بيت اليد كان ينبني طول هالخمس سنين ف كانوا م يتيمعون دوم بس كل واحد يسير يسلم ع يده و يروح و آخر مره متيمعين كلهم كانت في العيد و محد شاف حد لانه كان يوم متعب عقب رمضان ف قلت يمعاتهم لكن الاولاد يطلعون مع بعض و البنات مع بعض .
اليد : بغيتج ف سالفه ام سالم ( تحب ينادوها ام سالم مب ام راشد 🤣)
اليده : آمر ؟
اليد : ب ما انه بيتنا قرب يخلص شو رايج نسوي عزيمه ل عيالي واحفادي من زمان م شفتهم كلهم مع بعض
اليده : ياربي اشتقت لهم والله فكره غاويه خلاص أنا بدق ل رشود يخبر اخوانه يوم الجمعه زين ؟
اليد : هيه زين بس بتصل للعامل يزهب الذبيحه
اليده : زين
ف بيت راشد :
راشد : هلاااا امايه شحالج عساج طيبه
اليده : الحمدلله بخير بس اتولهت عليكم وايد و خاصه أحفادي
راشد : اميه انتي داقه عشان ولدج ولا عياله ههههه
اليده : بغيت أعزمكم ابوك قال رمس اخوانك كلهم اييون يوم الجمعه
راشد : ان شالله اميه
فهالوقت كان حامد توه بيطلع للدوام: صباح الخير ، حي الله ابويه شحالك عساك بخير
راشد : الحمدالله يا ولدي م نشكي باس بس يا حميد يغيتك تخبر اخوانك ورا باجر سايرين بيت يدكم و عمومكم كلهم هناك بيكونون و بتسوي خير لو دقيت ل عمومك م فيني ادق والله عندي اشغال
حامد : منزمان عن هاليمعه ، ان شاءالله ابويه ولا يهمك برمسهم
و طبعا انتشر الخبر في بيوت كل العائله و يا يوم الجمعه
يوم الجمعه :
10:30 الصبح
ف بيت اليد
اول ناس وصلوا هم قوم سالم
حمدان : يدييييي اشتقتلك والله و اشتقت اقط عليك هههههخخ
اليد : أنا بعد بس اسطلب احسن لك لا امرغك بهالعصا
حمدان : يدي توني ياي شو تمرغني بعد زعلت
كلهم يضحكون على حمدان ههههههههههههههههخ
و فهالوقت دشوا قوم راشد و مطر
و سلموا عاليد و اليده كانت فالمطبخ
مكتوم كان رايح صوب المطبخ و الممر كان شوي ظلام ف م يبين منو ياي من الصوب الثاني
مكتـوم : يقول ف خاطره (يالله وين يدوووههه)
صوت من وراه ( بصوت عالي ): يدوتييييييي اشتقت لجججج وينججج
و طاخخخخخخخخخ !!!!!!!!!
مَكتوم : اححححححح منو هذا الي م يشوف دقيقه بولع الليت
آمنه : اييي يعورني روضوووه اكيد هاي انتي صح ؟
ولعت الليت ( بووووممممم الصدمههه)
مكتوم : انتي آمنه ؟
آمنه : هيه امنه انته منو م اعرفك كيف تدش بيت يدوتي ؟!!
مكتوم : يقلدها ( يدوتيييي ) رد طبيعي افا كيف نسيتي ؟ أنا مكتوم
هنيه آمنه جنه حد صب ماي بارد عليها : هاا ؟ اوهه ولد عمي شحالك
مكتوم : الحمدالله بخير تو الناس عقب م اتحرطمتي
آمنه تلومت لانها م شافته من زمان : السموحه ولد العم اسمحلي بسير أنا عند روضه تقول في خاطرها ( هذا كيف تغير جي استوى وايد حلو بس م يهم برايه شو عليه أنا ؟ )
