عشقتها ياسعود والقدر فرقنا لاكن الصدف تجمعنا

بارت 30

في المستشفى
كان قاعد ومنزل رأسه بضيق ويشتم نفسه في داخله
يحس أنه حلم مو حقيقه شوي ويصحى من هالحلم كان هالشي اسواء كابوس ممكن يعيشه مايبي يفقد أحد من بعد وفات ابوه يحس هالمره اذا فقد اخوه انه مابيقدر يتحمل هو جرب شعور الفقد مرا ولا وده يجرب شعور آلفقد مرا ثانيه هالشعور اصعب شعور ممكن يمر فيه الإنسان وقف وهو يتحلف على عبدالرحمن أنه مابيطلع من المكان الي هو فيه عايش راح دوره المياه (أكرمكم الله)غسل يدينه وناظر وجهه بالمرايه شاف ان ثوبه من عند صدره كله دم من حمد نزلت دموعه على وجنتيه بحرقه استغفر ربه وغسل وجهه وطلع شاف الشرطه
الشرطي هايف:السلام عليكم عارف انك تمر في فتره صعبه ولاكن لازم تاخذ افادتك
هز طارق رأسه بالايجاب: يلا...

في بيت نوير
نطقت بخوف:مين مات!!!
نطقت وهي تحاول تستجمع نفسها ولا تضعف وتوقف مع اهلها:حمد لاكن لاتخافين مامات تصاوب بس
نطقت نوير بغصه:كيف!مين سواها!
سديم نزلت راسها بضيق: عبدالرحمن
شهقت تاركه دموعها تنزل على وجنتيها خرجت من الغرفه متوجهه لغرفتها فتحت جوالها واتصلت على طارق بعد عده وقت رد
ونطق بضيييق واضح على صوته:هلا يمه
نطقت وهي تحاول ماتخوفهم زياده:حمد وش صار عليه؟
ماقدر يمسك نفسه طارق وبكى
ارتجفت خوفا:ايش فيك يامي انت بسم الله عليك لاتبكي وش فيه اخوك؟
طارق نطق:دخل العنايه يامي حالتها حرجه اخاف مايطلع ولاكن والله اني لا اشرب من دم ولد الكلب عبدالرحمن
نطقت ببكي ولاكن حاولت أنها ماتبين قد ماتقدر:لا يامي انت لاتوسخ يدينك في دم القذر وبعدها انت بتتحاسب الحكومه بتوقف معانا ولا احد بيستسلم الا واحنا لاقينه لاتبكي ياعين امي انت
ابتسم بضيق:ابشري يميمتي توصيني شين؟
نطقت:سلامتك مابتجي البيت؟
نطق طارق:الا والله بجي بجي بس مو هالحين بروح عند حمد
نطقت نوير: انتبه لنفسك ولحمد ياعيون ابوي انتم
ولا تنسى أن (الله اذا احب عبدا ابتلاه)ولاتتضايق
نطق طارق:ابشري ياجعل يدينك ماتمسها النار
نطقت:درب السلامه يابعدي قفلت وطاحت على الأرض تبكي...

"في بيت اول مرا نزوره تحديدا في منطقه الرياض"
نطقت بصراخ:وش تقول انت!
نطق بسخريه:وش اقول اقول الصدق
نطقت عفاف:بتدخل السجن ياغبي!!
نطق عبدالرحمن:يمه انا ادري وش بسوي مالك دخل بي
ضحكت عفاف بسخريه ونطقت:مالي دخل بك؟اجل تعفن وتجرجر بالسجون
نطق عبدالرحمن:احسن خلاص ياحول وطلع من البيت
صرخت عفاف:سجى
جت سجى تركض من غرفتها:لبيه شفيه اخوي؟اسمع صوتكم وانا بغرفتي!
عفاف:اخوك صوب ولد خالتك!ولازم نطلعه من هالمصيبه
نطقت سجى: والله لو تنشق السماء والارض ماني مساعدته تدرين أن الشرطه تدوره وتدرين انه يهرب اسلحه ومخدرات!مالك داعي مرا
زفرت عفاف بغضب: والله انك ماتنفعين بشي
طنشتها سجى وراحت لغرفتها

"في الديره" الجلسه
دخل سعود:سلامم وعليكم
الكل رد السلام واختلفت ردودهم من(ياهلا)(وعليكم السلام ورحمه) (تور مانورت القهوه)
ابتسم سعود وقعد مع مفلح و عبدالعزيز (أصحابه
من الثانويه) مفلح متزوج وعنده بنتين وولد وعبدالعزيز زوجته حامل واخذتهم السوالف والضحك لعالم ثاني وبالنسبه ل سعود فاء هو كل مايتضايق يجيهم وينسى الضيقه بالنسبه له نفس اخوانه واكثر

"في الرياض"
سديم تتصنع القوه ماتبي تضعف قدامهم تبي توقف مع أهلها وتحاول تسعدهم يطلعون من هالمرحله بداخلها مكسور وبقوه ولاكن ماتقدر تتكلم تحس في جمره في حلقها نزلت انظارها من دق الجوال رقم غريب مسحت دموعها ومسكت الجوال:مين معي؟
تكلم شخص:سلام وعليكم اختي معك الشرطي هايف حاب أخذ افادتك بسبب اخوك حمد واصابته
نطقت باستغراب: طارق؟
نطق هايف:اخذناه ولازم ناخذ افادتك انتي بعد تجين المركز أو ارسل فرقه يجونك للبيت
نطقت: ماقدر اجي خلهم يجون
ابتسم:ابشري وقفل قعدت بالارض والتفكير اخذها لعالم ثاني بعد مده نص ساعه تقريبا وصلو شافت من الشباك حق غرفتها لاكن انصدمت لأن سياره وحده بس ونزل أحد منها ولاكن ماقدرت تشوف وجهه استغربت ولاكن لبست عبايتها ونزلت تحت البيت كان فاضي هدوء مافي صوت نطقت بضيق على حالهم:يارب هونها استوعبت من طق باب البيت فتحت وانصدمت من الي واقف قدامها كان عقاب ناظرته بكره وحقدد وحسد تذكرت كل ايامهم سوا بعد محاولات انها تتخطاه قدرت ولاكن جاء رجع للرياض كان في اسائله يدورون في راسها
(وين زوجته ليش مو معه) استوعبت من نادها: سديمم فيك شي؟
نطقت بحقد:وش فيني؟
عقاب:مادري والله اشوفك شفتيني وتغيرتي سهيتي في التفكير شنوحس
سديم:ومن زينك!!وش تبي جاي ماطاب خاطرك بعد ماجرحتني؟
طلعت له وسكرت باب البيت ونطقت:تصدق انك ماتستاهل شي
نطق عقاب:سديم عارف انك تمرين في فتره صعبه وحاس فيك لاكن خلينا نتكلم بدون عصبيه
نزلت دموعها لا إراديا ونطقت بصراخ:انت اخذت مني ايماني وثقتي وكل شيي اخذت كل شيي اخذت حتى قلبيي!قول لي وش سويت!
وش ذنبي اني حبيتك وش ذنبيي لو دريت أن الحب عذاب كذا كان ما عرفتك ولاحبيتك ولا تعلقت فييك انا قوللل وش ذنبي ناظرها وعيونه مليانه دموع وحمراءء صرخت عليه وهي تضرب صدره: لاتناضرني كذذا لاتناضرني تدري وش امنيتي؟ امنيتي انك تنجرح نفس مانا انا انجرحت!روح مابيك مابيك معايا مابيك انت دمرتني مابيك دخلت وسكرت الباب قعد عند الباب يبكي بحرقه وندم صح انه ماتركها بيده تركها مغصوب عشان ولده
شافت ديم في وجهها مسحت دموعها وابتسمت لها:ديمي؟
ديم:وين كنتي؟ليش طالعه برا!
سديم:طلعت اشم هواء
نطقت ديم:ماكانك محزنه على حمد؟ شفيك بارده ماشفت نزلت منك دمعه الا يوم احنا في الغرفه دق عبدالرحمن غيرها مابكيتي!
نطقت سديم:دي...
قاطعتها وهي تقول:اشش لاتنطقين بشي عارفه انك مو مهتمه له ايش ذا الحقد!ترا اخوك يابنتي صحصحي وكانك مبسوطه ولا مرا شفتك تبكين تقريبا
نطقت سديم بصراخ: خلاصص خلاصص خلاصصص ايوا زمان كنت مبسوطهه لاكن الحين حزينه حزيينهه نفس الكلاب مسكت صدرها ونطقت انا ماعاد اقدر اتحمل حتى نفسي ماقدر اتحملها انا تعبانهه حيلل يمكن اطيح هنا واموت انتهيت اناا لذي الدرجه حالتي سيئه ماينتهيي ماينتهي الشعور الي بداخلييي ماينتهي حاولت اني ابقى قويه حاولت والله حااولت ولاكن ماقدر تعبت وبقوه والله انهد حيلي ويعلم ربي كل نفس اتنفسه يعورني احس وكاني ارتاح اذا طحت في البحر شفتي البحر؟دموعي اكثر منه انتي تدرين انا وش اعيش؟تدريين ولا أو خليني اقولك اعيش ضغوطات الحياة والله ماقدر اتحمل اكثر من كذذا ماقدر حتى وفاة بابا ماتخطيتها كل ليله ابكي ابيه يرجع لاكن البكي بيفيد؟لو البكي يفيد كان بكيت ليل ونهار وطاحت على الأرض تبكي...