My Boyfriend Cheated While I'm Asleep

CHAPTER 8

Van's POV

Bag-o pakong mata pero nakuyawan ko sa dihang naay nitawag sa akoa. Dali dali nalang pud kog tubag, ambot kinsa kaha ni nga wala man untay nakabalo lain sa akoang number.

“Hi maayong buntag” i greeted.

“Hello busy ka karon?” pangutana sa usa ka babae.

Dako kaayo kog smile sa dihang tingog ni Ches ang akoang nadungog. Wala ko kabalo ug asa niya nakuha ang akoang number.

Nawala jud akoang katulgon pagkadungog nako sa iyahang tingog. Soft and angelic kaayo ang iyahang voice. Tingog palang daan gwapa na kaayo samot na ang iyahang nawong.

“Ay btw nakuha nako ang imohang number sa akoang cousin” dugang niya.

Nastun kos akoang kakilig, sayo pa gali kaayos buntag gikilig nako ug maayo. Basin na hinoon ug mamatay ko ani sa kakilig.

“Nakaestorbo ko? ay sorry kaayo” sulti napud niya sa dihang nakabantay siya nga wala ko nitingog.

“Ay dili uy, available ko karon nga adlaw” diritso nako nga tubag.

Kinsa may di matulala anang perteng chadahas tingog, lami kaayo paminawon.

“Sure? basig naa kay buhaton karon ba” ana niya sa pikas linya.

Segi rakog smile diri kulang nalang kissan nako ang akoang cellphone. Peste mani uy.

“Wala man, wala koy buhaton karon nga adlaw. Maghinuktok rako tibook adlaw ” i joked.

Nikatawa siya ug nagkatawa nalang pud ko. Mabuang man siguro ko ani uy sayo.

“Wala koy sakyanan, magpauban unta ko nimo karon sa mall” ana niya.

“Oh sure” diritso nako nga tubag.

Mas nidako ang akoang ngisi. Yes, makaspend najud mi ani niya ug time.

“Hala thank you kaayo Van” sulti niya.

“Welcome, kuhaon ra tika diha. Mag-andam sa ko”

“Okay, maghulat rako diri” gi off dayon niya.

Bisag gioff na niya naa ra gihapon sa akoang dunggan ang akong cellphone. Lamia paminawon sa iyahang tingog uy.

Napahigda ko sa akoang kakilig, murag wala kapuya ang akoang baba ug inismile. Excited najud kaayo ko nga mag-uban ming duha karon.

Dali dali kog kuha sa akoang towel unya nisulod sa CR. Naligo ko diritso kay excited nako nga mag-uban ming duha. I treasure jud kuni nga moment mintras wala pako kasala.

Paggawas nako sa Cr nakuyawan ko sa dihang naa si Clarisse sa akoang kama.

“Nganong naa ka diri?” pangutana nako diritso.

“Syempre, fiance jud tika edi muanhi jud ko. Nganong shock kayka?” tubag niya.

Wala nako siya pansina ug nidiritso ko sa akoang closet ug akoang gikuha ang akoang suoton.

“Nganong nag-ilis ka? asa diay ka padulong?” pangutana niya.

Gipasagdan ra nako siya. Imbis chada unta kaayo ang akoang mood karong adlawa, naabot pajud siya.

Imbis inspired na kaayo ang akoang buntag, nawala hinoon pagkakita nakos iyahang nawong.

“Love pwede—” wala niya natiwas ang iyahang giistorya kay nisulod kog balik sa Cr.

Ambot unsa napud kaha na ang iyahang gianhi diri. Basin ubanon napud ko ana niyag mall, peste mani uy. Sorry kaayo Clarrise pero mas importante si Ches. Sorry jud.