عنها وجاء اياس يتكلم ونطق:باباا تعال لاتخليني
توسعت عيونه بصدمه ولا قدر يتكلم
الجوهره:يلا تعال لا والله لاعلم امك وابوك
عقاب بغضب نطق:وش الي تعلمين ابوي وامي هيه تراس طليقتي
سديم ودموعها على خدها نطقت:عقاب!
عقاب لف لها على طول ونطق: الجوهره شويات واكلمتس وقفل الجوهره ابتسمت بخبث ونطقت:ياعيون ماما بابا يجي بكرا أن شاءالله
سديم: عقاب وش تقول انت؟؟ مين ذيي!! وش يعني أنا حبيتكك من قلبيي انا اول مرا احب واحد من قلبيي مستوعببب؟ لا وعندك ولدد من مين؟؟ جايبه بالحرامم؟؟
عقاب نطق بحده:ذي طليقتي السابقه وبتركها
سديم قعدت تدفعه وتنطق: تكذب تكذب علي عشان تبعدني تكذب تكذب عشان بس ماجي معك
عقاب:انا كنت اخونك سديم
سديم سكرت فمه بيدينها:اسكتتت لا تكذب عليي مابي اسمع صوتك تكفى اسكت
عقاب بحده:خليتيني اقولها بوجهكك ايه انا اخونك اخونك وعندي ولد بعد تفهمين؟ وبروح الجنوب شوي
سديم بدموع سكرت فمه بيدينها: اسكتتت اسكتتت لاتكذب
عقاب بسخرية:اول لقاء لنا كنت رايح اجيب هديه لها كنا قريبين من بعض
سديم أعطته كف بقوه وراحت تركض فوق لبست فستانها وعبايتها ومسكت جوالها ودقت ع حمد:الوو حمد تكفى تعالل لي
حمد باستغراب:بسم الله عليك شفيك
سديم تحاول تخفي شهقاتها:بسرعه تكفى لاتخليني عنده المجنون
حمد بغضب:خلاص خلاص اهدي جاي وقعدت على السرير ترجف وتبكي منهاره بعد مده وصل حمد وطق الباب نزلت سديم تركض وراحت له
حمد بحده:عقابب وين؟؟ وش مسوي لكك
سديم:حمد تكفى هاذا شي بيني وبينه امشش بسرعه ركبت وركب حمد و دعس على السياره
بعد ساعتين ونص وصلو الديره ووقفوا عند بيتهم دخلت سديم وراحت ركض لغرفتها
ام حمد:شلونك يابنتي استغربت لأن سديم ماردت عليها
حمد جاء:يمه اعذريها صايره مشكله بينها وبين عقاب بس مادري وش هي بالضبط
ام حمد بضيق:ماتخلص مشاكلهم بس تنحل أن شاءالله وتهون
دخلت غرفتها وسكرت الباب بقوه ودخلت تحت البطانيه تبكي بقوه الصوت الي ينسمع في الغرفه فقط صوت شهقاتها ديم دخلت عليها:ياهلاا بحلوتنا وش صار بينكم توسعت عيونها من شافتها تبكي فزت لها ونطقت:بسم الله الرحمن الرحيم شفيك بسم الله عليكك
سديم وهي تشاهق:يخونيي يخونيي وانا بنيت معه علاقهه اهه ديم وربي قلبي يحترق وقالها بوجهي قال إنه يخونيي
توسعت عيون ديم بصدمه ونطقت بغضب: الله ياخذه الحقيرر
سديم ببكى:ب...بس انا احبه ديمم
ديم حضنتها بقوه: ياروحي انتيي والله حاسه فيك وفي شعورك بس ربي ينتقم منكك
سديم ببكى:ت..تكفين الحين هو بيروح الجنوبب ابي اشوفه ا...ابي اخليه يقول لي ليه سوا ذاا؟ والله ماقدر اخليه
ديم: بس سديمي
سديم:مافي بس انا قلت بشوفه د..دقي على طارق بسرعه مسكت ديم جوالها ودقت على طارق وقالت له تعال: بسرعه طارق سديم تبي الرياض
طارق باستغراب:وشتبي فيها
ديم: لا تسأل تعال وبس بسرعه طارق تكفى وصل طارق وركبو
طارق بحده: بتقولون لي وش السالفه؟
سديم:طارق تكفى لا تسأل واسرع
طارق باستغراب:طيب ومشو وبعد ساعتين وصلو الرياض تحديدا المطار نزلت سديم وهي تركض كأنها مجنونه تبي تشوفه حتى لو من بعيد
وقفت ودقت عليه ورد
عقاب ببرود:هلا؟
ديم بدموع:سديم تكفين خلينا نرجع البيت
سديم ببكى:لا بانتظر عقاب وكان عقاب يسمعها رفعت الجوال لاذنها ونطقت:عقاب وينك انا انتضرك! ادري انك تكذب علي
عقاب بضيق:مابيصير ياسديم
سديم ودموعها على خدها:بتتركني؟!
ديم ماقدرت وحطت يدها على وجهها تبكي بقوه على حال اختها
سديم ببكى:اذا تحبني تعال لاتخليني ماتسويها
عقاب وهو ماسك نفسه لا ينهار:انا اسف سديم
سديم:انا مابي احبكك الله ياخذ الحب كان خطأ كبير اني حبيتك وتعلقت فيك لذي الدرجه تدري اني اموتت اموتت كذا ببطى
عقاب قفل بدون اي رد
طاح الجوال من يدها وطاحت على ركبها تبكي نزلت ديم لها وبكت معها بقوه على حالها
سديم وهي تشاهق:مابيجي تركني وراح بعد ما حبيته وتعلقت فيه راح

سعود وصل عقاب المطار ونطق بحده
سكت عقاب يناظر سعود بصدمه
سعود بغضب: كيف تسوي كذاا ياعقاب مستوعبب وش تسوي انتت مريضض اعنبوك استهدي بالله
عقاب
عقاب بصراخ:حبيتهاا بس الضروف اجبرتني اتركهاا
سعود هز رأسه بصدمه ورفع إصبعه ل عقاب بمعنى أنه يهدده:مستحيلل كي..كيففف تحبهاا مستوعبب وش تقول انت تركتها وتقول حبيتهاا؟
عقاب بغضب: حبيتها وسامحتهاا وشفتها باسواء حالاتها وشفتها ضعيفه قداميي
سعود بغضب شديد: تدريي انكك انانيي مايهمك أحد غير نفسكك تدري انها اعتبرتك اب لها وعائله وام واخت واخ وكل شيي حتى لو طليقتك عندها ولدد طيب فهمها ويمكن هذيك تكذبب؟؟ وو...
.
.
.
.
.
.
.
.
.
.
.
.
.
.
.
.
.
؟
حطو لي نجمه وكومنت عشان اتحفز اكمل لكم 🤍
عطوني رايكم بالبارتت