أكذوبة مُخادعين"

part3

الحمدلله والصلاه والسلام على رسول الله صلى الله عليه وسلم ❤️

الله لا اله الا هو الحي القيوم لا تأخذه سنة ولا نوم له ما في السموات ومافي الارض من ذا الذي يشفع له إلا بإذنه يعلم ما بين ايديهم وما خلفهم ولا يحيطون بشئ من علمه إلا بما شاء وسع كرسيه السماوات والأرض وهو العلي العظيم 💗

--------------★٭★--------------------------★٭★------------

تلملمت خديجه في نومها علي صوت امها وهي تقول
الام: اصحي بقا يا ديجا هتتأخري يا حبيبتي الساعه 10
خديجه بفزع: بتقولي كام؟
الام بضحك: لسه الساعه 8 متخافيش مهو مفيش طريقه هتجيبك إلا دي
خديجه براحه: حرام عليكي يا ماما خضتيني
الام: طيب يلا قومي عشان تاكلي
خديجه بحب: حاضر يا حبيبتي
وذهبت خديجه للتوضئ حتي تصلي فرضها
وعندما انتهت ذهبت لتناول الطعام
خديجه لاختها بمرح: ايه بقا مش ناويه تبطلي تحبي بلاك بينك
اختها بحب: لا يبنتي دول بحبهم اويييي
خديجه بغيظ: بس انا مبحبهمش
اختها بلا مبالاة: وانا مالي
--------------★٭★--------------------------★٭★------------

أسر بنعاس: انا نمت كل دا
اومال دا اكني منمتش قبل كدا
يلا اما أروح لاحسن عم شعبان يعلقني
وذهب وارتدى ملابسه من رغم انها بسيطه لكنه كان لديه ذوق في اختيار ملابسها فكان يرتدي بنطال اسود وتي شيرت ابيض وفوقه قميص باللون الاخضر وحذاء باللون الابيض وذهب للعمل ولكن استوقفته كلمه فتاه وهي تقول (شوفتي المز ده)
فقال لها أسر بتسليه (ايه عجبتك؟)
فقالت البنت بخجل: يعني
فقال لها بسخريه:غضي بصرك يا استاذه انتي محجبه راعي شعور الحجاب الي لابساه ده انتي المفروض مسلمه وعارفه دينك
فقالت فتكات من وراءه: المفروض عند المكوجي يا حبيبي يلا روح علي شغلك وانا هكلمهم احسن من طريقتك الدبش دي
مشى أسر بإنزعاج منهم
فقالت فتكات بهدوء (ابعدو عن الولد ده عشان هو دماغه لاسعه وممكن يقتلكم لو شافكم تاني)
فاجرت الفتاتان بخوف
عند أسر
كان يتحدث مع شعبان

شعبان(فيه بنت جايه تشتغل معاك هنا)
أسر بإنزعاج: بنت!
شعبان بشك: ايوا مالك؟
أسر بضيق: لا مفيش والهانم هتيجي امتي
شعبان بعدم اهتمام: هتيجي الساعه 10 عايزك تعرفها على الشغل
أسر بتمته (اهي كانت ناقصه حد يجي يشتغل دنا مرتبي مبيكفيش)
--------------★٭★--------------------------★٭★------------

عند كنزي
كنزي: ماما انا خايفه اوي اول مره اشتغل
والدتها بإنزعاج من ثرثرة ابنتها (يووووووه بقا يا كنزي ابعدي عن دماغي وروحي خدي الفلوس الي عايزاها)
كنزي بحزن وحاولت أن تخفيه: حاضر
كانت تذهب وهي شاردة الذهن تفكر لماذا لم تولد في عائله حنونة لماذا لم تمتلك ام تهتم بها وبأدق تفاصيل حياتها كانت تريد شعور الفتاة وامها!
واباها الذي لا يهتم لها تشعر كأنها يتيمه لكن ماذال أباها علي قيد الحياة لم تشعر كأنها مدلله كانت هي من تفعل كل شئ بمفردها لم يشاركها أحد ذكرياتها فحقا انها تتمنى أن لو لم تكن مع هذه العائله الغبيه!

--------------★٭★--------------------------★٭★------------
ذهبت خديجه ليوم عملها الأول فهي حقا متوترة لن تنكر هذا لكنها بطبعها فتاة اجتماعيه فلماذا التوتر الآن يافتاة!
كانت تتمشي الى السوبر ماركت ولكن استوقفتها فتاة تقف في الأشارة تحمل مناديل لبيعها ولم يعطي أحد لها اهتمام لاحظت نفسها وهي تسير لها بدون وعي حتي وقفت أمامها وقالت لها
(ازيك يا جميله اسمك ايه)
الفتاة: اسمي نور
اسمك جميل اوي يانور انا اسمي خديجه
فقالت الفتاة بفرح: الله اسمك جميل انتي كمان
ضحكت بخفه وقالت لها (ايه رأيك نكون اصحاب؟)
ردت الفتاة بحماس فلم يعيرها أحد هذه الاهتمام من قبل (طبعا طبعا)
قالت خديجه وهي تحاول أن تزيح التوتر (انتي جعانه اصل انا جعانه اوي ايه رأيك نروح ناكل من عند عمو بيتزا؟)
فقالت الفتاة بفرح: بجد ايوا يلا بسرعه
فضحكت خديجه عليها فهي طفلة جميله من الداخل والخارج لكن تريد بعض الاهتمام
--------------★٭★--------------------------★٭★------------

عند اسر كان يتناقش مع صديقه الوحيد في موضوع مهم
أسر: كنت بتحبها؟
=حب ايه يعم
أسر:اومال ارتبطت بيها ليه؟
=هي مجرد تسلية مش اكتر
أسر:وانت مش خايف
=معنديش اخوات بنات
أسر:مكنش في قلبك ذرة حب ليها؟
=لا الي تخون ثقة اهلها يا عالم ممكن تخوني شخصياً واصلا تلاقيها ارتبطت بعدي الي زي دي اتعود انه يطلع من علاقه يخش ف التانيه
أسر:طب وربنا؟
=هيسامحني
أسر:طب انت نسيت حاجه
=ايه هي
أسر:إن الله غفور رحيم ولكن الله شديد العقاب
يعني ممكن يتردلك ف عيالك مش شرط عشان معندكش اخوات بنات لكن عارف انك مش هتاخد بنصحتي
=طلما عارف بتقولي ليه
أسر:يمكن عقلك يرجعلك وتعرف غلطك
انت صاحبي يا ضياء مش عايز اخسرك.
=طب ما فكرتش هي ارتبطت بيا ليه
أسر:عارف عشان الكلام الي بتطلع بيه من كل موقف انها ملقتش الأمان ولا ارتاحت لحد قبلك انت الوحيد الي فاهمها لكن لو هي بجد كانت بتفهم كانت هتعرف أن الله عز وجل معانا ودايما جنبنا ولو جربت تصلي وتشكي لربنا هترتاح لكن مش هتيجي تشكي لعيل زيك انت عيل انت عمرك ما هتكون راجل الي انت بتعمله.
تركه صديقه بغضب من حديثه وقال له (انا راجل انت متعرفش حصلي ايه عشان تقولي كده انت عمرك ما شوفت الي شوفته ابويا كان بيضرب امي عشان مكنتش عايزه تديله ورث ابوها اخر ما زهق شربها مبيد حشري انت فاهم يعني ايه انا بحاول انسى انت مصمم تفكرني انا بحاول اعوض نقص الام الي فحياتي بأي بنت لكن مش بلاقي)
أسر بتصميم: عشان انت محاولتش تقرب من ربنا ياصاحبي