في اليوم الثاني كل حد روح ب أمر من حامد و طلع عذر انه البنات تعبو و جي لكن الوحيدين الي يعرفون هم امنه و مهره
بعد وقت طويل ناصر و حامد يالسين يفكرون شو يسوون و قرر حامد يرد للمركز و يعرف السالفه
حامد : يالله عساه خير إذا تم فيها خير استغفرالله
حميد ( يشتغل فالشرطه ) : حامد لازم أكلمك ف موضوع
حامد : تقدر تأجله ؟
حميد : يخص عبيد و أحسه ضروري شوي
حامد : دش مكتبي ياينك احين
و دشو المكتب :
حميد : حامد اكتشفنا انه تاجر مخ*درات و كذا بنت مبلغه عليه بقضيه اعتداء و عنده ملف فالشرطه و هذا كان مبرر انه نسجنه
حامد ( ف حاله صدمه ) : ها ها ؟ كيف يعني
حميد : شو كيف يعني
حامد : ولاشي خلاص المهم حاول تسجنه مؤبد بعد و فكنا من شره
حميد : شوف أنا بحاول بس م أظن بتزيد عن عشر سنوات لأنه ما عندنا ادله كافيه و البنات الي كأنو مبلغين سحبوا شكاويهم ف وقت واحد
حامد طلع و هو معصب انه م شي ادله
ف مكان ثاني ......
حمدان ( يصارخ ) : سعوووود
سعيد : ها حمدان بلاك تصارخ تراني حذالك عنبو
حمدان : قم نسير
سعيد : انته بس نسير و نسير اشتغل عند أبوك أنا ؟
فجاه . طااااخخخ ع ويهه بالنعال
سالم ( بو محمد ) : ليش شو فيه أبوه ي مسود الويه عناد بتطلعه
حمدان : قسم بالله أقوى أبو فالعالم حي الله الوالد
بو محمد : جب انته لا اسحب كلامي
حمدان : م عرفنالك شو تبا سب ولا مدح ؟
بو محمد : ناوي تسب شوووو !
حمدان : اسولف أبويه بلاك انته
و طلعو مع بعض ب سياره سعيد متوجهين للاسطبل كالعاده
فالأسطبل
امنه : مهروه انزلي من على الخيل لا اييج حمدان الحين يعطيج طراق والله
مهره : م عليج منه يستحي منج
امنه : وأنتي شو خانتج م يستحي منج ؟
مهره : عادي م يستحون مني أنا
امنه : هيه ما شاء الله عليج
( طبعا الاسطبل مسكر لكن في مكان مفتوح ع العراقيب و السيايير تبين منه )
نايف : أمون تعالي شوي
امنه : ها حبيبي نواف شو تبا
نايف : في ريال يباج
