في البر
رعد : الله الجو بارد
معن : اي الحمدلله وقت طلعتنا حلو بداية الشتاء
غيث وهو يناظر معن من بعيد بهيام
مشاري : حاول تتحكم بنظراتك
غيث : شسوي احبه
مشاري : اعترف له قبل ما احد ياخذه منك
غيث بغيره : محد يأخذه مني
مشاري بضحكه : يويلي على الغيره
معن وهو يشوفهم من بعيد وجاء لهم : شفيكم واقفين هنا
مشاري : ولاشيء بس نتأمل المكان
معن وهو يناظر غيث : يجنن صح
غيث بهدوء : اي
كان مكانهم في وسط النفوذ و الجو كان مغيم وضوء الشمس معطي البر جمال مو طبيعي ولا ننسى نسمات الهواء البارده الي تشرح الصدر ، كل شخص انشغل بشيء نايف وراكان قاعدين يسوون الخيمه ، مشاري و غيث يطلعون اغراض عشان يسوون الغداء ، معن قاعد يطلع الحطب عشان بيشب النار لان البرد اشتد عليهم ، رعد الي يصور سناب
في بيت عبدالله ( ابو تركي )
تركي : يلا ي هادي و فارس ، فهد برا اسرعو
عبدالله باستغراب : وين رايحين ؟
تركي : البر
عبدالله : بروح معكم
تركي : يبهه طلعت شباب
عبدالله : اجل هادي و فارس ما يروحون
تركي : سلامات يبهه!
عبدالله : هذا كلامي
تركي بعصبيه: يلا طيب حرك
عبدالله بابتسامة انتصار : يلا انا برا مع فهد
طلع عبدالله
فارس وهو نازل : تكفى الي سمعته غلط بيروح معنا
تركي بحزن : للاسف تحمله
فارس : اجل ما بروح
تركي : براحتك
هادي : يلا تروك
تركي : يلا
بالسياره فهد الي متحمل خاله عبدالله
تركي : السلام عليكم
فهد : وعليكم السلام
عبدالله وهو يناظر لهم : وين خالكم ؟
تركي : مايبي يجي
عبدالله بعصبيه : روح له وبعطيه خمس دقايق ما جاء اتفاهم معه
تركي : مايبي غصب !
عبدالله بصراخ : تفهم ولا لا
فهد وهو يحاول يهدي الجو : تروك حبي روح له بالله
تركي وهو يطالع ابوه بعصبيه : طيب
دخل البيت وهو ينادي فارس
فارس : نعم
تركي : ابوي يقول معك خمس دقايق ولا يجي يتفاهم معك
فارس بخوف : يلا يلا بجي ما يتركني براحتي هو!
تركي راح وهو حزين على حالة خاله الي ابوه مو بخليه براحته ، ركب السياره ولف على ابوه : جاي ، ثواني الا فارس طالع
فهد : هذا خالكم ماشاءالله جمييل
تركي بغيره : احلى مني ؟
فهد : محد يوصلك اصلاً بس استغربت انه اخو امكم مو حولها
عبدالله بغيره : سكر الموضوع
فهد وهو متوهق بالاب و ولده : شفيكم علي
فارس دخل السياره : السلام عليكم
فهد : وعليكم السلام
في بيت " مطلق " عم معن
تهاني : ماودك تروح تشوف عيالك ايش يسوون مع المتشردين
مطلق : تبين مشكله شكلك
تهاني : نعم! عيالي طالعين مع اشخاص مو ثقه
مطلق : هذولا الاشخاص هم عيال اخوي !
تهاني : رغم كلام خالهم عنك مخليهم يطلعون معه بعد
مطلق : مالك دخل ! وقام بيطلع برا البيت
تهاني : وين رايح!
مطلق وهو طالع : لجهنم مالك دخل
في البر
رعد وهو يشوف سيارة فهد : وصل فهود
معن وهو يضبط الجلسة بعد ما شب النار : اخيراً
فهد وهو ينزل من السياره : اخ تكسر ظهري
عبدالله يبي ينرفزه : رخمه انت المسافه قصيره
فهد خزه ومشى
عبدالله بضحكه : شفيه صاير نفسيه
تركي بحده : وتسال بعد !
معن : شرايك بالجلسة
فهد : اكيييد حلوه مسويها معوني
غيث : معوني مره وحده
معن : اخ اخ كنت احب اسمي الحين كرهته من دلع
تركي بضحكه : فهد ما يستاهلون الدلع منك
فهد بتذمر : تشوف حبي !
مشاري : الحلو ذا مين
تركي : خالي فارس
رعد : عندك خال صعنون
هادي بضحكه : صعنون لا يسمعك بس
فارس بتذمر : سمعت !
رعد و مشاري ضحكو عليه وعلى ردة فعله اللطيفه
عبدالله وهو يجلس : ماودك تكلم اخوك
راكان بزعل : اوكي الحمدلله تذكرت عندك اخ !
عبدالله : يالليل من الدراما حقتك ترا كلها اسبوع ما دقيت
راكان : حتى ولو اسبوع ما فكرت تدق على اخوك !
عبدالله بتنهيدة : قولي وش تبي عشان اعوضك
راكان : ابي منك تدق علي وتعطيني اهميه
عبدالله : تم تبشر كم عندي ركون
راكان : واحد وتتغلى عليه !
عبدالله بتذمر : يالليل رجعنا
راكان بضحكه : امزح ياخي ما يمزح معك انت
غيث وهو بعيد عنهم ومتردد انه يرسل الفيديو لابوه يبي ابوه يشوف الحقيقة بس قلبه خايف على امه بس خلاص يبي ابوه يشوف حياته هو يدري بحب ابوه لراكان ويدري ان زواج امه و ابوه كان اتفاق بس ما يبي يشوف ابوه يكره أعز انسان عنده واصلاً الإنسان هذا مظلوم وكله من فعلت امه بس عرف قد ايش امه حقيره و ما تتمنى الخير لابوه : اخ خلاص برسل اف
معن من وراءه : ايش بترسل
غيث بربكه ضغط الزر بغلط وارسل وقفل الجوال بدون ما يحس : ولا شيء
معن حس بارتباك غيث : طيب يلا ادخل الخيمه الجو بارد
غيث : يلا
مطلق وهو بالسيارة يسوق متجهة للبيت جته رسالة غيث استغرب يحسب يبي شيء ، دخل المحادثه الا فيديو استغرب وفتح الفيديو .
النهاية
كومنت و صوت يسعدني جداً
أنت تقرأ
مــعـن وأخوانه
General Fiction" لولا الأخوة ما طابت ليالينا ولا ضحكنا بليلٍ كان يبكينا ".
