My Boyfriend Cheated While I'm Asleep

CHAPTER 2

Naa ko karon sa hospital nakaconfine kay nakuyapan ko ganina pagkabalo nako sa tinood. I can't expect nga nakatulog ko ug 1 year, nakalimot ko nga naa diay koy sakit.

Pero sakit kaayo hunahunaon nga natulog rako pero nagcheat na siya.

Abi nakog pakasalan pako niya, asa na diay to iyahang gipromise sa akoa? abi nakog di na siya mangitag lain kay kontento na siya sa akoa.

Promises are ment to be broken, dili tanang tao magstay sa imoha. Naay tao nga muabot sa imoha para maghatag nimo ug lesson. Tanan tao nga muabot sa imoha naay purpose.

Abi nako ug kami najud sa hangtud kay 6 years mi nga mag-uyab. Wala man lang hunahunaa ni Van ang amoang relasyon.

Abi nakog tarong siya nga lalaki kay naa na niya tanan ang akoang gusto. Andam daw siya muhulat kung kanus-a ko ready na nga magpakasal.

Pero unsa ang iyahang gibuhat karon, wala ko niya nahulat. Nangita noon siyag lain, pero ang pinakamasakit kay ang iyahang nakita nga lain kay ang akoang kambal.

Sukad bata pami ni Clarisse di jud mi magkasundo, yes kambal mi pero di mi pareho ug batasan. Maldita kaayo na siya sukad pa sauna ug di kaayo mi close, even in our school dili mi mag-uban.

Naglahi pud na siyag kuwarto, di na siya gusto nga mutapad sa akoa. Dili pud na siya gapamansin sa akoa pag naa mi sa eskwelahan. Ambot niya dako kaayo na siyag kalagot sa akoa.

Pagnaay paliton ang akoang parents para sa akoa, magselos dayon na siya dapat palitan pud na siya. Usahay malooy nalang ko ni Mama, siya nalang ang palitan kay kulang ang iyahang kuwarta.

Ever since jud, ang tanan nakong gusto kay iyahang ilugon ug di na siya gusto malabwan.

Mainggit gali ko sa ubang kambal kay close kaayo sila unya kaming duha kay dili. Wala jud ko niya gi love sukad pag-anak namo, nagdako mi nga naa siyay kalagot sa akoa.

Nakuyawan dayon ko sa dihang nisulod dayon na si Van sa akoang kuwarto.

Wala ko nitan-aw niya ug nitan-aw ko sa bintana.

“How are you? okay naka?” pangutana niya.

Wala nako siya tubaga ug nihuot napud ang akoang dughan.

Feel nako pagtubagon nako siya mutulo guro ang akoang luha.

“Ingon sa doctor need pa daw nimo magpahulay ug 1 day diri sa hospital, so ugma pwede naka makauli” dugang niya.

Wala jud nako siya pansina, akong gihunahuna nga wala daw koy kauban.

Wala ko kabalo ug unsa ang iyahang gibuhat kay wala naman pud siya niestorya.

Di nako siya kaya nga tan-awon, mas masakitan noon ko. Mahunahunaan nako ang iyahang gibuhat sa akoa.

Unsa kabaga ang iyahang nawong nga after sa tanan niyang gibuhat, naa pa siyay nawong nga ipakita sa akoa.

I trusted him a lot, grabe nakong salig sa iyaha nga iyahang tinuoron ang iyahang gipromise sa akoa pero mali diay ko.

“Humana kag kaon?” pangutana niya after sa pila ka minuto nga kahilom.

Abi nakog wala na siya, abi nakog nigawas na siya kay wala naman siya niestorya.

Wala gihapon ko nitubag sa iyaha, peste mani siya uy nganong naa mani siya diri.

Nalipay rako sa dihang nisulod si Mama sa kuwarto.

“How are you my beloved daughter?” pangutana niya ug iyaha kong gihug.

Wala ko nihug back niya kay ang akoang kalagot naa pa gihapon. Wala pud ko nitubag sa iyahang pangutana.

Galagot ko nilang tanan kay wala man lang ko nila hunahunaa atong natulog ko.

Di ko gusto makadungog sa ilahang tingog. Pero pasalamat nalang ko niya kay dili ra kami ni Van ang naa sa sulod.

I feel so betrayed, wala man lang koy kakampi. Not even my own family.

———

Finally nakagawas rajud ko diri sa hospital, nakagawas rajud kos kalbaryo. Kapoy kaayo diris hospital kay segi raka ug higda unya naa pay pagkaon nga bati kaayo.

I'm so happy nga nibalik na ang akoang kusog ug pwede nako makalihok lihok pero dili kaayo magpalabi.

Abi nakog dili na mubalik ang akoang sakit kay ingon ang doctor dako daw ug possibility nga dili na mubalik ang akoang sakit pero nibalik jud siya.

Ang iyahang pagbalik sa akoa kay nagcause ug sakit, nisamot noon ko ug kasakit.

Pagsulod nako sa balay nakita dayon nako sila nga naglingkod sa sofa, sweet kaayo silang duha unya nitan-aw dayon na si Van sa akoa.

Nakita nako sa mata ni Clarisse nga nagselos jud siya, gisunod jud ko ug tan-aw ni Van. Kanang murag maputol na ang iyahang liog, ug nadismaya ang akoang kambal sa iyahang nakita.

Nidiritso rakog sulod sa akoang kuwarto ug wala nako sila pansina.

———

Nigawas ko sa kuwarto kay giuhaw ko, unya nidiritso dayon ko sa sala para muinom.

Wala nako nabantayan nga naa diay si Clarisse nga naglingkod.

“Ches pwede ba ta mag-estorya?” pangutana niya.

Wala ko kabalo ug unsa ang amoang estoryahan pero nitando rako sa iyahang pangutana.

“I know nga love pa kaayo nimo si Van pero Ches please move on na, naa na siyay bag-o— ug ako to. Please Ches layui nami ni Van, ako na ang iyahang  love. Kasalon nami, please Ches palayo ni Van” hangyo ni Clarisse sa akoa.

Wala ko kabalo pero nagsakit ang akoang dughan, kabalo kung love pa nako si Van pero nagstart nakog pugong sa akoang kaugalingon. Nagstart nakog move on, kalimtan na nako siya kay naa naman siyay bag-o.

“Akoang ampingan si Van, dili nako siya pasakitan. Kaya nako siyang ampingan sama sa imohang gibuhat sa iyaha ug palipayon nako siya perme. Please lang jud Ches, happy na kaayo mi ni Van ug ayaw pulta ang amoang kalipay” sulti ni Clarisse ug naghilak na siya.

Wala koy maestorya sa iyahang giingon, sala pa lugar nako nganong naka mata pako?

Nisulod dayon na si Van sa kusina ug nakita niya nga naghilak si Clarisse.

“Since naa naman si Van diri, gusto nako mahibal-an. Van kabalo kung sakit kaayo ni sa imoha ug sa akoa. Pero gusto jud kog kamatuoran, tubaga ug tarong ang akoang panguyaban. Pagpili namong duha, AKO or si CHES!” sulti niya kang Van ug wala kalihok si Van sa iyahang gitindugan.

Wala ko kabalo nganong gipapili ni Clarisse si Van nga klaro naman kaayong siya jud ang pilion.

Naghulat ming duha sa tubag ni Van ug nagsegi pagtulo ang luha ni Clarisse.

“Ambot... wala ko kabalo—” sulti ni Van ug nigawas sa kusina.

Nashock ko sa iyahang tubag. Abi nakog pilion ang akoang kambal.

I feel sad for her ug kabalo kung sakit kaayo para sa iyaha.