Van's POV
Pila na weeks nga wala nagparamdam si Ches nako. Sukad atong nakaestorya ko niyag sakit atong lubong ni baby Angel, wala na siya nagpakita sa akoa.
Ayha ra nako narealize nga sakit diay kaayo ang akoang naingon niya. Tungod guro to sa akoang kalagot nakaingon ko niya ato. Nagsakit akoang buot naghunahuna sa akoang gibuhat niya.
Wala jud diay pagmahay nga gauna, ayha rajud ka magmahay paghumana nimo ug buhat sa usa ka butang nga dili maayo.
Imbis malipay ko kay naa nami closure ni Ches, naabot napud mi ani nga problema. Nibalik napud mi aning dili magtingogay.
Na miss na hinoon nako siya, gimingaw nako sa iyahang tingog. Unta makakita kog time nga magkaestorya ming duha.
Sakit jud hunahunaon nga nawala napud siya tungod lang sa akoang mali nga naestorya.
Namove ang amoang kasal kay tungod sa nahitabo. Gusto napud ni Clarrise kay dili napud daw siya magpakasal dayon kay kailangan padaw niyag time para magmove on sa amoang anak nga namatay.
Sakit gihapon para sa akoa ang nahitabo pero iaccept nalang kay wala naman mi mabuhat para mabuhi siyag balik. Makamove on rako soon, ug makabalik nako sa realidad.
I open my massages ug nakita nako nga nagmessage diay si Ches nako atong namatay si baby Angel ug wala nako nakita ang iyahang message.
Nahunahunaan nasad nako si Ches, basig nasakitan to siya sa akoang giestorya. Wala ko kabalo pero nihuot ang akoang dughan, sakit kaayo hunahunaon nga naglikay na siya sa akoa.
Nitulo ang akoang luha tungod sa kasakit.
“Are you okay?” pangutana ni Clarrise nga naa sa akoang luyo.
Dali² nakog trapo ang akoang luha ug niatubang sa iyaha.
“I'm okay baby” nismile ko sa iyaha.
Pero dili jud ko okay, gusto nako makita si Ches karon.
“Good to know” ana niya.
“Btw naa koy importante nga lakaw karon Clarrise” pananghid nako niya.
“Uban ko?” pangutana niya
Wala ko katubag kay gusto ko makigkita ni Ches karon kay magsorry ko sa iyaha. I hope naa pa siya karon ilahang Mary.
“Ay dili nalang diay naa koy importante nga buhaton” dugang niya.
Awts good to know nga dili siya muuban kay basig mastress na siya ug samot, basin hinoon ug magselos na siyag maayo.
Sorry jud kaayo Clarrise pero mas unahon pa nako si Ches kaysa sa imoha.
———
Nagsakay nako sa akoang sakyanan ug wala napud nako nakita si Clarrise, ambot asa kaha to siya padulong.
Padulong nako karon sa ilahang Mary ug basin naa pato siya didto sa ilaha. Basin nibalik nato siya ug Cebu kay naa raba to iyahang work dadto.
Pero feel nako naa pato siya didto, kusog jud kaayo ang akoang guts nga naa pa siya didto.
Samtang gadrive ko I texted her.
'Ches pwede ta mag-estorya?'
'Ches please, naa lang koy gamay nga iapologize'
Pila ka minuto pero wala jud ko nakarecieve ug any reply gikan sa iyaha.
I tried to call her pero dili siya mutubag, nakaoff ang iyahang cellphone. Please Ches tagai kog time nga magkaestorya ta.
Hapit nako sa ilaha ug nihunom ko sa atubangan sa ilahang gate pag-abot nako.
Dali dali dayon ko ug gawas unya gitoktok nako ang ilahang gate.
Tulo ka toktok ug wala gihapoy niabli. Gikusog nako kay basin ug wala kadungog.
“Unsa man?” pangutana ni Mary sa dihang iyahang giablihan ang gate.
Na shock siya pagkakita niya sa akoa.
“Oh Van, why are you here?” pangutana niya.
“Hmm naa si Ches diha? pwede siya maestorya?” diritso nako nga tubag.
Nakita nako sa iyahang expression nga kabalo na siya sa reason nganong nianhi ko diri.
“Please....” hangyo nako niya
“Come in” ana niya ug nisunod ko sa iyaha pasulod sa ilahang balay.
Gidala ko niya sa luyo sa ilahang balay ug gipalingkod ko niya sa usa ka lingkoranan nga naa sa ilalom sa kahoy.
“Paghulat diri” sulti niya sa akoa ug nibaklay siya pasulod sa iyahang balay.
While gahulat ko ni Ches nakulbaan kog maayo kay basin ug dili siya gusto nga makig-estorya nako. What if dili ko niya pasayloon, what if forever na diay ko niya nga likayan.
Nakulbaan kog maayo sa dihang nakita nako si Ches nga nigawas sa gisudlan ni Mary ganina.
Pagkakita niya sa akoa nibaklay dayon siya pabalik.
“Ches wait-” singgit nako.
Nihunom siya ug niatubang sa akoa.
“Van wala natay dapat nga estoryahan pa, humana ang tanan. You said that dili nako magpakita sa imoha, nganong nagpakita paman kas akoa? Van kalimti nako kay gikalimtan na tika” sulti niya.
“Sorry Ches, I know nga daghan kaayo kog sala sa imoha. Ches kabalo kung sakit kaayo ang akoang gibuhat sa imoha, sorry kaayo. Wala nako to tuyoa, pasayloa ko Ches please” beg nako sa iyaha.
“Van pila na ka apologize ang imohang gibuhat sa akoa, Van gikapoy nakog pasaylo sa imoha pero gakabuhat gihapon kag mga sala. Van I'm tired na, palayo na sa akoa please. Sakit na kaayo ang imohang gibuhat sa akoa”
Niduol ko niya “Ches sorry–” nahunom kog estoya kay nitulo ang akoang luha.
“Nadala rakos akoang kalagot ato, wala jud to nako tuyoa. Nadala rakos mga nahitabo sa akoa ato nga time” explain nako sa iyaha.
“Mao rato Van? kabalo ka unsa kasakit ang mapasanginlan ka sa butang nga wala nimo buhata? Van ikaw mismo ang hinungdan nganong namatay ang imohang anak. Nganong imoha kung giblame? wala koy gibuhat nga mali Van” nabuak ang iyahang tingog kay nagtulo napud ang iyahang luha.
Niduol ko niya ug maayo pero iyaha kung gituklod.
“Gipagsisihan na ko to Ches, kabalo jud kong mali to ang akoang gibuhat. Giblame na nako ang akoang kaugalingon Ches. Pasayloa ko please”
“Pasaylo? pwes kan-a na imohang apology nga way lami” sulti niya ug nitalikod siya para musulod na.
Gigunitan nako ang iyahang kamot ug natumba siya padulong sa akoa, ug nasalo siya sa akoang kamot.
Nidiritso siyag barog ug suko kaayo ang iyahang nawong.
“Van uli na please, dili nako kaya nga makita pa ang imohang nawong” dugang niya ug nisulod na siya.
At this time wala na nako siya napugngan.
Niuli ko nga gasakit ang akoang buot, pagsulod nako sa akoang kuwarto gipanglabay dayon nako ang tanang butang nga akoang magunitan.
“BWESET” singgit nako.
Gisumbag nako ang wall ug perteng dugo sa akoang kamot. Wala nako nafeel ang kasakit sa akoang kamot, mas na feel nako ang kasakit nga wala ko pasayloa ni Ches.
Perte nakong hilak sa akoang kuwarto.
CHES SORRY JUD KAAYO SA AKOANG NABUHAT.
YOU ARE READING
My Boyfriend Cheated While I'm Asleep
Ficção AdolescentePagmata nimo kay nahibal-an nalang nimo nga ang imohang uyab kay napaburosan ang imohang kambal. Mogive up ka? Unsaon nalang ang inyohang relasyon? Unsaon nalang ang taas nga panahon nga inyohang panag-uban? Ready ka magsacrifice? Narcolepsy with ca...
