في بيت ام سعود ريفان:
تعشو الحريم وراحو وبقى جمان وامها بيسهرون اليلله مع بعض
دخل سعود وهو مستعجل وراح غرفته خذا ملابسه حقت الداوم وطلع
بيداهم استراحه ومعه القوات وماقال لامه اي شي لان عندها الحريم
وداهم سعود الاستراحه واعتقلهم كلهم وقعد يحقق معهم طلع الي محرضهم على ذا كله احمد
طيب احمد ذا مجرم م....درات من زمان وسعود يحاول يقبض عليه وهو يحقق معهم عرف موقع احمد وقرر يداهم احمد ببيته دخل سعود البيت ومعه القوات ومتجهزين يقبضون عليه الا ويطلق رصاصه على...
.
.
في بيت محمد ووجدان:
دخل محمد بيته وعياله الاثنين يلعبون بلاستيشن بالصاله ومعهم عيال عمهم علي طلال وعزيز وناد يا هياف ولد
هياف: لبيه
ابوه:وين امك؟ ليه ماترد علي فيها شي؟
هياف :لا نايمه
ابوه :زين وانت ارقد بدري عندك بكرا اختبار
وراح محمد فتح باب الغرفه و وجدان نايمه دخل بهدو وبدل ملابسه عشان ينام وانسدح وهو معطي وجدان ظهره ووجدان معطيه محمد ظهرها وصحت وجدان ومحمد يشاهق وهو يبكي بهدوء
وجدان:شفيك؟
محمد:ولاشي
وجدان:والدموع على وش اجل!
محمد لف على وجدان وهو ساكت وضمها وانهار بحضنها وهو
يقول :صعب يوم الشخص يحب من طرف واحد
سكتت وجدان ولاتكلمت بشي
.
.
في بيت احمد:
ويطلق رصاصه على سعود بفخذه اليمين وعلى طول جاو القوات يغطون على سعود عشان يطلع من الموقع وشاله اخوه علي وهو يمشي معه للسياره
علي :مانيب قايل لك خله لين نمسكه بخطه مب هالطريقه خبل انت مب صااحي شف وش صار لك
سعود:يرجال علي الحرام ان ماتمسكونه وهو كل يوم بمكان وصعب نلقاه خل نمسكه ونرتاح تراه خطر على الناس
علي:انت تدري انه مهددني ب طيف وانت تدري شكثر اغليها وخليته في سبيله لين يسمكونه
سعود:ذا انت مب انا ماهددني خلني امسكه
علي:لاتنسى انك بعد ثلاث ايام ملكتك
سعود: افتح افتح باب السيااره بسرعه
فتح علي باب السياره وحركو على المستشفى وكمل علي كلامه وهو ينصح اخوه سعود
علي:بكرا لاتزوجت جمان بيعرف انك تزوجت وبيهددك فيهااعرفه
سعود:والله لايحط يده على جمان ان لا اقطعه اربع قطع
علي:وبضحك يولد قطعك وانت ماقطعته
وضحك سعود وهو ماسك على الجرح ووصلو المستشفى ونزلوه بسرعه وهو عند الدكتور وقام يضحك سعود بدون سببب
الدكتوره:شفيك؟
سعود وهو يتنهد :اهه يادكتوره الجرح مب برجلي الجرح بالقلب
وتناظر الدكتوره وتضحك
سعود:لاتضحكين وانتي ماتدرين وش بالقلب وضحك سعود......
.
بالمستشفى في غرفه سجى:
ويدخل ابو سجى يبي يشوف بنته ويلقى قدامه فيصل
ابو سجى:شعندك هنا؟
فيصل :ولاشي احسب خالتي هنا والدكتوره تقول انها تعبت قلت اشوف خالتي واسالها عن حالت سجى لاني معي نفس الحاله
ابو سجى :طيبه انت اطلع ولاتدخل عليها الا وعندها احد
فيصل :ابشر
.
.
ببيت ام سعود ريفان:
والبنات يلعبون في غرفه سعود ب البلاستيشن حقه وهم يلعبون
ترف:لالا امانه خلاص دوري
جمان:اصبري نلعب انا وابتهال ذا القيم بعدين انتي
ابتهال:بس لحالك محد معك وتضحك
ترف :شفتو انكم وسخين ياشينكم
جمان:معليك تمزح عليك ابد انا بلعب معك ياروحي
وفجاءه يسمعون ام سعود تصارخ وطلعو يركضون من الغرفه لتحت وجمان نزلت اول وحده وهي مو لابسه عبايتها وتشوف علي ماسك سعود من كتفه وانصدمت ذا هو الولد الي شافته عند الباب وتجي عينها بعينه وتدخل بسرعه ويطلعون ترف وابتهال
ابتهال بصوت عالي: يوه شفيك سعود
ويروحون ويقعدون وفهمهم سعود لان اهله يدرون انه يشتغل بالمباحث
وام جمان تناظر ام سعود مستغربه
ام جمان:سعود موب يشتغل بالمطعم؟
ام سعود:لالا ذا شغله الاصلي واني ناويه اعلمك مع الايام
ام جمان:يامشاءالله تبارك الرحمن
استانست ام جمان لانها مزوجه بنتها فيه عشان يحمي بنتها وطلع من المباحث وهينا وثقت بسعود مره
نزلت جمان وهي لابسه عبايتها وهي تجلس جنب امها
جمان:يمه ذا سعود؟
امها:اي
جات جمان رساله واتس وشافت الاشعار من برا رقم غريب ومكتوب بالرساله "يامرحبا ياجمان ببيت ام زوجك" عرفت انه سعود ونست انها تكتب اسم له وضحكت ولاردت وهو يناظرها يستناها ترد
سعود وهو يهمس ب اذن علي: شفيها مب لهدرجه في غرور
علي:منهي ؟ اها جمان ياحليك حبيتها
سعود:قصر صوتك الله يلعن العدو بعدين وش الي حبيتها ماحبيتهاا
علي :ليه حكمت انها مغروره احسها العكس لاتحكم لين تجلس معها
سعود: ايه زين ..وهو يناظر جمان
علي:خلاص يولد زودتها نزل عيونك ترا توكم
نزل عيونه سعود وهو مبهور ان بنت خذت قلبه وهو يهمس ويكلم علي
سعود:يولد تبي اعترف لك اعتراف
علي:ميحتاج عارفه
سعود:خلني اقوله عاد ابيه يطلع
علي:زين
سعود:تدري يوم شفتها طاب الجرح ...وعيونه كذا🥹
علي:يلعنك يالخفيف وخر
قاام علي وطلع وبقى معهم سعود وكان يناظر جمان وجمان تناظره
ام سعود:ها جهزتو شي للملكه؟
ام جمان:اي عاد تونا اليوم شارين اخر شي بالملكه
ام سعود:وشهو
ام جمان:الفستان
سعود:خلاص نحط الملكه بكرا؟
ام سعود : لا رجلك توجعك خلها لين بعد بيومين
ام جمان:اي صادقه امك توك وانا خالتك...
طلع سعود لغرفته وهو يغني "وطيب لمتى وبعدين كفاك هروب واجهني " وهو منطرب ويدخل غرفته ويشوف بوجه الكعب الاسود عند باب الغرفه وابتسم ...فتح جواله وقرر يراسل جمان عشان يفهم ليه هو مغصوب ياخذها وليه هي وافقت وهي بالعمر الصغير هذا؟ شك انه في شي ويبي يعرف قبل الملكه لان رافضين يسون عرس ملكه وتروح معه
.
.
في بيت ام سعود وضحى:
دق ابو سعود عليها وهي ترد
ام سعود: الو شبغيت
ابو سعود:لقيت سعود ولا ابيك تطلعين بوجه تفهمين؟
ام سعود وصوتها كنها تبكي: وين لقيته بالميتم
ابو سعود:لا عند اهله
ام سعود:اهله؟
ابو سعود:اي اهله
استوعبت ام سعود انه تمنوه ناس وخذوه وهي تبي ولدها وتحبه بس ماتقدر تشوفه ومنحرق قلبها عليه تبيه ..قفلت ام سعود بدون اي كلام ل ابو سعود وهي منصدمه
