الأميره ليتا

1

يالهوووووي انا ضعت تاني اروح ازاي دلوقت هوا انا لازم ابهدل نفسي كده دلوقتي ستي هتموتني مش عارفه اروح فين؟ طب اروح ازاي؟ الدنيا قربت تضلم.. المكان ده شكله يخوف وانا خايفه جدا طيب هي فين الحيوانات اللي في الغابه هو ممكن يطلع لي ديب وياكلني ولا تعبان يعضني طيب هو ما فيش عصافير ولا ايه، هو البيت كان من السكه ديت ولا من السكه الثانيه هو انا كل مره اتوه كده طيب استنى لما حد يلاقيني بس على ما يلاقيني حد وقتها اكون ودعت والديب اكلني هو انا دايما كده منحوسه طول عمري... صحيح نسيت اعرفكم نفسي انا السيده الصغيره ليتا او الخدامه المتبهدله او الست نوسه او سوكه العبيطه هههههه المهم اسمي ليتا وعمري حوالي كده 11 سنه عمي الكبير بيقول انو شافني جنب شجره في الغابه المهببه دي وكنت لسه صغيره نونه واخدني معاه البيت ورباني زي بينتو وبصراحه كده هو كان طيب وحنين معايا علي عكس ستي الله يسامحها كان عمي يطلع من الباب وهي تمسك فيني تعالي يازفته روحي يازفته هاتي يازفته اعملي يازفته من كتر مابسمع كلمه زفته هغير اسمي لزفته بتخليني اعمل كل حاجه في البيت ودي حاجه ما تزعلنيش برضوه اهو بساعد وبرد الجميل اللي عليا معاإنه ما اقدرش ارده ابدا ده كفايه بس حنيه عمي الكبير بس اللي يقهر انه بنت ستي المفتريه طالعه تشتري فساتين تدخل تتميكج تقعد طول اليوم في اوضتها تنام تصحى الاكل يوصل لها لحد اوضتها والدنيا حلوه معاها وانا يا حسرتي الي متمرمطه لسه عيله ولا روحت ولا جيت والدنيا قسيت عليا اومال يادنيا لما اكبر شويه هتعمل فيا ايه.. دا انا لو اتخلقت نسناس كان زماني مبسوطه وحياتي احسن من كده بس هقول ايه برضو يلاا الحمدلله علي كل شي.المهم ستي بعتتني عشان اجيب حطب من المزرعه الصغيره الي جنب الغابه وانا بقا عيله مقرفه بتحب تنكش وتدور وبصراحه كان في عصفور ليه الوان حلوه كده زي البتاع الي بيطلع لما الدنيا بتشتي والشمس تكون طالعه هوا كان اسمه ياربي انا سمعت العيال بتوع القريه الي بيروحو المدرسه بيقول عليه قو.. ش.. قزح... باين كده؟ يووه مش فاكره الاسم كويس المهم بيكون فيه الوان كتيره كده وشكلها يفرح القلب المهم بصيت للعصفور والعصفور بصلي قلتله تعالى قالي مش جاي يا عصفور تعالى قالي مش جاي يخربيتك عصفور هوا انا هكلك المهم روحت عملت فيها طرزان وانط علي الشجره عشان امسك العصفور لقيته طار طيب اعمل ايه دلوقت يلااا فستييين داهيه روحت اجيب الحطب عشان اخده لستي المفتريه لقيت ام العصفور الزفت جه هوا شكله بيلعبني القط والفار وانا مش واخده بالي يخربيتك عصفور انت عايز ايه مني طيب هعمل فيها قرد وبلاش طرزان عشان متزعلش واهو القرد صديق الغابه برضو وصديقك ياعصفور ياحلو انته روحت نطيت مره واحده علي الشجره ام العصفور هرب يووووه انا زهقت بقا منك... استني ايه ده يعني سيبت الشجره دي ورحت لشجره التانيه ليه يابني ماهو كلهم شجر زي بعض خليك شاطر وتعال هنا.... ولا اقولك هجيلك انا بس مطرش ونبي دا عايزه ابقا صحبتك بس.. نزلت من علي الشجره وروحت اتسحبت براحه من غير صوت اششش عشان عمي العصفور ميطرش وقمت طايره في الجو مره واحد زي الدب الي بيطير ياخد عسل ويطلع يجري من النحل.. اوباااا والله ووقعت في ايدي ياعصفور القزح انته.. اااااااااااه يابن المفتريه عايز تعضني هو انت فيك سنان اصلا
طيب جهز نفسك بقا عشان هاخدك معايا المخروبه (البيت) عشان نبقي صحاب وتحكيلي واحكيلك ونعيش دور الناس الهبله ياعصفوري ياكتكوت... ايه الصوت ده ياعصفور بسم الله الرحمن الرحيم
هي الغابه مسكونه ولا ايه يماااا خلينا نروح ياعم عصفور قبل مانتمسك ونبقي اكل لديابه والحاجات الي بتخوف في الغابه المهببه دي. المهم رجعت ابص للمكان يلي جيت منو لقيت ورايا شجر ايه ده بس انا مامشتش كتير يالهووووي يانهار اسود انا تهوت ولا ايه هي رجلي بتمشي لواحدها من غير مااخد بالي ولا ايه.....؟ العصفور الاهبل استغفلني وعملي فيها فريد الاطرش وقام يصوصو وعضني مره واحده مع انو معندهوش اسنان زي البني ادمين شكله كده مش بيغسل سنانو ياته قرف
قام طاير واختفي فجاء.. ياااختيييي وبقيت لوحدي في الغابه ولا معايا عصفور ولامعايا حطب دا انا هاخد حتت علقه مولعه من ستي لما اروح... يعني اذا روحت اصلا... ياصغيره علي الهم يانوسه