ياديرتاً حبها من حب مخلوقي

سواد الليل

راحت وهي تبعد شعرها عن كتفها شهقت من الي طلع بوجها ولاه حسين بلم يطالع فيها وصد بسرعه/ هوووب يابنتت
نجد صدت بسرعه / معلييش
عرف صوتها وراح بسرعه ل الرجال لايشوفوهم احد
دخلت المجلس بسرعه وهي تهف على نفسها/ يمه شافني شافني ياويلي صدق كل شي بيخرب الحين اخاف يحسب اني قاصده
قامت بسرعه تنضف تلهي نفسها
———— عند البنات في الصاله
ماريا/ بنات وش راح تلبسون
ملاذ/ انا باخذ فستان اديم الاحمر
الجود/ بلبس الوردي الي لبسته يوم الحفله
جميله/ باخذ الاصفر حق وظحى يعني لازم نكشخ الصدز
نوره/ اي والله صادزه لازم عزمت ناس واجد
وضحى/ اي مابقيتي احد
حصه/ نادي عيالتس بسلم عليهم قبل اروح  وابي حسين يوصلني للبيت
نوره/ تبشرين جود انقزي نادي اخوانتس
قامت الجود وكلمت ذياب يطلع ومعه العيال.
ذياب/ اوف اوف شالهزين
دارت الجود  بفستانها الكحلي/ شرايكم
بتال/ شييننن
حسين/ تروعين
ظربتهم مع بطنهم ورجعو ب الم / اهه وجعع
الجود ب ابتسامه/ ازين الا ذياب وش رايك
ذياب/ تهبليين
ظحكت وحضنته شالها على كتفه ويدور بها وهي تصارخ نزلها وهو يسد حلقها/ اقطعي ابوي بيلعن خيرتس
الجود/ اسفه اخلصو يلا
مسك كتفها ويمشي بها
حصه/ هلا هلا بعيال اخوي شلونكم عساكم بخير
الكل / حمدالله
بتال حب راسها / وش هالزين انتي الي شلونتس
حصه / بخير بخير
سلمو وقعدو يتقهوون
ذياب/ شلونتس وش لون نجد
حصه/ بخير حمدالله الا بسألكم علي تعرفونه ولد جيرانا
حسين/ انا ماعرفه الصدز
بتال / ولا انا وراه
حصه/ خاطب نجد
حسين لاشعورياً رجفت يده وحس بضيق وهو كان يحب نجد وهم صغار وهي بعد بس كل واحد يحسبه من طرف واحد
ذياب/ وطيب
حصه/ بس رفضته وانا تعبتني كل ماجو مخاطيب رفضت
ذياب/ الزواج مو لعبه دامها ماتبي ماهب غصب
حسين/ صح
حصه/ بس انا ابي اعرف هو وش من ولده وش يشتغل كود على الاقل تقبل فيه لو اشوي
ذياب/ ابشري اشوفه لتس
حسين / لا خله انا بشوفه فاضي انا ماعندي شي انت خلك  بشغلك
ذياب/ تم خلاص
حصه/ الله يحفظكم يارب يلا ياحسين
حسين/ يلا
ركبو السياره بس نزلت حصه لبيت زميلتها تعطيها معمول
نجد بتردد/ ح .حسين
حسين رفع عيونه للمرايه/ لبيه
توترت / اء معليش اليوم ماكنت منتبهه انك موجود والله
حسين ب ابتسامه / معليه حصل خير
ارتاحت نجد من ابتسم وجت حصه / يحليلها ام عايض تهبل
نجد بقرف/ اي مره ذابحها الزين
كتم حسين ظحكته من نبرتها
حصه/ شبلاك. على الحرمه
نجد/ غيوره وعياره كل ماشافت اديم رمت عليها كلام ولا تخز بنظراتها الله يفقع عيونها
حصه ظربتها/ خبلا انتي تدعين على الحرمه
نجد/ يمماه تعور
حصه/ اقول اسكتي بس دلع
رفع عينه على انعكاسها ب المرايه ورفعت عينها ولاه يناظر فيها شتت نظرها واستغفر حسين من جمال عيونها الي جذبه
————-
رجع حسين ولا الرجال قد راحو مسكه ذياب / ورع
حسين/ خير
ذياب/ تلعب سله
حسين/ قدام
ذياب لابس شورت كحلي هودي اسود وجوردن
وحسين شورت اسود وهودي بيج وجوردن
طلعت نوره و البنات يرتبون الفطور على الطاوله لف ذياب / حسينوه
لف على ذياب/ عيونه
ذياب/ الغنيمه تشوفها
حسين/ اشوف اشوف
اديم فوق تتفرج عليهم وهم يلعبون مسكت جوالها تصور ذياب بعد مافاز صفقت وقامت تصوره وهو يصفق الكوره براس حسين وماتت ضحك
نوره/ زيين العيال راحو ياخذون راحتهم البنات
وضحى/ اي والله
ماريا/ بس حسافه نجد راحت
جميله/ فاتها والله
دخلو يجيبون باقي الاكل
رجعو ولا الزيتون مخلص البيض نصه مأكول والجبن معفوس والخبز معرم نصه
نوره / من الي اكله ! بسم الله الرحمن
ماريا / وعع لااا يكون قطاوه
جميله / قطاوه ياكلون زيتون !
ظحكت وضحى نوره معها
رتبو الاكل وجددو الزيتون و الخبز
جت ملاذ وراها اديم
افطرو وجابو الشاهي
وضحى / الجو يهبل يحتاج واحد صوته حلو يغني
ملاذ/ اوف اي والله في احد فيكم يعرف؟
اديم توترت وضحى تناضر فيها بخبث / ايي فييه وحده
اديم توترت مرههه ولفو يناظرون/ ميين
وضحى/ يقالها محد
ضحكو كلههم
الجود/ الله من ثقالة الدم صدز
وضحى/ اقول الطمي بس
نوره/ وجع لا تذابحو اديم امي جيبي الراديو بسمع فيه
اديم / وين في
نوره/ فوق المايكرويف
اديم / ابشري
ملاذ / جيبيلي معك مويه
اديم راحت ولمحت ذياب وحسين ياكلون في المطبخ وحسين يغني وذياب يرقص بيده
(احبك حب خلاني .. ابيع الدنيا من اجلك..وبكره لو تعود تاني .. اخلي الغالي يرخص لك .. وامشي معاك للأخر) صفق ذياب / حيو الصوت النشاز
مات ظحك من صوت حسين الخايس وحسين يظحك معاه وصفق راسه بظحك/ انقلع ياكلب
دخلت اديم بجلالها / لقيت احد ينافس ملاذ ب الصوت
حسين/ من ذي
ذياب/ مدري تعرفها انت
حسين / لا من
بتال وهو يدخل / حيو اديم
ذياب طقه مع كتفه بخير اديم بخير
ظحكو عليه وابتسم لاديم / وش تبين
اديم بمزح / مب شغلك توك ماتعرفني
العيال/ اوووباااا
بتال/ والله فحمتك يابو متعب
اديم/ وانت بعد معه
ذياب/ مب شغلي اجل ها زين
خذت الراديو وهي مرتعبه من تهديده ونظراته الي عجزت تفهمها
نوره/ كان سكنتي
الجود بخبث/ شكلها مشغوله
اديم/ معليش خالتو
وضحى/ خالتو!
نوره/ احب لاقالتها اديم احسني اصغر عشرين سنه
ملاذ/ اجل شكلنا بنقولك قبل الا وين المويه
ضحكو كلهم وفهمو غلط اديم حمرت خجل / شفيكم ياخي الواحد ماينسى
نوره وهي تظحك/ معليتس منهم بروح انا اقيل صحوني قبل يأذن العصر
وضحى/ ابشري
البنات قعدو يسولفون ويظحكون
———— في المطبخ
ذياب/ حسين سولي شاهي تكفى راسي صاكني
بتال / انا معه
طلع حسين الشاهي يزينه وهم يسولفون
بتال/ فكرت ياذياب لو اصارح ملاذ بمشاعري بس خايف ماتبيني
ذياب/ من مايبيك انت!! لو احلف انها ميته عليك
حسين وهو يصب الشاهي / اووخسس حبيب اجل ها وانا اقول من وين له يشعر الولد
بتال لف عليه / ورعع شدراك
حسين بخوف/ والله قريته ب الغلط
معط شعره بقوه/ لاعاد تليقف ثانيه تسمع
ذياب ميت ضحك/ خلاص خله ياشاعرنا
بتال بنرفزه/ دزها انت وياه
ذياب بروقان/ شايبنا وراك تزعله!
لف عليه بتال/ انت وش صاير لك مسحور! مروق من متى ها
حسين/ اي لاحضت شصاير ب الدنيا!
ذياب يضيع السالفه/ تقولي شصار على ملاذ
كتمو ظحكتهم لان لو زودوها كفخهم
بتال/ ابد بنتضر تخلص اجازتي وارجع للمحاماة بعدها بخطبها ان شاءالله
حسين/ اخطبها الحين!!
ذياب/ اتفق معه معارف عمي واجد والكل يسابق مناسبته
بتال/ صح مافكرت فيها والله زين بكره اكلم امي ونشوف
قام حسين يهز ويرقص وذياب ميت ظحك ويصفق
بتال وهو يضحك/ حمدالله والشكر
دخل ابو ذياب/ ورع انت وياه اقطع
فزو/ سم يبه
ابو ذياب/ قم انت وياه للدكان يلا وانت دوامك يلا
ذياب/ سم افلح انت وياه
ضحكو وراحو للدكان وذياب صعد لغرفته
/——- عند البنات
دخلت عليهم نجد/ بوووه
فزو كلهم/ بسم الله هلا هلا
اديم / ارعبتيني وجع
جلست جمب اديم/ بنات عندي لكم سالفه اليوم في عزيمه صح
ماريا/ اي فيه
الجود/ طيب
نجد/ بتجي غزيل وتراها تبي حسين والله اني سامعه ب اذني من ام عايض تسولف ل امي تقول نبي غزيل لحسين
اديم/ وجع وجع هاذي من باقي ماحطته براسها ام الرجاجيل سلامات انها تخسي والله
ملاذ/ بنت الكلب صدز
الجود/ تعقببب الا هي
نجد/ عاد انا جيت وقلت امسكوها عن اخوكم ولا عجبته رحنا وطييي كلنا
وضحى/ معليكم منها الخايسه عندي
ماريا/ كفوو وانا معتس اني لااستقعد ل امن جابتها
اذن العصر قامت نوره تظف البيت والحوش علشان العزيمه والبنات معها
الجود / اديم جيبي صابون زياده
اديم/ وين فيه صوابينكم
ملاذ/ الدور الرابع اول غرفه تلقين فيها دالوب كبير اول درج فيه
اديم/ بنتهم ماشاءالله
الجود/ مير ماتستحي تعرف بيتنا اكثر مني
ظحكو ورقت اديم اول مافتحت الباب دخل وزغه بين رجولها وصرخت وجلست تناقز وتصيح ركضت لتحت بسرعه وهي تصارخ
فزت نوره / بسم الله الرحمن شفيتس
اديم ركضت تحضنها وهي تصيح / شفت شي والله دخل بين رجولي كبير يروع والله يمه قلبي بغيت اموت
نوره / بسم الله عليتس سمي سمي
اديم قامت تسمي ومو راضيه تفك نوره جلست تقرا عليها وتحصنها / خلاص تلقينه راح
اديم/ والله ماراح ارقي معي تكفين
رقت معها نوره وجابو الصابون علمت البنات وفطسو ظحك عليها
نظفو وخلصو  رجعو العيال من الدكان ورقدو علشان العزيمه الا ذياب في الدوام للحين
رقت اديم تتسبح لان مابقى شي على اذان المغرب
خلصت متسبحه طلعت ب الروب حقها والفوطه فوق راسها تنشفها انفتح الباب ولفت تشوف ولاه ذياب جاي بدلته وهو مهلوك تعب
اديم / شفيك بسم الله عليك
ذياب بتعب/ مافيني شي شفيني!
رفع عينه وبلم وهو يتأمل فيها تنهد/ بتبتلين طالعيني! وانتي لابسه ذا الروب ماودك تلبسين
توترت وشتت نظرها عنه/ بغير بس اطلع انت اول!
خذ له ملابس ودخل يتسبح اديم جلست تقلب ب الملابس ولاشي عجبها لبست جلابيه عاديه لونها كحلي مطرزه وراحت لغرفة جود/ بنت
الجود واللفافات على راسه وتشرب قهوه/ همم
اديم/ ماعندي ملابس ابغا من عندك بليز
الجود/ الدولاب قدامك
باستها مع خدها/ اعشقكك
ظحكت الجود وهي ترتب الميكب حقها علشان تلبس
اديم / وش تحسين البس لون
الجود بخبث/ ماقد شفتس ب الاسود البسيه
قالتلها علشان ذياب يعشق الاسود وشلون لاشافه على اديم
اديم / ابغا اللوان يختي بس صح مو كثير البس اسود نجرب باخذ هذا اشرت على واحد فستان توب من فوق بدون اكمام طويل وقصته الين ركبتها ومع عقد الماس بفصوص حمراء
دخلت الغرفه وذياب نزل يسلم على خويه الي متعني علشان يشوفه ذياب/ هلا هلا عاش من شافك
نايف/ عاشت ايامك واحشني
ابتسم ذياب / يابعد راسي
خش عليهم حسين/ بعدين توحشون بعض الرجال جو انت وياه
نايف/ قاتل المتعه
ذياب/ تشووف
ظحكو ودخلو عند الرجال يقلطونهم سلطان مسافر مع الجادل ماجا
ابو راشد/ ماشاءالله يابو ذياب عندك رجال يبردون القلب
ابو ذياب/ الله يسلمك انشهد
ابو راشد عينه على حسين من اليوم وحسين مو طايقه ابد / شفيه ذا يطالع فقع الله عينه هو وبنته
ذياب/ ورع استح وجب وانت ساكت ولا ب الدله ارفع علومك
بتال/ وهو صادز لاتحتستي عن البنت
حسين مسح على شنبه وطلع يتنفس شوي من الظغط الي هو فيه يخاف ابوه يجبره عليها فز من جته نغزه من جمبه/ العععن اء..بووو
ابو العدو
ظحك سعود/ من تعسية الحظ الي سرحان فيها
حسين/ كل تراب وادخل وجب عني اختي تبي اغراض وبحيبها
اشر سعود على خشمه
وابتسم حسين
———- عند اديم
لبست الفستان وقفت تتأمل نفسها / حلوه ياربي حلوه ارسلت ل انعكاسها بوسه خذت الروج الاحمر وهي تحط تتمايل على انغام راشد لما قال في اغنيته(من يوم شفتك وقلبي مدلك يده .. والعين ذابت في روعة حسنك وزينك.. لفت برعب من حست ب شخص وراها / يمممهه
مسكها ذياب مع خصرها وهو يظحك/ شفيك بسم الله عليك
اديم بتنهيدة / ارعبتني ياخي طلع صوت اي شي
ذياب اشر على خشمه/ عطيني جوالك
اديم ب استغراب / ليه!
ذياب بظحك/ بشوف يمكن عندك احد غيري
اديم / اووف مو احد واحد بس الا كثييير
دقها مع كتفها / لاتفلينها واجد المزاج ينفلت احياناً
انخرشت صدق ولفت ترتب عقدها فزت من مسك خصرها وعاد البارت حق الاغنيه من وقت قامت تتمايل ذياب وهو ضهرها بصدره وراص على خصرها / عيديها بصوتك ونفس الرقصه
اديم / ذياااب لايكون شفتني
ذياب لفها لوجهه/ لاتكثرين حكي
عادة وهي ماعندها حل الا انها تنفذ بعدت شعرها عن اكتافها ومسكت يدها وتتمايل قدامه وتظحك ذكر بارت من شاف ابتسامتها الساحره وهو ذايب بشكل ( اظحكي ياجعل ظحكك مايزول قلبي حركه سحر مبسمك الي جعله مايزول الا ياليته يدوم باقي عمري لين افنى )
اديم بخجل / صح لسانك
ذياب مسك فكها / حلوه حلووهه الله يعين قلبي يابنت سلطان
اديم بغرور  دارت / شرايك
ذياب طالع فيها وتنهد/ اكذب عليك لو اقول قدرت اطلع كلمه كامله و الكامل الله
اديم حمرت خجل / ذياب اااء سعود يبيك نسيت اقولك
ذياب قرب وباسها ودفن وجهه في عنقها / لعنه راجعلك يومنا طويل
اديم ماتت خجل  / ذييياب خلاص روح
ظحك وطلع
طلعت الجود بوجهه والافافات فوق راسها / هااا كيف الموددد
ذياب/ بسم الله وجع اذلفي
الجود/ حلوه صح بنت عمي ماالومك حتنا خقيت
ذياب/ ودك ادق فكك !
ماريا / الجود اذلفي يابنت الناس جو اعجلي
لف ذياب/ الله الله وش هالزين
دارت ماريا / كيييف
ذياب/ قمر
باس راسها ونزل عند الرجال دخلو الحريم وقفه صوت ام عايض ومعها نجوى وغزيل / شلونك ياذياب
ذياب وهو صاد/ امي تلقينها داخل
وسحب عليها وطلع نجوى / عشقي الثقيييل
غزيل ب استغراب / كلمة اديم ذي!
نجوى/ وجعه ان شاءالله لاتجيبين طاريها ثانيه 
دخلو ونجوى لابسه فستان سماوي قصه من عند الكتف وقصير نص الساق ورابطه شعرها
وغزيل لابسه ابيض ماسك وفاكه شعرها
نزلو البنات يسلمون لفت نوره ل نجد / قومي نادي اديم تأخرت سريع
نجد عقدت حاجبها/ لييه!
نوره/ ام عايض فيه ونجوى ابي اكسر عيونهم لاشافو اديم
ظحكت نجد من فهمتها ان تبي تبين ان اديم الكل في الكل ولا احد يحكي عنها طقت الباب/ ادييم
اديم/ ادخل
دخلت نجد وشهقت/ لاالاه الا الله ماشاءالله تف تف تمصعين القلب يالملعونه
اديم استحت/ صدق!
نجد/ تهبلين تهبلين مقدر
باستها مع خدها ماقدرت تتحمل حلاوتها ب الاسود/ يلا ينتضرونك
اديم / مين!
نجد/ نجوى واختها
ظحكت اديم / جايه لحضه بس
عدلت على روجها ورتبت شعرها ال ممجوج ونزلت
فزت ام عايض/ ماشاءالله من بنته ذي!
نجوى/ يماااه والله ماشافت الزين
ام عايض/ لايكون ذي الي حاطتها براستس!
غزيل/ ثوووره
نجوى / هذا وجهي ان ماشوهتها
غزيل/ حي عينك
ابتسمت ام عايض بخبث
فزت اديم من دق جوالها / هلا
الجادل / اهلييين
قامت اديم/ كيف السفره
الجادل/ حلللوااااهه
اديم / من قلبب
الحادل/ اسمعي عندي طلبيه عند الباب جيبيها وصوريها لي الان
اديم / تمام
راحت تفتح الباب وصرخت من شافت الجادل وهي تحضنها وتبكي / وحشتينيييي
حصنو بعض ورقتها من الدرج الثاني الحادل/ لحضه شهالزين
اديم / شرايك بس
الجادل/ تهبلين الا وين ملاذ !
اديم/ اناديها!
الحادل / ايه بس لاتعلمين
نزلت اديم بحماس همست ب اذن ملاذ وقامت معها
فتحت ملاذ الباب وصرخت/ ماااامااا
الجادل وهي تضحك سكرت فمها/ اوص اوص
نوره سمعت صراخهم وهي تدري عنهم
نزلت الجادل مع بناتها وشكلهم ملكيين صدق الجادل فستان كحلي غامق ماسك وطويل وشعرها فاكته سلمت وقعدت تسولف مع نوره