حظي استقام وعذالي بسبته يعانون👋🏻

فرأق الأحبه

السلام عليكم ورحمه الله وبركاته
.
.
.
راجعه من المدرسه رايحه لاختها و الأحب لقلبها اللي تشكي لها حزنها وفرحها الى اختها الاكبر منها ب اربع سنين الى جنان
زيراف:اليوم المعلمة وزعت الدرجات ولان اغلبنا جبنا نسبة زينه طلبت المعلمة من المدير السماح لنا بل اللعب في الساحة،وما وافق الا بعد عناءطويل
ويوم رضي لو تشوفينا كاننا افتكينا من سجن على طول لعبنا مطارده وسباق وبالكره ولما سببنا ازعاج عصب المدير ،ورجعنا الفصل لنهايه الدوام بدون شيء
.
كل هذاا وجنان مبتسمه.
.
كانت زيراف تتكلم مع جنان دائماً و معا ان جنان ماتتكلم ومقعده الا ان اللي يشجع زيراف على الكلام معها انها الوحيده اللي تسمعها بدون ملل وتفرح لفرحها وتزعل لزعلها .
.
ومرت الأيام والاسابيع وما زال روتين حياه زيراف نفسه دراسه ولعب العصر [مازلنا في مرحلة الطفولة عمرها وقتها9]
.
.
.
بدات الحرب داخليه في الدوله وفيه ناس هاجروا بسبب تدهور الاوضاع بس الى الان ماوصلت الحرب للمنطقة اللي عايشين فيها اهل زيراف وبذه الفتره مرضت جنان بالحمى الشديده وكانن اللي يعتنن بها زينه(ام زيراف)وجليله [متزوجه وعليها ولد ،لطالما اثرت ب زيراف ولطالما اعتبرتها زيراف قدوه وهي اللي كانت تعتني معا امها ب جنان]اما مريم من لما تزوجت جليله وهي تهتم بها .
.
.
.
وفي يوم من الايام تشافت جنان وعمت الفرحه ب ارجاء البيت
وكانت امها تقول لها ترا ابوك بايجي ذه الايام وجنان تبتسم وكانت ماهي مجرد ابتسامه كانت اشبه بالضحكه
.
. بعد يومين:
.
رجعت انتكست حالة جنان و تعبت اكثر من قبل
وكانن امها وخواتها مفتجعات [خايفات] عليها وخصوصاً انها اول مره تتعب كذا:
وفي احد ليالي الجمعة
تشافت من جديد وكانت تخايل في خواتها [ تناظر ]خواتها واحده وحده ونامت ونامت بجنبها اختها جليله
ولا احد كان يعلم ان روحها فارقت جسدها ب ذلك اليوم
.
.
نعلل بالدواء إذا مرضنا
فهل يشفي من الموت الدواء
ونختار الطبيب فهل طبيب

يؤخر ما يقدمه القضاء
وما أنفاسنا إلا حساب

ولا حسراتنا إلا فناء
.
قامت جليله من النوم لصلاه الفجر وشافت جنان وهي تشهق ويوم قربت عندها كانت بلا حراك وحطت يدها على قلبها لاكنه ماكان ينبض هنا ايقنت ان اختها توفت وفي الصباح:
زينه:صحي اختك لازم تاكل وتشرب دواها ماقد نامت النوم ذا وانا قلبي ناغزني عموماً بيجي الطبيب بعد شوي يعطيها المغذيه
إسراء:طيب
.
جاء الدكتور شاف مافيها نبض وعلمهم بوفاتها
قامت زيراف من النوم على صوت بكاء وكلام ما استوعبته ولا هي فاهمته قامت على وفاه جنان!!
.
.
.
1:5ظهراً
.
شافت زيراف اختها وهن يغسلنها ولا تحملت وما كانت تعرف وقتها وش هو الموت كان بالنسبه لها مثل السفر ماتدري انه من راح له ما يرجع
.
.
.
عهد:زيراف تعالي نلعب بل البلورات
زيراف:طيب
وقعدن يلعبن فتره بعدها قامت عهد بطلب من امها
ورجعت
زيراف:تعالي نكمل
عهد:لا ماعاد بلعب
زيراف :طيب
رجعت عهد فقالت لها،
عهد:شوفي اختك قبل ما يخرجوها
زيراف:لا ماابى اشوف
عهد :انا وانا مانا اختها شفتها وبكيت عليها ومن يوم عرفت بموتها مالعبت اما انتي بدون احساس ولا تقعدي تلعبي على الاقل قدام الناس لانه واضح ماهو هامش .
وراحت وخلتها
يمكن عهد نست بعد مرور السنين لا كن زيراف مانست ابد ومن ينسى جروح الطفوله ؟!
.
.
.
هاجر(بنت جده زيراف من جهه امها،مو صديقتها اللي تعرفت عليها):زيراف هو انتي ما تصلي من يوم جيت ماشفتش صليتي
زيراف:مهو بلازم انتي تشوفين يكفيني ان ربي يشوفني
.
وصباح اليوم التالي خرجت زيراف الشارع وشافت بنت جيرانهم زهره:عظم الله اجرش يازيراف
زيراف :ردت الرد اللي سمعت اقاربها يقولونه:اجرنا واجرش
زهره:هو انتي داري ان اللعبه اللي كنا نلعبها بل البلورات والطين
قالوا انها لو وقعت بلورتش بالحفره ان حد بايموت يمكن عشان كذا بنت خالي واختش ماتن انا ماعاد بلعبها
زيراف:ولا انا اساساً هي اللعبه للعيال مدري ليش نلعبها
.
.
.
ومرت الأيام وردت زيراف ورؤيا للدوام بالمدرسه ويوم دخلت الفصل سلمت عليها وحده يقال لها حسناء قائله:عظم الله اجرش
ماكان من زيراف اي رده فعل وقعدت على الكرسي مغطيه راسها هي للحين ماهي مستوعبه فراق اختها
واللي مهون على ال عبدالمجيد حزنهم ان اختهم توفت والحرب ما وصلت الديره اللي هم فيها لان جنان رحمه الله عليها كانت تخاف من الرعد ،والحرب بتسبب لها هلع
.
.
.
بعد مرور شهر توفى جارهم بحادث سير وهو ماعنده اهل بس كان محبوب عند الأطفال ولا ينسونه عن عمر ناهز الاربعين
وبعده باسبوعين توفى مبارك ب المرض وعمره ثلاثين ولد عم ام زيراف
و كانوا الصغار والكبار يحبونه
وبعدها بشهر ونصف توفى عز عن عمر ٢٣والكل كان يشهد له بالخير
وبعدها بشهرين توفت زيراف جارتهم
.
ومن مواقف زيراف معاهم:
مبارك:امسكوا ذه الكراتين وتعالوا وراي
الأطفال :بس احنا نبا سباق
مبارك:تمام يله قعوا[صيروا]طابور عشان اختار من على من
الأطفال :يلا
مبارك:زيراف وحمد ،والجازي و حسن، وهالا ومزون
حمد:بس انا ماابا زيراف دائماً تفوز علي
خل معي امنيه
مبارك:لا امنيه رجلها توجعها واباها عندي،
من اللي يبا يبدل مع حمد
حسن:انا
وتبادلوا وتموا يلعبوا سباق
.
وفي يوم من الايام ماتنساها زيراف تجمعوا بغرفه وقام مبارك يلاعبهم بالدور
مبارك:الجازي حطي ببالش رقم
الجازي:حطيته
مبارك:وابوش ادالش مثله
الجازي:ايوه
مبارك:انا عطيتش ٤
الجازي:ايوه
مبارك:ارمي نصه بالبحر
الجازي:رميته
مبارك:ردي حق ابوش
الجازي:رديته
مبارك:بقي لش ٢
الجازي:ايوه كيف عرفت
.
زيراف:شفتي يا عائشه جارنا مات واحنا ماكنا نخليه بحاله ولا نحترمه
عائشه:صدق اوجعني قلبي عليه
تذكري كان يلاعبنا بس لما يسوي تاك الحركه نلعن خيره
زيراف:الله يرحمه
عايشه:شوفي ذول وش يبو بغرفته
زيراف:ماناداري
عائشه:اللي سمعته انهم بايدخلوا يفتشوا يبوا يعرفوا من اهله ووش يرجع له ويمكن ياجروا غرفته
.
[عايش بغرفه طول حياته الجيران ماشافوا منه الا كل خير وهو كذالك كان اكله كل يوم بيت يعطيه]
.
خرجت زيراف من المحل هي وعائشه خوف من عصمت الاعجم ولا قدرت زيراف ترجع الا لما خرج
عايشه:بعقلك انتي تخلي دكان اخوش ولا حد فيه
زيراف:على فكره افتجع[اخاف] منه وحتى انتي طمرتي[ركضتي] معي
.
اللي تذكره زيراف عن عز ان الشباب يحبوه و انه بار
واللي تذكره عن زيراف جارتهم انها محتشمه ومدرسة
وماتصدقوا قد اي حزنتها زيراف وخصوصاً انها كان باقي لها سنه وبتدرسها
.
في وفاه عز محد كان مستوعب وخصوصاً انه كان قتل
اما وفاه زيراف الاطفال خافوا وحسوا بغيابها وخصوصاً ان ثلاجه الموتى قعدت يومين عند بيتهم لما زوجها يجي من السفر
وهي كانت انسانه فاضله تتصدق ولا احد يدري وعرفوا الناس باعمالها الخيريه بعد وفاتها
.
رحمه الله عليهم جميع
.
وبعد مرور الأيام والاشهر
انتقلت عائشه واهلها لديره ثانيه قريبه من ديرتهم

.
غادر الديره اكثر الناس خيرهansta;h.gr1
.
بعد مرور سنه
.
من منا في هذه الدنيا لم يتجرّع مُر الفراق ويذوق ألم الفقد؟ من منا لم يذرف الدموع وتعتصره العبرات على أحياء في الأرض أو أموات في السماء يسكنون.
ولاكن كل منا يتناسى ليكمل حياته
وهذا اللي صار في الحاره اللي فيها زيراف
.
.

وفي المدرسه وفي اول سنه صباحيه استقبلت زيراف هذه السنه بروح طفوليه بروح طفله ولاكن بشعور ناضجه هنا البدايه
ف كل الاحداث اللي مضت تنسى ويخف المها امام ماهو ات الا وهي [مرحله الأنتقال] من الطفوله الى الوعي او الى اللاوعي
.
إيمان :زيراف
زيراف :سمي
إيمان:هنادي تبا تكلمش
زيراف :طيب وينهي
إيمان :شوي وبتجي لانها قامت عشان تكلم المعلمه
زيراف:طيب أنا موجوده في اي وقت
.
وبعد بضع لحظات جت هنادي و دار بينها وبين زيراف هذا الحوار:
.
هاجر:زيراف
زيراف:هااه
هاجر:تتذكري الأوراق اللي اديتينيها تاك السنه ؟ وقلتي ان عهد قالت لش تديني[تعطيني]هن
زيراف:اي
هاجر:ها قولي لها اني ما فهمت شيء من المكتوب
زيراف:طيب
هاجر :بعض الاوراق فهمت الخط فيها هو انتي اللي كتبتيها؟
زيراف:لا
.
[زيراف تذكر انها كتبت ويوم جت بتعطيهم هاجر تراجعت ولاكن اللي ماتعرفه ان في ورقه بقيت بين الأوراق لذلك اجابت وببساطه ب لا].
.
.
.
و في الظهيره عادت عصفورتنا الى عشها وامانها الى الراحه والطمانينه الى بيتها.
.
وعلى الغداء
زينه[ام زيراف];ها يابنتي كيف كان يومش؟
زيراف:الحمدلله ،اليوم جت معلمه جديده للغه العربية
بس ماشرحت لنا اليوم بس سالت على اسامينا
هالا:يوه يحظش افتكيتي من الشمس والحر اللي بالظهر
زيراف:وانتي وش بش مستعجله كلها سنتين وتلحقيني ،وبعدين انتي المحظوظة تنامي لما الساعه عشر والدوام ساعتين فقط ماهو مثلي ست ساعات واحياناً سبع.
هالا:لو اناداري باتفضفضي ماتكلمت
مريم:وه بس ازعجتنا يا ثنتين خلنا ناكل
زيراف وهالا بصوت واحد:كلي محد منعش
زينه:خلاص بس انتي وهي ماعاد الا هي تردن على اختكن الكبيره.
.

يتبع....
تفاعلكم دمتمم بود
.