#البارت- 32
كُل يوم أشعُر بذلك الضياع أُحارِب تخبُط أفكاري أتجرد مِن كُل شيء عدايّ أنا وثُقلي أقطع نفس الأماكِن وأبتلع نفس الغصّة كل يوم أُعاني مِن الخَوف والقلقِ الشديد أنام وأفيق بالثقل نفسه.
شذر: ماعندي غيرج يساعدني ساعديني بداعة عزيز گلبج بقت صافنه بوجهي لان ممفتهمه الموظوع اني هم مداعرف الداسوي صح لو غلط
بس اهم شي ابتعد
شهد: شصااير لا تخوفيني عليج
شذر: اريددد اختفي منهم كلهم ساعديني شهد
شهد: شصاير سامعه شي
شذر: لا بس ماريد ابقى اهناا اررريد مكاان اروحله
شهد: عندي صديقتي تدرس اهنا وهي اهلها بغير محافضه وعاايشه بمجمع ابغداد احجي وياها واشوف شلون تصير
شذر: هزيت راسي موافقه لزمت ايدي ترجف
شهد: ليش ترجفين شبيج شذر احجيلي
شذر: هزيت راسي ماكو شي
ماحجت بعد وحتى للسوك مارحنا بقينا نفتر علما تعبنا ورجعنا للشقه شفناهم بعدهم كاعدين ودخان الجكاير واصل لباب الشقه دخلت للغرفه بدون ما احجي حرف دخلت للغرفه لحكتني شهد كعدت كدامي وهمست
شهد: شصاير شذر صار شي بينج وبين ايوب مسمعج كلمه احجيلي؟
شذر: هزيت راسي لا ونزلت دمعتي مسحتها بسرعه
شهد: شبييج لعددد ليششش هيج تسوين بنفسج
شذر: اريد ابتعد منهم كلهم
كلهم اذوووني تعبوووني كل واحد بيهم اخذذذ من حيلي حيييل كل واحد منهم اخذ من عمري عمررر
تعبت منهم شهد كلهم تعبت منهم ماعندي طاااقه اتحملهم بعددد
شهد: اهدئي دترجفين شذر جري نفس لا تسوين هيج بنفسج
شذر: خليت راسي على المخده تمددت وخليت ايدي بين رجليه اوكف رجفتها كعدت شهد يم راسي تمسح على شعري
شهد: راح اساعدج بس شذر والله اذا تبقين يم ايوب احسن لج هو يكدر يوكف بوجه ابوج اذا طلعتي وحدح ولكاج ابوج مراح يرحم بحالج
شذر: شلون يلكاني ميكدر
شهد: يكدرر شذر يكدر مو صعبه يكون نراقبج ويندل مكانج بكل سهوله عندي الج مقترح يفيدج
شذر: هزيت راسي بمعنى احجي
شهد: تتفقين ويا ايوب تكونين تحت حمايته يخليج بهلـ شقه علما تكملين دراستج وتشوفيلج شغله
شذر: شنو الفرق اذا كعدت وحدي
شهد: مادامج ابيت ايوب ابوج ميكدر يسوي شي وهذه ايوب البره لا تشوفي هيج صدكيني من يتعصب محد يجرعه يصير غوول
شذر: واذا ماقبل
شهد: يقبل انتي اهدئي واحجي ويا
شذر: هزيت راسي وهمست احاول بقت تمسح على راسي علما نمت فزيت على ماي بارد على وجهي كعدت من نفس الكابوس شفته فوك راسي باوعت بعيونه الخووف لعد لييش كلااامه عكس نظررراته وتصرفاته وياااي
أنت تقرأ
شذر ايوب
ChickLitخذلوني اولئك الذين ظننت الحياة معهم ستكون افضل فليتهم اصطفو ضدي ولم يصطفو خلفي ليتقاسموا ظهري بخناجر غدرهم المسمومه تركت لهم ظلي ورحلت لانني لا احمل رغبه الانتقام من احد والايام كفيله برد اعتباري
