يالزجيه .. هاي اديه
تلطملج ونوحي يعله
تقبّليني .. بهايه عيني
صلى الدمع وانتي قبله
عمري خدمه .. راح اختمه
واليخدمج ماكو مثله
يالعظيمه .. اشكد كريمه
اليبجيلج عيونه تحله
اخذي بإيدي يم الحسين ضايع جيت وحزنج وطن
طالب حنانيكي يزهراء من كل خوف بهذا الزمن
انتي أم لكل الوجود انتي مو بس ام الحسن
نعم يا أمي .. عزاكِ همّي ..رضاكِ حلمي
اماه يا زهراء
......
ما اجامل .. بل اقاتل
وببابج الگه العقيده
المايدافع .. يعني دافع
وبعصرتج خله ايده
الگلبه شاعر .. يعني شاعر
والما يحس ما نريده
هذا حبنه .. ولو تعبنه
نداوي الجروح بقصيده
حاشى نجامل دافع الباب ذاك الطفه بعينج ظوه
الخله دموعج تجري بالليل وما فاد اويه ضلوعج دوه
يحكى انكِ يزهراء تتأذين بشهگ الهوه
رأيتِ الصفعا .. لمستِ الضلعا .. سكبتِ الدمعا
اماه يا زهراء
........
الخدمه فرضي .. اعليَّ فارضي
حتى الله يرضى عليه
خلي بيدي .. ولا تزيدي
حتى ابقه امدلج اديه
برزقي قطري .. انه ادري
كثرة دلالي اذيه
رسمي دربي .. ظمي گلبي
لا ياخذوه يالزجيه
