⚘تدلل على قلبي كثر ماودك... الغلا لك ماهو لغيرك ⚘

البارت الخامس

قسم رجال الفرح تعم الكل برجوع لأهل 
عند الشباب...
فارس وهوه يرحب بسفيان زوج اخته
فارس :أرحب ياسفيان انشهد انها نورت الديره
سفيان : البقى ياحيي منوره بأهلها
احمد : زين انكم رجعتو فقعت كبدي منهم اشتقت صديق الطفوله
عزان وفارس وزيد ونايف بصوت واحد :اعقب
فارس بمزح :تو تجحدنا من جاء خويك
احمد بضحكه :محشوم يمال الغنى مهب بالقصد تدري بغلاتك
فارس :داري ياحيي
عزان :كيف الرياض معاكم ياسفيان
سفيان : طيبه بس مافي مثل الديره
نايف :اكيد هذي نجدنا مافي مثلها
عزان : وانشهد مافي مثل ديرتنا 
(عند شيابنا)
الجد ابو خالد :ارحبوا والله تو مازانت الجلسه بوجودكم
الجد سلمان وابو خالد :البقى ماعليك زود
ابو خالد بمزح(منصور) :لاني فيه لازم تزين
ابو فارس بضحك:اخس يالثقه
ابو خالد :لابد من ثقه ولا وش رايك ياعم
الجد ابو خالد بابتسامه لمزحهم :ابدا مافيها كلام
عزان :يلا يانايف وزيد خلونا نجيب العشى
نايف وزيد :ابشر
توجهو لمطبخ
عزان :يمه يمه
ام فارس:اقلط يايمه مافي احد
نايف وزيد:كيفك ياخاله
ام فارس :ابشركم طيبه وعالي العال
عزان بمزح :اجل عالي العال برجعت حبيبتك
ام فارس :ايه قرت عيني بشوفها وشوف ولدها ويلا انت وهوه شيلوا العشى الضيوف ينتظرون
الشباب شالوه وحطوه بالمقلط
وراحوا يقلطون الضيوف
نايف :ياجد ترا العشى جاهز
الجد ابو خالد :اقلطوا على العشى
الضيوف بالاصوات متفاوته :كثر الله خيرك. ، جعلها دايمه....
(عند الحريم)
حطوا العشاء بالمثل وقلطوا عليه
بجهه البنات الي الجلسه تعم بالسوالف والضحك
سديم : وش رايكم يابنات بعد مايمشوا المعازيم نجلس بالسطح زي ايام زمان
ريم:اي يابنات اشتقت ايام قبل والمغامرات
البنات بصوت واحد :أجل تم
غزلان :اجل لازم مفرحات
سديم :اي ذحين بوصي احد من العيال.
راحت تتصل بعزان
عزان:أرحبي يعيوني
سديم :البقى يقلبي ودي تروح البقاله
عزان :وش ودش من البقاله
سديم :البنات حابين نسهر فالسطح زي ايام زمان وودي مفرحات
عزان :ابشري يعيوني ارسلي الي ودكم وان شاء الله اجيبه
سديم :تسلم ياحن وارقى اخ فالكون
عزان :اي كثري كثري يالمصلحه
سديم :ههههه الله يخليك لي
عزان :ويخليش لي
راحت تسأل البنات وش ودهم وارسلت طلباتهم

(عند الشباب)
عزان :مين بيخاويني للبقاله
زيد :انا
ومشيو عزان وزيد للبقاله لانه الشباب الباقين قالوا ماودهم
عند البقاله
زيد :عزان معاد باقي الا ساعه ونص ويوصل ياسر
خلنا نستعجل ع اساس تكمل فرحة اليوم
عزان :هذاني خلصت اوديه للبنات ونروح للمطار
زيد:أجل انا بنتظرك بالسياره
عزان :تم
(عند المطبخ)
تنحنح عزان لجل يدخل المطبخ بس ماسمع رد

دخل وهوه جاهل وجود الملاك داخل وهي
نفس الشي لف يبغا يرجع وتنح بمكان من الصدمه وهي جمدت مكانها معاد رجلها تشيلها  بس تدارك عزان الوضع لما سمع صوت سديم تناديه وبسرعه خشها وراء الثلاجه
لجل ماتلمحها معاه
......
السلام عليكم ورحمة الله وبركاته
اول شي اعتذر على القطعه ذي بس أبشروا ان شاء الله نعوضكم بماني رجعت باحلا بارتات اما بنسبه لتنزيل وش رايكم نحدد يومين فالاسبوع يكون فيهن التنزيل اكتبوا رايكم وان شاء الله خير واذا عندكم اي سوال اسألوا وبجاوبكم
اسعدوني بالنجمه تقديراً لتعبي💛..