عطرو افواهكم بذكر الصلاة على محمد و آل محمد🌹 اللهم صل على محمد وآل محمد🌸 _____________________________
اجه رجل من البادية "اعرابي" طب للمسجد گال: اريد الحسين بن علي (عليه السلام) ؟! گلوله : موجود بالمسجد 'اجه للأمام الحسين ( عليه السلام )' الإعرابي: السلام عليكم الامام الحسين (ع): وعليكم السلام
الإعرابي: أنت ابا عبدالله الحسين ؟
الامام : نعم
الإعرابي: أنت ابن بنت رسول الله؟
الامام: نعم
الإعرابي: قتلت شخص ما متعمد و عشيرة المقتول تريد ديه (فديه او مثل ما نكول فصل ) و اني ما عندي يعني لو يقتلوني لو ادفع الهم ، و المبلغ عظيم كبير فــوصفوا إلي كرمك و اني اجيتك يا ابا عبدالله تساعدني
الإمام: اني اساعدك بس بشرط
الإعرابي: شنو؟
الامام : أسألك سؤالين ، السؤال الثاني إذا جاوبت ثلث انطيك ثلث المبلغ و اذا نصف انطيك نصف المبلغ و اذا جواب كامل انطيك المبلغ كامل
الإعرابي: مولانا أنت عَالِم و العِلمْ خرج من بيتكم اني شمعرفني اني رِجَال من البادية جاي ما عندي معرفة
الإمام : مع ذلك أسألك
الإعرابي: تفضل اسألني بس اذا عرفت أجاوبك إذا ما عرفت أنت تعلمني
الامام: زين ، ماهو خير الاعمال؟
الإعرابي: الثقة بالله ، الأفضل أن يثق الشخص بالله و يسلمه كله لله يعني "رضيت بما قسم الله لي و فوضت أمري إلى خالقي لقد أحسن الله في ما مضى كذالك احسن الله فيما بقي"
الإمام: صدقت
الإعرابي: ما السؤال الثاني؟
(يعتبر السؤال الأول مثل الشفوي و السؤال الثاني الأساس عني مثل التحريري )
الإمام: ما يزين الرَجُل؟
الإعرابي: علمٌ مع حِلم
يعني عنده علم و إن ميكون متكبر ما شايل خشمه ع الوادم مو متكبر ليش ؟ مو عنده شهادة لو عنده شُهرة لو عنده اسم ذني بيش ؟ الله ميگلبهن الله يدور الناس المتواضعة "قوانين الله تختلف عن قوانينا" ، قوانينا الواحد من يصعد تصعد الناس وياه فلان صار صعده هو يصعد و احنا نصعد وراه ، "قوانين الله بالعكس " "كلما تنزل روحك هو يصعدك إله" احنا فلان جان محد يعرفه صعد صار إله منصب الكل گامت تباوعله صار إله قيمة لأن صار عنده منصب صارت عنده علم صارت عنده شهرة (هنه ذني گشور موز الله حاطهن علمود يزلگنك دير بالك تخبل الإنسان عليمن؟ )
اللهم لا ترفعني عندك درجةً إلا و حطمتني بها عند نفسي
فقال الإعرابي: زينة الرجل علمٌ مع حِلم (عنده علم و متواضع سهل مو صعب)
الإمام الحسين (ع) گله: فإن لم يكن؟ يعني هذا الفلان ما توفرت إله الظروف و صار عنده علم شلون يعني ما تصير عنده زينه؟
زينة الرجل " علم مع حلم " فقال الحسين (ع):و إن لم يكن؟ و إذا ما عنده علم شيسوي بهاي الحالة؟ يعني هيج الرجال ما عنده زينة؟
قال الإعرابي: مالاً مع بذل ( عنده فلوس و يكرم و يساعد الفقراء و الأيتام و يشارك بالمشاريع الخيرية مال مع بذل ، إذا ما عنده علم يجيب الناس عنده فلوس فالناس تحبه فيصير زينه )
فقال له الإمام الحسين(ع) : فإن لم يكن؟ ماعنده فلوس زين شيسوي؟ "ماعنده علم ولا عنده حلم و ما عنده فلوس و ماعنده بذل " شيسوي؟
فقال الإعرابي : فقر مع صبر ( فقير يصبر و الله يفرجها يصبر لا يبيع ماي وجه )
فقال له الامام: فإن لم يكن؟
الإعرابي: يا ابا عبدالله اني طالع بيه عاله هذا؟ فصاعقةً تنزل عليه من السماء فتقتلهُ لا عنده علم ولا حلم ولا فلوس ولا بذل ولا فقر ولا صبر خلي تطيح عليه صاعقة تكتله نخلص منه
فضحك الحُسين (ع)
ضحك الامام عليه السلام و اعطاهُ الدية كاملةً
فالإعرابي من اخذ الدية صار يباوع على إدين الامام الحسين و يبكي
فقال له الامام الحسين(ع): لعلك استقللتها؟
قال الإعرابي: لاوالله ما استقللتها وافية كافية شافية و لكني لأعجب كيف لهذي اليد أن تغطيها التراب
السلام على أبا عبدالله الحسين ريحانة رسول الله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
