ياديرتاً حبها من حب مخلوقي

البارت٤٥

دخلو الرجال ابو ذياب/ سلام
الكل/ وعليكم السلام 
باسو البنات راسه وجلسو حصه/ جمعناكم اليوم لاجل شي خصيص ابيكم تفكرون بعقولكم ماهو بقلبكم ياعيال ساري
ابو ذياب/ الله الله عين العقل
ذياب/ شسالفه
نوره وهي تدمع عينها/ قلهم
ابو ذياب/ وين متعب
ذياب يدور جمان مهب فيه تفشل حيل ابو ذياب بحده/ هي وينها !
جميله بخوف/ اناديها
ابو ذياب/ حرمك وين انت هاه !!
ذياب بفشله/ بروح اشوفها
ابو ذياب/ وخر انا الي بروح
قام ابو ذياب ذياب بحده/ يبه ب الهون عليها
ابو ذياب ابتسم ومشى
دخل عليها ولا صقر جنبها ومتعب بحضنها يطالع الجوال صقر سجل قول وصرخ/ القمييييي
جمان صرخت/ غشااااش والله نعيد
دخل ابو ذياب وصفق العصا ب الباب وقمزو/ بسم الله
ابو ذياب صوت/ يا عياااال ادخلو المجلس وذياب خلك
بتال ضحك/ شكله بيلعن خيرها
ذياب دفه/ اذلففف
ابو ذياب/ وش تسون ماقلت فيه اجتماع؟
جمان بخوف بلعة ريقها/ نسيت والله
ابو ذياب لشط الارض بقوه/ تعالي والله ان تجي في ضهرك
توزت ورا صقر وصقر رفع ثوبه وانحاش جمان شالت متعب وركضت فيه وهي تضحك/ شووو عملت؟
ابو ذياب يطرد وراها/ تعاللييي
جمان لمحت ذياب حطت متعب وهو يضحك وانحاشت ورا صقر والكل يضحك ابو ذياب/ وقفي هلكتيني!!
الكل/ ههههههههههههههههههههههههههههههههههههههههههههه
نوره/ ماش اللياقه عندك صفر
ابو ذياب/ سريعه والله
ملاذ/ افا ياعمي
جمان وهي تبعد شعرها عن وجها/ فينو فصعونك؟
نوره/ راح لشارع
جمان / صقررر تعال عمي راح
دخل وهو يضحك/ اما عاد
سحبته مع اذنه بقوه/ ليييه عملت هيك
صقر بخوف قلبت لهجته/ شو عملت
الكل/ ههههههههههههههههههههههههههههههههههههههههههههه
ذياب/ افا يبو صقر شو عملت اجل
ماتو ضحك عليه نجد/ ياعمري من الروعه صدق انك جنيه
جمان ضحت وحضنته ماريا ماقدرت تتكلم من الضحك
صقر/ حسبي الله الايام بينا
ابو ذياب ضحك وحضنها / يالله البسي عباتس وتعالي
متعب ركض/ انا بجيبها
جابها بسرعه ولبستها ذياب اشر لها تجي جمبه وهو معصب توترت من قرب لعندها قبصها مع يدها وتأوهات بألم ماريا/ بسم الله عليتس شفيتس
جمان دمعت/ ولا شي بس في حشره ملعونه قرصتني
نوره بخوف/ وريني اشوف
جمان مسحت مكان قرصته وهي تدمع/ ماتعور مره عادي
دفها ذياب من جنبه من جو خوانه وراحت عند البنات وهي تحاول تكبح دموعها من حركته
متعب عند رجلها / ماما شيليني
ذياب بعصبيه/ اي بس عوديه على الدلع
ابو ذياب/ تعال اصفقها بعد
ذياب/ مهب شينه
جمان بحده/ احشم نفسك احسن لك ياذياب!!
ابتسم بسخريه نوره/ شبلاكم انتم الصباح وش زينكم الليل كنكم يهود
متعب بغلقه/ ماماااا
جمان ماتحملت وشالته/ عيون الماما شو
حسين/ ارفق عليها شفيك
ذياب/ مهب شغلك
جمان ضحكت من شافته يهمس بأذنها/ عنجد
هز راسه بنعم همست بأذنه/ اجلس جمب بابا نفس الرجال يلا اشوف
نزل وركض عند عمه حسين مسح على راسه وضحك بتال/اسلم يبه
ابو ذياب / ام متعب اجلسي
جمان احتر جسمها من التوتر الي تعيشه اول مره يكلمها برسمية/ اجلسي لاتستحين
جلست/ سم
ابو ذياب/ ابوك قصي ال جبران صح
جمان هزت راسها بنعم ابو ذياب ابتسم/ الله جابك لي ولعائلتي كلها كانتس طير من السماء
جمان بعدم فهم/كيف يعني
ابو ذياب/ ابوتس قبل يموت عطاني كل املاكه وارضه قال انتس امانه عندنا بس توني اقرا وصيته كان يقول فيها/ جمان ذهبه بنتي وروحي خلوها تعيش بقصور الفهده جمان ظحكت بدهشه/ شو جاب قصور الفهده لعندي
ابو ذياب ابتسم/ بكبرها هي ملك لتس
الكل بدهشه/ هاااههه
جمان/ كيف!!
ابو ذياب/ امك حطتها ب اسمك قبل تموت قوليلي الحين وش تبين تسوين فيها واذا تبين وقت ماعندك مشكله
ابتسمت جمان بفرح وزغرطو الحريم نوره/ ماشاءالله تبارك الله مبروك
جمان بفرح حضنتهم ذياب/ ماشاءالله مبروك
جمان بضيق/ يبارك فيك
الكل بارك لها بفرح
ابو ذياب/ بعطيك وقت تفكرين
هزت راسها ب لاء ابو ذياب عقد حاجبه/ وش قولتس اجل
جمان مسكت يد متعب وباستها/ بعطيه لفصعوني اذا تزوج ابيه يعيش مرتو بعز وحب مثل ماعيشني ابوه واكثر
الكل اندهش من ردها حصه مسكت يدها/ صاحيه انتي يقولون ملك لتس تعطينها بزر ابو كم سنه؟
نجد/ فكري زين
ملاذ/ جمان؟!
ذياب بدهشه/ متأكده
جمان / لا احد يضغط علي خلوني ابيها لمتعب ولا ذره تنكتب لي اذا بعيشني انا وابوه فيها بقراره هو لوحده اذا كبر بخبرو وهو بيختار
حضنتها الجود/ ليت حنيتك توزع على خلق ربي كان عشنا بسلام يالقلب الحنون
بكت جمان/ انتم عوضتوني عن كل شي العائله الحب الحنان اقل شي اقدمه لأبني هو هذا الشي
حضنته وباست وجهه متعب / ليه تبكين؟
جمان ضحكت/ لاني بحبك
ذياب باس راسها وابتسمت مجامله لانها زعلانه عليه وحيل بعد
ابو ذياب/ جمان والله لو بيدي اني لااعوضك عن كل شي فقدتيه لاجل اشوف فرحتك عمرك يابنتي لاتبكين وان كان المقرود الي قبالي مزعلك تعالي لي!
ضحكت/ بعرف
ابو ذياب/ الموضوع الثاني هو مثل ماقلت فكرو بعقولكم ومن رائيي نخليها تصويت تبون الديره ولا الجنوب
الكل فز بدهشه/ يبه!
ابو ذياب/ الله الله
ماريا بفرح/ ابي الجنوب
جميله/ ابي الديره
ملاذ بحماس/ الجنوووب
نجد/ الجنوب
الجود/ الجنوب مع ان مالي دخل
الكل/ ههههههههههههههههههههههههههههههههههههههههههههه
ابو ذياب/ وانتي ياوضحى
وضحى/ الجنوب
نوره بحزن/ مدري مدري الديره كل احزانا فيها فرحتنا ماجات الا من جينا هنا انا اقول ان شاءالله انها فتحت خير لنا واقول الجنوب
بتال / الديره
حسين/ الجنوب
ذياب بحيره نزل عينه على جمان وتذكر اول يوم شافها فيه ولحضاتهم الحلوه بعد تفكير/ الجنوب
الكل طالع فيه بدهشه نوره/ انت ذياب
ابو ذياب ابتسم/ ذي يبيلها ذبيحه
ملاذ/مستحيييل
ذياب ضحك/ تبون اغير يعني
نوره ضحكت/ لالا
جمان / الجنوب
ابو ذياب/ ومتعب
متعب وهو يلعب ب الجوال ذياب/ متعب ابوي يكلمك
سحبت جمان منه الجوال ورفع راسه/ نعم
ابو ذياب/ قل سم
متعب/ سم
ابو ذياب/ هنا ولا بيتنا
متعب ناضر جمان/ وش اختار
جمان ابتسمت/ انت ايش تحب
متعب ابتسم/ هنا
ابو ذياب/ تم الجنوب الجنوب
الكل زغرط بفرح حضنو بعض
جميله/ بيتنا الي ب الديره وش بيصير عليه
ابو ذياب/ ب المناسبات نروح له مافيه مشكله
زفرت براحه
نوره/ قومو اجل الحين ظفو اغراضكم بننقل بيتنا الجديد
ناقزو بفرح وحضنو بعض ذياب شال متعب ودار فيه الجود بفرح/ دام اجتمعنا في هذي المناسبه بدق على سعود ابشره وعندي خبر
الكل سكت يسمع لها سعود/ هلا بروحي
الجود بفرح/ عندي لك ولأهلي خبر
سعود بفرح/ يارب الي في بالي
الجود لفت تطالع امها وابوها صرخت / انااا حاااملللل
الكل صرخ ونوره حطت يدها على فمها قامو يحضنونها ويباركون لها نوره قامت ترقص وابو ذياب شالها وهو يضحك والكل فرحان حصه زغرطت/ مبروووك مبروووك
جمان قامت وحضنت الجود/ مبرووووك
الجود / يبارك بروحكم
حسين/ اقعد يالأم البطله
الكل/ ههههههههههههههههههههههههههههههههههههههههههههه
ابو ذياب باس راسها/ والله اني فرحان لتس حيل يابنتي دام فرحتينا اجل ريحي والبنات يشيلون عنتس
ضحكت / مااقول لاء
ماريا/ عوووباا
دخلو يضفون وجمان تتحلطم/ بعرف ليش يئرصني شو عملت؟
ترجمه( ابي اعرف ليش يقرصني وش سويت)
ماريا/ بسك تحلطم ظفي
جلست تشيل اغراضها وكل شي
ملاذ/ بنات تتوقعون البيت كبير
نجد/ احسه ريفي وحلو وااي بنات حماس مره
الكل ابتسم
العيال يضفون وشغلو سياراتهم ركبو وربطو الاغراض بحبل فوق السياره( يارب فهمتو كيف)
ذياب بفمه الدخان الجود/ انا حامل وولدك معنا
رماه وعدل جلسته/ من بقى؟
نجد/ في مكان لجمان؟
ذياب/ تروح مع حسين بمشي انا
ماريا/ هو انتضرها طيب
طلعت جمان وكتبت رساله عند باب مليحه( انا مشيت لبيت جديد لاتخافون بزوركم وبيتنا قريب ان شاءالله حولكم. جمان وقلب)
مشت وراحت لسيارة ذياب بس من شافها مقبله شغل سيارته ومشى وقفت بصدمه/ غبي هذا !
حسين/ ام متعب تعالي معنا
همست/ في شي صاير
ابتسم وهو صاد/ معليك كل خير بس ولدنا نفسيه
جمان بضيق/ والله تخبرني
حسين ماكان معه احد سيارته مليانه عفش/ ابد اسأليه
جمان/ الغلط مني؟
حسين هز راسه ب لاء جمان/ بس ماعملت شي عشان عمي قال اجتماع؟
حسين/ لاء يكفي اسأله
تكتفت بغضب وصلو واندهشو من وسع المكان كان بيت فوق الجبل كبييير وفسيح وفيه برا حديقه كبيره وحوش يطرد فيه الخيل وكله ريفي وبجمبهم حديقة والبيت مقسم لكل واحد بيت ل ذياب وحرمه وحسين وحرمه وبتال وحرمه
الكل/ ماشاءالله
ابو ذياب/ برجلكم اليمين
دخلو وهم مستانسين حيل نزلو اغراضهم ومتعب نايم بحضن ذياب دخل جناحهم وحطه في سريره وطلع ولا جمان توها توصل جمان/ ماشاء الله كبير مره واحلا شي مو بعيد عن صحباتي
ابو ذياب ضحك/ يازينتس بس المهم قسمكم الي على اليمين
هزت راسها بنعم وشالت اغراضها دخلت ولا ذياب منسدح في الصاله وبحضنه متعب نايم جمان دخلت بصمت بدلت لبست بجامه ورديه شورت ورفعت شعرها طالع فيها وبلع ريقه من جمالها شتت نضره من طالعت فيه خذ اوراقه ولبس نضارته جلست تطالع التلفزيون وهي عينها عليه/ وش عندك
ذياب بتركيز/ مهب شغلك
جمان بغيض رفعت لتلفزيون اخر شي فز من الصوت العالي ذياب بحده/ لعنه قصرييي لأقصر عمرك متعب نايييم!!
جمان قصرت له واشوا انه ماقام ولا كان غسلها ذياب قام ومعه اوراقه/ اتركي حركات المبزره عنك وخليك سنعه
جمان/ انا ماسويت شي عشان تعاملني كذا
ذياب بطفش/ كيف تبيني اعاملك !
جمان دمعت عينها/ مريييض مريييض
رمت الوساده عليه وقامت سحبها من يدها لعنده طالعت فيه وهي تتعبر ذياب رفع راسها وسحب ربطتها انسدل شعرها الحرير وبدا يداعبه ب انامله بعدت يده بغضب/ شتبي؟
ذياب طالع فيها بنضرات عجزت تفهمها/ لو فكرت اطلقك وش بتسوين؟
جمان اعتلتها الغصه/ بذبحك
ابتسم بخفه/ انتي ذبحتيني وخلصتي من اول يوم شفتك فيه و...
جمان بخوف/ اترك عنك الغزل وتكلم زين شسالفه
ذياب / افكر اطلقك
جمان تمثل القوه/ وليه؟
ذياب/ مااحس اننا نصلح لبعض التفاهم بينا صفر
جمان/ تمام انت بطريق وانا بطريق بس لاتطلقني مو عشانك عشان الصغير الي تعلق فيني
ذياب تنهد وهو يعيش اعصار بداخله/ طيب بخليك على ذمتي بس مااقربك ولا تقربيني
دمعت عينها ومسحتها بسرعه/ تمام
بعدت شعرها عن كتفها ومشت وقف يطالع فيها وهو يعرفها زين انها الحين بتروح الغرفه وتبكي وبتنام ضايقه منه بس وش يسوي
مسك راسه يهدي نفسه شال متعب ودخله ينام معه