انتقـام المتمرد"لثـلاث جروح"

الجـرح الخامس عشر

                 «بسِم آلَلَهّ آلرحمن آلرحيم»

               #انتقام المتمرد"لثلاث جروح"
                     بقلمي: زهـره الشهيـد

"" "" "" "" "" "" "" "" "" ""
وما ميت عدل وإكبالي أشوفك
دوم وأتامّل رحيل الغيبتك رجعة
ما صدّك غفل يا روحي عنّي تروح
مستعجل تريد فراكنا بسرعة كدّامي
القلم كلّ ساعة أشمّن بيه بلكي على
قلم نيشان من صبعة وشكد ذكريات
مخلي عالورق وحجايات حلوة أبالي
متجمعة نقرى بدفترك حد ما تطيح
عيون وألبوم الصّور نشتاق ونطلعه
عيني عالدّرب من ربعك إيردون
أكولن بلكي أشوفن جاي وي ربعه
ويطول انتظاري أو وكفتي اعلـى الباب
عين أتاني تبقى وعين بالدّمعة شريد
أنسى يمّا منيلي النسيان هوه الجرف
ينسى الماي ويودعه ••

"" "" "" "" "" ""
خيال•

صار الصبح ولا واحد من الولد اجه طلعت اتوضه نزل سجاد من السطح مستعجل

خيال: شبيك شكو

سجاد: ها لا ماكو شي بس اتأخرت ع شغلي

خيال: انتضر خلسويلك ريوك

سجاد: ميحتاج ماتريك اني

خيال: براحتك
طلع لبس حذائه بس وجهة مو طبيعي وعيونه حمر
كلت اجوز لان منايم
لبس حذائه ايشد بالقيطان مال الحذاء وايده ترجف واني صافنه علي كام دفر رجله بالحايط وصاح

سجاد: دنشددد خررب ابرباطك

خيال: سجاد بيك شي

سجاد: تؤ مابيه

خيال: حجه هيج وركع الباب وطلع استغربت اول مره يتصرف دخلت جوه شفت البنات كاعدات راحن اتوضن ورجعن وكفنه انصلي خلصنه ورجعنه شلغنه التلفزيون ع القران رحت اتمدد ع الجربايه  بعد وقت
بس عيني ماخذت نوم رجعت طلعت واحس ماعرف شي مو طبيعي
افتريت بالبيت رحت طلعت مواد التنضيف وبلشت اعزل اجن البنات وكفن يسون ريوك وحده اجت وياي نضفنه البيت وكعدنه نتريك
وبقينه نحجي عن عمي مجسر وارجوان لسه ماكو صار الضهر واحنه ننتضر وماكو للعصر اندك الباب رحت طايره فتحت الباب شفت مهيمن حاضن ارجوان ودخلو للبيت

مهيمن: شلونكم يااهل بيتي

خيال: كلا الهلا زينين وانتم وين شو اتأخرتو عمي وين شنو بعده هناك وبيدر شو ماله اثر

مهيمن: ع كيفج وحده وحده
تعاي هاج هاي ارجوان اخذيه لجوه او لا انتضري

خيال: حجه هيج واخذه لجوه نزل اله افراش وهيه راحت مددت وطلع

مهمين: بشرفج متسويلي فد استكانه جاي

خيال: اي صار بس كلي وين بيدر

مهيمن: ابو المعمل حرك علي الدنيه وطلع من الصبح

خيال: اي يعني شوكت يجي