الأميره ليتا

3

شعرت ليتا بالخوف الشديد حين سمعت صوت بين الاشجار ثم جرت باقصي سرعه خوفا من ان يكون ذئب مفترس وهي تركض علقت قدمها بغصن شجره فوقعت ارضاً.. وضعت يدها علي وجهها واصبحت تبكي بصوت عالي.............
انا خايفه اوي فينك ياعمي الكبير الحقني...  اهيء هيء.. هييء.. كله منك يامفتريه حد يخلي عيله تروح تلم حطب.. اهيء عميييي الكب.. ير  . اهيء تعالي خدني... ياااماااامااااااا ليه سبتيني وحدي ليه مكنتيش عايزاني.. اهيء.. اهييء.. ليه رمتيني في الغابه لوحدي.. هااااااااااا إه إه ياماما تعالي خوديني بسرعه انا خايفه.. اهييء اهيء ياعمي تعالي..... محدش سمعني.
وقف علي شعرها عصفور صغير له الوان جميله وكثيره ثم وقفت وحاولت ابعاد هذا الشي الذي وقف علي راسها وهي ترتجف خوفا وتصرخ بصوت عالي
ابعد عني اععععع يمااماا الحقيني ايه ده
وظلت تبعثر شعرها ذا اللون اللمميز بيدها لتبعد هذا الشي الواقف علي شعرها.. وبعد لحظات لم تعد تشعر بشي علي راسها لتنظر لاعلي ثم تصرخ فازعه.اععععع
يخربيتك قطعت فيا الخلف هوا انته.. دا فكرتك عنكبوت 🕷ولاسحليه.... هممم رجعت تاني ليه هاا؟ عايزه ايه مني مش سبتني لوحدي ورحت يامعفن  دانتا عصفور ندل بجد حد يسيب بنوته عسوله زيي فنص الغابه  وغير مش قلنا تحكيلي واحكيلك وتجي معايا البيت ياحج عصفور مش دا كان اتفقنا ولا ايه انت لحقت نسيت بسرعه... عصفور ليكون عندك زهايمر ومخبي عليا.... قولي دانا صحبتك هو صحيح معيش فلوس عشان اوديك للحكيم بس هاخد معايا ولاتزعل نفسك ياقزح.. صوصوصوصوصوصوصوصوصوصوصوص

ايه ده انت بتصوصو ياعصفوري  هو عجبتك الفكره ولا ايه؟ امسك العصفور شعرها تم تركه وطار  استغربت ليتا من حركته هذه وصرخت بيه لكنه رجع مره اخري وامسك شعرها واصبح يشده بقوه تجاه طريق في الغابه ولكن ليتا لم تدرك ماذا يريد العصفور عايز ايه مني بتشد شعري ليه يخربيتك مش وخداك معايا خلاص سبني في حالي هوا انا قتلالك قتيل ياعم انته.... اي شعري يامفتري منك لله... غوور بعيد عني ينعل ابو شكلك عصفور عكر بصحيح
ولكن ليتا لم تفهم بعد ماذا يريد العصفور الصغير منها لقد مل منها.. ثم توقف عن شد شعرها لانه تعب وهي جلست بجانب شجره ولم يتبقي الكثير والليل ياتي ووقتها ستبدا حيوانات الغابه بالظهور وهي حيوانات مفترسه جدا.. لكن بعد قضاء عده لحظات استراح فيها العصفور  طار حول راسها بشكل دائري ثم يتوقف ويشد بشعرها ويذهب الي الاتجاه الذي يريد ليتا الذهاب اليه
اي مالك بتلف حوليا كده ليه عايز ايه جتك قرف عصفور انا ايه الي عرفني بيك انا كنت ناقصه هم ياربي... صوصوصوصووصوصوصوصوصو
انته بتروح الجهه دي ليه... لحظه ليكون عايزني امشي هنااك  .. ايوا كده وانا قاعده اقول العصفور الزفت ده بيرزل عليا ليه.. معليش ياعم حقك عليا متزعلش انا عقلي عقل عصفور بقي خلقه ربنا
صوصووصوصوصوصو خلاص بهزر معاك الله دانتا دمك تقيل بصيح ماشي ياعم ورينا هنروح فين عالله مانموتيش علي ايدك.. اه اقصد جناحك لامؤاخذه اصل ماتغديتش ياعصفور ...
وبعد ان ادركت ليتا مايريده العصفور تبعته ولكن المسافه كانت كبير جدا... تمر لحظات وتجلس فيها ليتا لتستريح وبعد ذالك تكمل من جديد
والعصفور نفس الشي لانه كان يتعب من التحليق فكان يرتاح علي غصن شجره او علي شعر ليتا الكثيف... وبعد ساعه ونصف في الطريق اخيرااا وصلو.. ولكن ما هذا المكان؟

~~~~~~♡♡♡♡♡~~~~~♡♡♡♡~~~~

في بيت رزان
رزان: هيه المنيله مجتش لحد دلوقت ليه اوعي يابت يافتون لتكون طفشت مننا ولا حاجه دا ابوكا يلم علينا الناس
فتون: بتقولي ايه ياماما هي هتطفش يعني تروح فين؟ هي ليها حد غيرنا هنا وغير انتي نسيتي انها مقطوعه من شجره ولانعرف ليها اهل ولاحتي صحاب
رزان: تصدقي يابت معاكي حق بس الوقت تاخر اوي وابوكي زمانو راجع من الشغل وهيسال علي المهببه دي هنقولو وقتها ايه. دا لوعرف اني ببعتها تجيب حطب من المزرعه لوحدها ليعملي البحر طحينه ماهو جوزي وانا عجناه وخبزاه كويس وعارفه رده فعله
فتون: دلوقت ترجع ياماما اهدي بس... انتي عارفه لما ترجع اديها حتت علقه عشان تحرم تطلع من البيت وتقعد تلف هنا وهناك
اثناء حديث فتون ورزان دق باب المنزل ظناً منهم انها ليتا طلبت رزان من فتون فتح الباب
ذهبت فتون لفتح الباب وحين فتحه انصدمت؟؟
امجد: مالك يابنتي مخضوضه كده ليه كانك وليعوذ بالله شفتي عفريت قدامك
فتون:........... اه... بابا... لا ابدا يا بابا نورت اتفضل ادخل ياحبيبي
امجد: الله اومال ايه الحنيه دي يافتون يابنتي
فتون: مفيش يابابا اصل وحشتيني
امجد: همم ماشي ياحبيبتي اومال اختك فين
فتون:  .... هااا.. اه تقصد ليتاا
امجد: ايوا هو في غيرها هنا...
تقدمت رزان مستقبلة زوجها ومحاولة منها تغير الموضوع لحين وصول ليتا: اتفضل ياحوزي ياحبيبي احطلك الاكل ياعنيا اتفضل ادخل ياسيد الرجاله كلهم اتفضل ياحبيبي عشان تاكل دا انا عملالك فراخ مشويه انما ايه تاكل صوابعك وراهم
امجد: ايه الحنيه الي نزلت عليكي مره واحد دي يارزان دانا اول لما بدخل اول حاجه بتساليني عليها جبت فلوس اديه النهارده وتاخدي تعديهم
رزان:..... مين انا..... ينقطع لسانك اذا كنت بعمل كده
امجد: الله جرا ايه ياوليه لسان مين الي ينقطع
رزان: ماهو مقصدش ياحبيبي اصل تعبانه طول اليوم كنيس وغسيل وهدوم وانتا عارف بنتك بتذاكر والمفتريه الصغيره بتروح تلعب مع عيال الجيران ومحدش بيعمل غيري ياحبيبي..
امجد بعد ان انتبه: اومال فين البت ليتا صحيح
ناديلها كده عايز اشوفها
رزان:  ....  ماهو...  هي...  اصل
امجد: مالك يارزان بتهتهي كده ليه نادي علي ليتا يلا عايز اقولها حاجه مهمه
رزان:  ماهو هي مش موجوده
امجد بصدمه: اومااال فين البت يارزان عملتي فيها ايه
رزان بتوتر: هكون عملت ايه ياامجد ياحبيبي هي كانت بتلعب برا ولسه مرجعتش....  ما.. ماهو كلو من دلعك ماهو انتي الي دلعتها.. وبوظت البت وهي لسه عيله والعيال مش عايزين دلع

امجد بغضب: ايه لسه مرجعتش ازاي يعني فين البت يارزان وبلاش الحورات دي عليا بعتي البت فين وضيعتيها
رزان بغضب: معرفش ياخويا راحت فين هي تعمل العمله واحنا الي نشلها ولا ايه ابعد جتكم نيله كلكم

امجد: حسابك بعدين يارزان لما ارجع
ثم غادر امجد المنزل غاضبا وهو لايعرف اين يبحث عن ليتا ياتري فينك يابنتي؟