#شذر_ايـــوب -
#النهايه -
#للكاتبه: ود الباشا
أحس إني اريدك .. وأحس إني تعبت منك .
يا حلم عاش ويآ روَحي و يا ظلي الـ مايهدني .
وسام: وباااجر اجيب اهلي واجي اخطبج
شذر: صفنت بوجهه همست انت شتعرف عني وتريد تخطبني
وسام: مايهمني اي شي المهم اني رايدج ومشتريج
شذر: ابتسمت مسحت وجهي مجرد اعجاااب صدكني بس تعرف منو اني وشنوو بوجهي متباوع
وسام: صدكيني رايدج اني ومشتريج بروحي
شذر: اني ممفكره بلـ زواج الله يسعدك ويا غيري عفته صافن ومشيت دخلت لمحاضرتي واني ممركزه بشي من ناحيه دافكر اوافق واخلص لأن الكلام السمعته من ام علي وام تميم ابد مو سهل وحيل حزت بخاطري ومن ناحيهزثانيه اعرف بي اذا يعرف منو اني ومنو اهلي راح يبطل من يمه
وانفضح بلـ جامعه غمضت عيني بتعب وحيييره
اريد اهلص من الـ اني بي ومااريد يعرف منو اهلي
بس شلوون خلصت وطلعت كعدت بمكاني الي كل مره اكعد بي شويه واحد كعد يمي التفت شفته هو
طفرت من مكاني تره زودتها انتتت شتررريد
وسام: وافقي خليني اتقدملج والله اسعدج ونكمل دراستنا سوه ونعيش حياتنا ليش متوافقين شنو الناقصني
شذر: كتلك مناقصك شي الله يسعدك ويا غيري اني مافيدك
وسام: اني اريدج انتي حبيت هدوئج ونزاگتج
شذر: انت ماتعرف شي عني الله يخليك ابتعد مني
وسام: شوفي اني مراح احجي بس راح اجيب اهلي واجي لاهلج اريد كلشي يصير رسمي وبغدها نكعد وتسولفيلي شنو الماعرفه عنج اني
شذر: عفته ومشيت ماهتميت الـ كلامه اساساً مايعرف وين عايشه مطمئنه من هلـ ناحيه رجعت للبيت الدنيا طالعه من عيني فتحت الباب عبير سلمت ودخلت شفت ايلي شلته ابوس بي
عبير: شبيج ترعدين
شذر: ماكو شي تعبانه شوي اروح انام هزت راسها عفتها ورحت للغرفه بدلت وشمرت نفسي على السرير خليت راسي على المخده شصار لو اهلي مثل هلـ ناس هاي شصااار لو اكعد اسولف بيهم واني رافعه راسي بدون ما اخجل منهم حتى اسمييي من اكول اتلعثم يلا اكول جواد بعده
نفتحت الباب دخلت عبير كعدت يمي
عبير: والله عرفت بيج شي شصاير شكو
شذر: مسحت عيوني ماكو شي شوي ضايجه اني
عبير: احجي شذر مو عليه مبين بيج شي لا تكذبين
شذر: حجيتلها كلشي محروك گلبي عبير لأن خجلانه منهم تخيلي انسان يخجل من اهله ومن طاريعم والله صعبه عليه حيل صعبه
أنت تقرأ
شذر ايوب
ChickLitخذلوني اولئك الذين ظننت الحياة معهم ستكون افضل فليتهم اصطفو ضدي ولم يصطفو خلفي ليتقاسموا ظهري بخناجر غدرهم المسمومه تركت لهم ظلي ورحلت لانني لا احمل رغبه الانتقام من احد والايام كفيله برد اعتباري
