#بارت 22 -
"ولا أرجو سوى أن أتعافى بشكلٍ كامل من كل ما مرّني من سوء، أن تُمحى الأيام السيئة من ذاكرتي تمامًا، و أن أُعوض بأيامٍ لا أجد بها حزنًا ولا ضيق، أن أُجبر فيها كثيرًا كأنني لم أنكسر أبدًا."
شذر: سمعت كلام هيثم الي وكف كل ذره احساس بجسمي ابتعدت من الباب بخوف صار ورايه شهلاء شهگت لا اردياً
شهلاء: شعندج واكفه يم الباب
شذر: ماعندي شي ايوب اهنا داريد احجي ويا حجيتها برتباك هزت راسها ممصدكه فتحت الباب
سمعت صوت هيثم زمخ بيها
هيثم: خيييير
شهلاء: خير اليصيبك جانت واكفه يم الباب تتسمع عليكم
شذر: بلعت ريگي بخوف طلعو ثنينهم ايوب وهيثم
ماجنت اتسمع كتلج ردت احجي ويا ايوب
هيثم: واليريد يحجي ويا واحد يوكف يم الباب
شذر: ردت ادخل وهي اجتي وعبالها داتسمع
هز راسه بعدم تصديق باوعت على ايوب وماريد اصدق السمعته مستحيل انسان مثله يكون مسوي هلشي عفتهم ورجعت لغرفتي ماعرف شسوي خفت منه خفت ياذيني اني هم بقيت متوتره اروح واجي
بقيت بلـ غرفه علما اجو عبير وامها يلا طلعت كعدت يمهم ابد مباوعت لا بوجه هيثم ولا بوجه ايوب
ام تميم: يمه بيج شي؟
شذر: هزيت راسي بمعنى لا
كمت وياها حضرنا الغده اجه تميم اخذ السفره اشرلي شبيج مابيه شي
تميم: متاكده؟
شذر: اي اخذها وراح كملنا كعدنا كل احنا سوه انتبهت على تميم كل شوي يباوع على عبير بنظرات قهر وهي يمكن منتبهه لأن دنجت راسها بعد مارفعته درت وجهي على صوت ايوب وهو يصيح بأسمي
ايوب: شذر بابا انطيني الخبز من يمج
شذر: انطيته اله بدون ماباوع عليه بلحظه خفت منهم كلهم الكلام السمعته مو سهل ابد مو سهل خلصت اكلي وكمت للمطبخ كعدت وايدي جوه خدي غمضت عيني بتعب شوكت ارتاح؟ صدك من كالت خاله ماكو راحه بلدنيا فتحت عيني على سحبه الكرسي هيثم كعد وخله رجل على رجل
هيثم: سمعتي الحجينا؟
شذر: مجاوبته لأن ماريد احجي ويا
هيثم: يعني سمعتي لهلـ سبب گالبه الخلقه تره عادي تصير بارقه العوائل
شذر: شنو هو اليصير بارقه العوائل؟
تره اني ماسمعت شي ولا اعرف بيكم شجنتو تحجون ماكو داعي كل شوي اعيد الحجي رفع حاجبه
هيثم: وشبيج متنرفزه هيج؟
شذر: متنرفزه لأن كاعده كبالك عفته وكمت اطلع من المطبخ صار بوجهي ايوب همسلي
ايوب: صاير شي
شذر: اكتفيت بهز راسي بمعنى لا ومشيت من يمه انتضرتهم يكملون اكل شلنا السفره اني وعبير وعزلنا المطبخ
أنت تقرأ
شذر ايوب
ChickLitخذلوني اولئك الذين ظننت الحياة معهم ستكون افضل فليتهم اصطفو ضدي ولم يصطفو خلفي ليتقاسموا ظهري بخناجر غدرهم المسمومه تركت لهم ظلي ورحلت لانني لا احمل رغبه الانتقام من احد والايام كفيله برد اعتباري
