ببيت ام سعود:
وهي تقلطهم على الغدا والكل قام وهم رايحين يتغدون ونياف يتكلم مع طلال ويقول :شرايك بجزمتي بالله مب حلوه
نياف :اح ياكلب حقت عم سعود؟ وين لقيتها كيف خذيتها اساسا؟
طلال: ياخوي موهبه شفييك
نياف وهو يضحك :اهدا تراك دوسري مب عتيبي
طلال وهو يضحك :لالا معليك مستأذن منه افا عليك انا اسرق
دخلو على الغدا وكلهم جالسين والشباب بجه والبنات بجه وعليهم عباياتهم
ابو سعود:وين سعود غريبه بالعاده مايتاخر؟ وعلي وينه ياطيف؟
طيف:شف ذا هو وراك
ابو سعود:بسم الله وينك فيه انت
علي وهو بضحك : هههههه فقدتوني ماتقدرون بدوني
ابو سعود: محد ميت عليك نبيك تملي بطنك بس
علي:ابد كان عندي كم شغله خلصتها وجيت
دخل سعود هو وجمان :السلام عليكم
ابو سعود:يامرحبا بجمان نور البيت
ام جمان :اليوم اجمل غدا
ودخلو وجلست جمان جنب البنات وسعود بجه الشباب وجلسو وهم يتغدون ومستانسين والكل يضحك الا وابو سعود يوكل ام سعود وهو يقول:الطياره الطياره افتحي فمك
ام سعود:اصبر اصببر خل الي في فمي تروح
ابو سعود:اقول افتحي
وكلتها ام سعود وعيالها وزوجاتهم وعيالهم يناظرون وهم يصاروخو ويقول فيصل:الله الله يالرومنسيه يايبه
طلال وهو يضحك:اقول هيي ترا حتى ابوي رومنسي لايغركم ثقله الحين
علي :العن ابوك انت ماتسد فمك اسكت
ابو سعود:من ابوه؟
علي:انا
ابو سعود:وانت راضي تلعن نفسك وعلى اكل؟
علي :يايبه خلاص زلت السان
طلال:يلا يبه وكل امي
نيااف:يلا يبببه وكل امي
بهاج:الله الله الرومنسيه زايده اليوم عند العايله
فيصل:عسى الله يرزقك بهوجي
ابو سعود:الا انت متى ناوي تتزوج؟لايكون نفس سعود بعد تبي بالغصب
سعود وهو يشرب حمضيات ويطلعها :من المغصوب انا؟
ابوه:من غيرك؟
سعود وهو يضحك:لالا يبه تتخيل انت انا متزوجها وانا احبها
وجمان تناظر سعود وهي مستغربه متى حبها ولا قالها كلمه رومنسيه بعدين استوعبت انه يمثل وقالت:اي ياعم متزوجين بحب وضحكت
ابو سعود عرف ان سعود مايبي اخوانه يدرون انه مغصوب وغير الموضوع وقال:ها بهاج من البنت الي براسك
بهاج:لاجاء وقته عرفتها
قامو من السفره وراحو المجلس الثاني ومابقى الا سعود ومحمد اخوه على السفره قال محمد:هو انت صادق تحبها؟
سعود:يعني بتطلع كذب
محمد:لالا بس استغربت معجل وحبيتها
سعود:مافيها شي البنت فيها قبول وتنحب وسنعه بسم الله عليها
محمد:يخليكم لبعض
سعود:امين وياك
قامو وراحو المجلس وامهم مجهزه القهوه والشاي والتمر والحلى وكلهم جالسين جلس سعود جنب جدته نوف وهي تقول:ذا خاتم زواجك؟
سعود:اي
جدته:الحين ذا الماس ولا وشوو
سعود :الله الله ذي الماس وثنتين مب وحده
جدته: انها تستاهل الماس جمان
سعود:اي والله ياجده
دخل طلال وهو ياخذ من امه شاحن وجاء بيطلع وقال سعود:تعال تعال وين رايح
طلال:حبروح ارقد
سعود:ليه ليه تونا اقعد مع اهلك واستانس يمديك على النوم تعال جنبي من زمان ماشفتك
ضحك طلال وراح عند عمه سعود وجلس
سعود:افسخها ياكلب افسخها العن ذا الوجه شاريها بـ٣٠٠ يحمار فسخها
نياف وهو يضحك:والله اني داري انك سارقها
جاء بينحاش طلال ومسكه سعود وقال:الحين تفسخها هينا وتروح تجيب منشفه وتمسحها عندي الحين
ام سعود:خلها عليه عاد معليه
سعود:يايمه ماقد لبستها عشان يلبسها
ام سعود لطلال: معليك بنعوضك بجيب لك اجمل جزمه
طلال:مافي احن من مامه مب مثلك بالله ذا عم ؟
سعود:لا مانيب عم زين انقلع جب منشفه
نياف:تدري عاد وش قايل لي انه مستأذن منك وماخذها برضاك
سعود:من جدك ذا ياخذها برضاي مستحيله ياخوي
علي:معليه يولد كان سامحته
سعود:اسكت ياالاب الحنون انت
علي وهو يضحك:بذمتك ٣٠٠ على وش
سعود:طبيه
علي:الحمدالله انها طبيه بس شكل خارجي ماش عدل ذوقك
سعود:الناس اذواق ياخوي وتراها عاجبتك بس عشانك مغبون قلت خايسه اعرفك
علي:اي اني ناوي اسرقها
سعود:الحمدالله اني متزوج وفي بيت الحالي مب عند اهلي
علي:معليك بنطق الباب على جمان وبتعطينا انشاءالله
سعود:يصير خير
وجلسو وهم يسولفون ويضحكون وانتهى يومهم وعلى الساعه3العصر الكل مشى بيته
.
.
طلعو سعود وجمان من بيت ام سعود
سعود لجمان بصوت هادي:اركبي السياره وبجيك
جمان :طيب
علي وهو طالع من البيت ومعه طيف وعياله :اركبو السياره
علي وهو بصوت عالي لسعود:وين بتروح
سعود: البيت
علي:اقرب شوي ابيك
سعود: ها شبغيت
علي:وش دخل جمان معنا بالمداهمه فهمني
سعود:السالفه طويله بد اعلمك بعدين
علي:وش بعدين شفيها لو قلتها الحين؟
سعود:قلت بعدين يعني بعدين لاتزققها خلاص
راح سعود لسياره وجاء بيفتح الباب الا يدق جواله رفع الجوال يشوف الا وهو ابوه ماجد "الحقيقي"
سعود: ارحب يامرحبا
ابو سعود:البقى ها وينك بتجيني
سعود:لا اسمع بقولك بسرعه كل شي الحين
ابوه:قل اسمعك
سعود :عرفت ليه زوجوني جمان بالغصب
ابوه:ليه
سعود:عشان احميها وعرفت من الي يبيع المخدرات بسعر حلو على احمد التبن
ابوه:لاتقولي ان ابو جمان له دخل في الاشياء ذي
سعود:هي قالت ان ابوها كان يمشي ووقفوه وقالو نبيك تبيع بس انا اقول مستحيل يوقفون اي واحد بالشارع ويقولون بع لنا وش هالثقه
ابوه:يعني اكيد ابو جمان له دخل بس مايبيك تدري لانك تشتغل بالمباحث ومب اي واحد رئيسهم
سعود :مدري عنه قلت لها دقي على ابوك وقولي سعود عرف كل شي وتصرفني
ابوه : هي وينها الحين
سعود :بالسياره
ابوه:وتكلمني قدامها
سعود:لا برا انا
ابوه:خلاص رح شفها يلا تبي شي؟
سعود:ابد مابي الا سلامتك
وركب سعود السياره وجمان تكلم واول ماركب قفلت
سعود بصوت حاد ومعصب:شفيك من الي يكلمك؟
جمان:اخوي
سعود:اها وليه فقلتي
جمان:خلاص خلصنا سوالف وقفلت
سعود:اي زين
مشى سعود وهو يقول لجمان:اسمعي انا قررت نعيش عند اهلي
جمان:ها ليه والبيت
سعود:مب انا ماخذك عشان احميك خلاص ببيت اهلي محد قاربك
جمان:وتبيني اعيش بغرفه والبيت كله مشترك واخوانك شلون اروح المطبخ شلون اروح الحمام ؟
سعود:لاتقعدين تنافخين وانا ماكملت كلامي اول شي بيت اهلي دورين فيه غرف اخواني وخواتي وفيه قسم فيه صاله ومطبخ وغرفه وحمام وانتي جايه عشان احميك مب عشان تعيشين عيشه ملوك
جمان :طيب متى؟
سعود:بكلم امي اليوم يرتبونه ونروح بكره
جمان:مب منجدك
سعود:مب عاجبك فيه بيت اهلك اقعديي فيه ويحمونك
جمان:انت شفيك تتمنن علينا خلاص ماتبي تحميني قلها من اول
سعود:هو انتو علمتوني انكم تبوني احميكم اساسا
جمان وهي مب طايقه سعود:طيب
كمل سعود الطريق وهو مشغل شيله محسن" ياغايه الملهوف"
الساعه٤العصر بالمستشفى:
بغرفه سجى دخل عليها دكتورها محمد وهو يقول:ها كيفك انشاءالله بخير اليوم
سجى:الحمدالله بخير
د.محمد:بقيس ضغطتك اليوم ولازم تكثرين من الاكل انتي ماتاكلين ليه؟
سجى وهي تضحك:محب اكل المستشفى
د.محمد وهو يضحك:لالا مب على كيفك بتاكلين الحين بيجيبون وبتاكلينه طيب عشان تطلعين
سجى:تمام
د.محمد:طيب بسالك ياسجى
سجى:امر
د.محمد:وش يقرب لك فيصل؟
سجى:ولد خالتي ليه؟
د.محمد:بينكم علاقه شي ؟
سجى:لالا ولاشي
د.محمد:اذا خطب وافقي زين هههههههههههههه
سجى:ليه ههههههههههههههههه
د.محمد:واضح يحبك جدا بسم الله عليه كل يوم يسال عنك حتى وهو تعبان
سجى:انشاءالله
.
.
