أكو واحد من العلماء ينقل قصة يكول صارت وياي يكول في يوم من الايام سافرت إلى مدينة، مدينة من المُدن،،فجنت امشي بالسوك شفت واحد مخبل و يعني خايف و الجهال يريدون يضربوه و يتخبئ و يبتعد يعني عن الناس مبين يعني وضعه مو طبيعي يكول اني ما إلي دخل بيه بعد ، عَالم و رَجُل دين شيخصني اني؟ زمان ماكو فنادق الأنسان إذا يروح لمدينة ماكو فندق الناس قبل تبات بالمساجد إذا رجال دين او عُلماء تبات بالمساجد. و بعضهم يباتون بالخان أكو خان يعني ايام الاستعمار أيام العثمانيين و كذا جان خان يعني،، المهم يكول اني اجيت للمسجد إلي هو مسجد المدينة أريد انام بباب المسجد أكو نار شعلة حاطيها بالباب و المسجد كُله أظلم فأني اشوف إلي يطب بس هو ميشوفني لأن مكان أظلم يعني ماكو إضاءة المهم يكول إجه واحد دخل للمسجد راح للمغاسل أكو زيت ( إضاءة ) يكول أتوضه وضوء واقي لا وضوء عَالِم يعني وضوءه مثل وضوء العلماء يكول اني استغربت هذا اليوم اني شفته هذا نفسه المجنون إلي أني التقيت بيه او شفته بالسوق ما معقوله هذا باوع مِنا باوع مِنا يكول اتأكد ماكو شي يكول اتوضئ و يقرأ ذكر و يبكي و يؤدي الوضوء بالأعمال بالأداب و المستحبات إلي أني ما أسويها يكول إجه فَرش سجادته وكف يصلي و إذا بهِ يصلي صلاة الخاشعين بُكاء و نحيب و توسل و دعاء يعني مو مجنون هذا يكول أني هم اجيت وكفت وراه و هو يصلي و أني واكف وراه خَلَص كَعَد سَلم كضيته من متنه (كمشته او مسكته من متنه) كَله ما اعوفك مسوي روحك ع ناس مجنون هذا يفيدك تعال كَلي سالفتك شنو؟ كَله لا لا ما عندي شي رجع مجنون يمعود أبو المَروة ماكو فكَلتله: أُقسم عليك بِمَن أجَنَك ان تقول لي من انت؟ (يعني اقسم عليك بإلي تخبلت بسببه) يكول التفت فسالت دموعهُ على خديه كال و إنهُ قَسَمٌ لو تعلمون بهِ إنهُ عظيم
كال: شوف انا كنت من العُبَاد الكَامِلين من الاولياء الصالحين تِكامَلِت تِكامَلِت (صار إنسان كامل من كلشي) الله وهبني نِعمَة كَلي أنت صِرت صافي بعد كامل ما عِندك ذنب او خطأ فأني رح اتَفَضَل عليك بنعمة اخليك كل يوم تشوف صاحب الزمان (عج) يكول فعشت بهذا النعيم عِشت يوميه اشوف الامام، الله (عزوجل) يراويني إله بالمنام بالحقيقة ما يعوفني يكول فد يوم من الايام طلعت للسوق و لاكَتني (شفت) إمرأة مُتبرجة يكول أني نسيت روحي ضليت اباوع عليها نظرتُ إليها بالحرام خلص صارت بيه لذة و شهوة و ريب و الخ... أجيت بالليل أريد اشوف صاحب الزمان كلولي لااا إن العين التي ترى الحراام لا يحق لها أن ترى جمال الله(تنحرم بعد من جمال الله)
السلام على صاحب الزمان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
