مات ولد مات..... مات ولد مات
مات ولد مات...... مات ولد مات
ربيتك بذاك التعب حد ما خلص حيل امك
ربيتك بذاك التعب حد ما خلص حيل امك
لو عاجر ولاهل خبر جابوك الي بدمك
من حضني مستعجل رحت مالحكت اشتمك
حتى دللول..... من حلكي للجول
تبديت ماي على رمل يمه بعد شيلمك
مات ولد مات..... مات ولد مات
مات ولد مات.... مات ولد مات
لو ادري هيجي ياولد للموت عينك تلحگك
جا لا شلت حملك تسع تشهر ولا بيك اطلگ
تغفه واهفيلك جنت بشيله عن لا تعرگ
وبروحي اغطيك.... وصفن عمر بيك
ماجنت حسب بذبح لا على رمح تتعلگ
مات ولد مات...... مات ولد مات
مات ولد مات.... مات ولد مات
عبدالله رسمك على الخيم لمن يجيني المغرب
بلكي خبر موتك حلم بلكي سهام تجذب
شلعوك من عثگ گلب مالحكيت ترطب
ميت يكولون.... شيقنع العيون
للخيمه بيك حسين اجه بلكوة يمشي محدب
مات ولد مات..... مات ولد مات
مات ولد مات.... مات ولد مات
موعد حليب امك جزه جايمته تكعد ترضع
جوه العبايه ولوللك والدم خذاك وتدمع
روحي طلعت يم رگبتك بس السهم مايطلع
ماضلت دموع..... يالول الشموع
عبدالله موت ليله اذا ناغه الك مااسمع
مات ولد مات.... مات ولد مات
مات ولد مات... مات ولد مات
ياولدي ياالنحرك ترف مو للسهم للناحت
من خذتك لزينب ركض جم مره امك طاحت
والما طلع صوت همس كضت گلبها وصاحت
من دون اصغار.... حصتك سهم حار
يبست دلولك على شفافي وبسمتك راحت
مات ولد مات..... مات ولد مات
مات ولد مات..... مات ولد مات
