عند الابل :
وصل سعود وخاله عامر عن ابل ابوه ونزلو ويقول سعود بعترف لك ياعامر
عامر: قل الي عندك
سعود:شفت ناقتي ذيك
عامر:اي
سعود :تعرف اسمها؟
عامر:لا وانت ماقد سميتها صح؟
سعود:الا والله سميتها وضحى وانها اغلى ناقه عندي
انبهر عامر ويحسب وضحى حبيبه سعود وسعود ماقد علمهم عن اهله الحقيقين
عامر:اسلم من وضحى
سعود:بد اعلمك بعدين بس يناسبها؟ي
عامر:الله الله يناسبها
على الساعه١٠:٠٠ اليل راح خاله عامر وبقى سعود الحاله في الاستراحه عند الحلال وجلس عند باب بيت الشعر وهو يناظر وضحى مقبله عليه وهو يقول يامرحبا يالي ابطيت ماشفتك وتنزل دمعته ويجلس جنب ناقته وضحى والناقه لافه رقبتها على جسم سعود وسعود يبكي بحرقه على امه الي تركته ولا ناويه ترجع له وتشوفه
.
.
ابو سعود الحقيقي.
دق عليه خويه الشرطي
خويه:عندي لك بشاره
ابو سعود:قلها
خويه:لقيت ولد سعود ابشر به وبرسل لك الموقع حقه
ابو سعود:كيف لقيته
خويه:ولدك سعود الحين يشتغل بالمباحث وهو رئيسهم وذا الشي سهل علي اني القاه وعنده مطعم عشان الناس مايدرون وش هو يشتغل
ابو سعود:احلف انه يشتغل بالمباحث اه ياسعود كبرت وحققت حلمك بعدي وانا ابوك
خويه:ها تبي موقعه
ابو سعود: اي وينه فيه
خويه :بالموقع طالع لي انه بالبر
ابوسعود:بالبر؟ عطني عطني الموقع
.
.
في بيت ام سعود ريفان
وهي تدق على ولدها سعود وهو مايرد وهي خايفه عليه شوي الا ويرن جوالها وتناظر الا سعود الي يدق
سعود:هلا يمه تبين شي
وصوته حزين وواضح انه فيه شي
ام سعود:الا انت شفيك فيك شي صوت مب عاجبني
سعود:يمه بنام اليوم عند الحلال زين
ام سعود:زين وانتبه على نفسك
سعود:ابشري يلا بقفل الابراج ماش عندي
وقفلت ام سعود وتنزل عليها زوجه ولدها محمد وجدان
وتقولها: خاله
ام سعود:لبيه
وجدان :شفتي ابتهال؟
ام سعود :ايي عنها تطبخ انداومي الي فقع بطنها
وراحت وجدان للمطبخ وقعدت مع ابتهال وهم يسولفون دخلت عليهم زوجه علي طيف وهي تقول ابتهال الحقي وش سمعت
ابتهال: وشووشو قولي
طيف:علي يقول ان خويه احمد يبيك على سنه الله ورسوله وعلي رفض
ابتهال:احلفي اح ليه ماجاء يشاورني
طيف: يوم سالته قال مابي احد من اخوياي يتزوج من خواتي
وتخيلي انه يحبك حب مايلعم به الا الله
ابتهال:تتوقعون قد شافني يعني ؟
وجدان :اي اكيد ولا مستحيل يحبك
دخلت ترف عليهم وتقول: يالله مافي احسن من جلسه المطبخ وش تسولفون فيه
ابتهاال:وخري هناك يالمراهقه
ويضحكون ويعلموننها السالفه.
.
.
عند الابل:
سعود وهو قاعد يشب الضو ويفرش فراشه عشان ينام الا وتوقف سياره هايلكس عند الحلال وهو يقوم يركض يحسب احد بيسرق شي
وهو يقرب ويشوف ان الرجال كنه ضايع ويساله شبغيت ياعم
الرجال:ادور ولدي وانا ابوك
سعود:شسم ولدك اعرف كل الي هنا حولنا وانشاءالله افيدك
الرجال:سعود بن مشعل
سعود:هذا انا
استغرب سعود وعرف ان الي يكلمه ابوه
ابو سعود:انت سعود انتت متاكد؟
سعود: الله الله وش طرا لك بعد ذا الغيبه تسال؟
ابو سعود :شفيه صوتك كنك قد بكيت؟
سعود : انزل اقلط
ابو سعود:ابشر بنبره حزينه
ويمشي ورا ولده سعود وهو يساله ليه انت هنا وذا الحلال ل ابوك مشعل؟ وسعود يمشي لبيت الشعر وهو ساكت ومهوب مستوعب الي صار
ابو سعود:انا احسي
سعود:بد تفهم كل شي بعدين الا شبغيت ؟
ابوه :ابي اقابل ابوك الي متبنيك وينه؟
سعود:شتبي فيه ؟
ابوه :بكلمه بكلام خاص
سعود:مافي انا ولدك وانا قدامك الحين وش تبي
ابوه:ابيك تعيش معي طالبك وطلقت امك وخذيت لي بيت اجار انا ابيك محد فقدك الا انا تكفى وانا ابوك طالبك
سعود:مب سهالات اني اخلي اهلي واجي معك بجيك عطني موقع بيتك وبجي انشاءاللله مع الايام ومشى ابوه بيروح ووقف وقاله عطني رقمك
سعود:بس ابشر به
ويعطي سعود ابوه رقمه وهو خانقته العبره يوم وهو قاعد يقول الرقم خذا ابوه بحضنه وضمه وابوه يبتسم وهو يضمه وسعود مبتسم
سعود ل ابوه:كنت فاقد الامل اني القاكم
ابوه:ابد معليك انا معك ها بتقلطني اشرب فنجال قهوه؟
سعود:اي ابشر بسعدك اول شي اوريك نياقي عندي ثنتين سميت وحده وضحى والثانيه توني ماسميتها
ابوه:مالقيت الا اسم امك !
سعود:يبه ذي امي مهما صار مانيب كارها احبها
ابوه.توك ماعرفت امك
سعود:خلاص خلها خلني اوريك الحلال الحين
وكمل سعود وهو مستانس ويوري ابوه الحلال وابووه يناظره وكنه باقي طفل عمره ٩ سنوات
وجلس سعود وهو يسولف على ابوه ويعلمه القصه ومن هم اهله الحين قاله سعود: ابيك تساعدين بشي واحد
ابوه:سم وشهو
سعود:اهلي يبون يزوجوني وخطبو لي وبقى اسبوع ونتملك
ابوه:منهي بنته ؟
سعود:مدري علي الحرام اني م اعرف الا اسمها بس
ابوه:شسمها؟
سعود:جمان
وهو يقول اسمها ابتسم ويناظره ابوه
قال ابوه:تحبها؟وضحك
سعود:لاشدعوه يبه
ابوه:اعترف
سعود:شف هو ماحبيتها بس كل ماطروها فز قلبي لا اسمها
ابوه:ذي بدايه الحب وانا ابوك قد شفتها؟
سعود:لا ويني وين الحب عني يايبه لا ولاشفتها ولا شي
ابوه:ليه غصبوك عليها هي بذات ؟
سعود: مدري يايبه مدري
.
صباح يوم ممطر ورعود:
صحت جمان من نومها على هواش اخوانها الاثنين وهم يتهاوشون على الاستشوار حقها وصحت تهاوشهم
جمان: شتسون بغرفتي خير خير ذا الصراخ
اخوها الكبير: ابي الاستشوار وذا التبن يبيه
اخوها الثاني:عسى ماشر انا ماخذه قبلك طس بس
جمان :وبصوت عالي اشترو لكم خلو حقي خلاص بنام
جت امهم وطلعت الاثنين برا وصحت جمان مره ثانيه وتقول امها قومي يلا مااهتميتي بشي وباقي اسبوع على الملكه
جمان: كل شي جاهز باقي الفستان مالقيت شي حلو يمه وبكت
امها:اقول قومي امشي السوق خلي عنك التيك توك وطقته امشي
.
.
بالسوق:
جمان وامه نزلو وهم يدورون فستان وترف ترسل رساله لاجمان ان سعود اخوي يبي رقمك استغربت جمان ولاقالت ل امها شي
قالت جمان ل ترف عطيه وقفلت جوالها وماكنت مستعده ترسله شي اول تستقبل منه رسايل ولمحت فستان اخضر وهي تمشي جذبها مره وقالت بس يمه وقع الاختيار ولقيت الفستان الي صنع لاجلي وضحك امها قالت يلا امشي نشوفه...
.
.
بمطعم سعود:
والمطعم اليوم زحمه وكان سعود الي واقف عند الاستقبال لانه كل ماطفش اشتغل بمطعمه وقرر يمسك اليوم الاستقبال
كلمته ترف وقالت ياسعود ترت جمان تبي رقمك اعطيها؟
سعود استغرب ان جمان لهدرجه جريئه انها تطلب رقمي وقال عطيها خل نشوف وش عندها ضافها سعود وبدا هو بالمحادثه
سعود: هلا شبغيتي؟
جمان:مب انت الي ماخذ رقمي؟ ليه ذا الاسلوب
سعود:انا ولا انتي الي مكلمه ترف عشان تعطيك رقمي؟
جمان: تستهبل صح ترف قالت انك تبي رقمي انت
سعود:حركات ترف وتسويها ليه استغرب المعذره❤️.
استغربت جمان من القلب الاحمر وردت عليه
جمان:❤️❤️❤️
سعود❤️❤️❤️
جمان:❤️❤️❤️
سعود:❤️❤️❤️
جمان:❤️❤️❤️
سعود:لمتى القلوب الحمرا؟
ماردت جمان عليه ..
وسعود يبي يعرف شوضع البنت ومن هي وش تعرف وش ماتعرف لانها دخلت حياته فجاءه ويستناها ترد عشان يبدا بالمحادثات
.
.
ببيت ام سعود ريفان:
رجع سعود للبيت وخالته مجتمعين وامه وقفته
وقالت: ارجع روح البقاله جب لنا كم غرض بيجونا حريم بسرعه
سعود: ابشري على خشمي
جاء سعود بيطلع من الباب الا وتنفتح باب سياره قدامه وتنزل منها كعب اسود وبرجلها شامه وعبايه سودا من تحت جلد وسعود يناظر ويرفع عيونه وتجي عيونه بعيونها وهي لابسه نقاب ونزلها بسرعه وشاف معها امه كان واضح عليها وجاين صوب سعود
مشى سعود بسرعه عند سيارته وركب وكان يفكر بذا البنت الي خذت قلبه وراحت الا ويرن جواله ويشوف اخر الرقم ٤٧ ويرد ارحب
ابو سعود الحقيقي:البقى وينك؟
سعود:يامرحبا ابدا عند البيت تبي شي اجيك؟
ابوه:لابد سلامتك حبيت اتمطن على ولدي
سعود: اهه يايبه لاتتطمن ولدك خذت قلبه بنت ودبرت وخلته
ابوه:اهااا شفت اني داري انك تحب
سعود:يبه مب جمان وحده غيرهااا
ابوه :يولد منجدك؟
سعود :يبه بقفل شوي امي تدق علي
قفل ابوه ويكلم امه سعود
سعود:لبيه
امه:وينك بسرعه الحريم جو
سعود:يمه توني عند الباب
امه :تدري ارجع ادخل ولاتروح مكان انت الي بترجعهم
سعود:يمه بقفل وتعالي عند الباب ابيك
امه:طيب
نزل سعود وفيه فضول يسال امه من ذي خذت عقل واحد ماله بالحب حيله ولا هو يعرفه وخذت قلبه ذي طلعت ام سعود وهي تناديه وتقول ها شبغيت
سعود:يمه من الحريم؟
امه:ماعرفتهم؟
سعود: لا والله
امه:ذي ام زوجتك وزوجتك يالخبل
سعود:احلفي يمهه احلفي ؟
امه:اي والله اكذب يعني
سعود:لالا ولاشي
وراحت امه وهي تضحك عليه وهو يضحك ومستغرب ان جمان الي عمرها ١٨سنه خذت قلبه هينا سعود تحمس جدا انه يرجعهم وانه يقعد يراسل جمان.
.
.
نرجع شوي بالسوق:
وجمان تقوس الفستان عليها وهو عاجبها مره وامه تكلم
امها:يلا يبنت ريفان تحترينا اعجلي
جمان:يلايلا خلصت
امها:اهم شي عجبك خلاص؟
جمان :اي اي
وراحو خذو لهم سياره ومشو عند ريفان ام سعود وجمان كانت ماتعرف شكل سعود ولا شي كل الي تعرفه انه زوجها فقط
وصلو وجمان تفكر في سعود وامه تدفها يلا وصلنا
نزلت جمان من السياره وهي تعدل عبايتها ونقابها وتناظر قدامها الا وقدامها رجال طويل القامه عريض الاكتاف لابس ثوب كحلي ومتعصب بـ شماغ ابيض تقول جمان يوم شفته انبهرت قلت من سعيدة الحظ الي بتاخذه صدق جمال بسم الله عليه ونزلت وجت عيونها بعيونه ومشى ودخلت هي وامها وريفان ترحب فيهم وجمان تقول البقى ياخاله البقى وجلسو وكان كل اهل سعود مجتمعين خالاته وعماته دخلت جمان وكان الكل يناظرها ومنصدمين ان ذي بتكون زوجه سعود وتهمس بتول ب اذن ترف.
بتول:اهخ ياجمالها ياحظ سعود فيها والله
ترف:اقول اسكتي نغار على زوجه اخوانا
بتول:كم عمرها تكفين
ترف:اكبر مني بسنه خلاص اسكتي خل اسمع سوالفهم
بتول:لاتسكتيني يانقااله العلوم خليهم وركزي معي وهي تضحك
وتضحك ترف
وتهمس وضحى بنت خاله الام ريفان وتقول
وضحى :يامشاءالله ياريفان اتقنتي الاختيار صدق مشاءالله عليها تهبل
.
.
بالمستشفى نزل فيصل من غرفته ومتوجه للاستقبال من فضوله الزايد
الاستقبال :اهلا ليش طالع من الغرفه؟
فيصل :معليك برجع بس بسالك
الاستقبال:تفضل
فيصل:كم رقم غرفه سجى؟
الاستقبال :ليش؟
فيصل :اءء اختي من الرضاعه
الاستقبال:لاتكذب وتكلم
فيصل:ابيها بنت خالتي
الموظفه بالاستقباال استغربت ومستحيل تعلمه بالغرفه وراح فيصل منها وقعد يدور بالمستشفى غرفه سجى ودخل غرفه فيها بنت نايمه شعرها اسود متوسط الطول ناعم جدا وهو من لمعه شعرها عرف انها هي سجى دخل عليها وهي نايمه وهو داخل بيجلس يسولف عليها ويفضفض الا ويدخل......
