في بداية الصباح:
في بيت الجد جاسر الـ عزان كانوا الاهل كلهم متجمعين
لانه في عاده عند الجد جاسر انه كل عياله وزوجاتهم يجتمعون يوم الجمعه ولازم الكل يكون موجود.
كانوا الشباب مجتمعين ينظفون المجلس للضيوف الي راح يجون للجد الشباب يشطفون المجلس ويلعبون بالماء
عزان : يلا ياعيال مافي وقت اسرعوا واتركوا العب عنكم قبل لايدخل جدي علينا ويمحطنا بالعقال.
نياف :ياولد اترك عنك جدي شوي وتعال العب ويانا ترا الدنيا مهي طايره
زيد :ايه والله الدنيا مهي طاير خلنا نستمتع اشوي.
قاموا نياف وزيد يسحبون عزان معاهم عشان يلعب وياهم
وهم يلعبون دخل الجد عليهم
الجد جاسر : ياولد انت ويا وش تسون الناس ع وجه الجيه وانت وياه تلعب كنكم بزارين.
عزان :والله ياجد كنت انبهم بس مايسمعون وقاموا يسحبوني معاهم.
الجد بابتسامه مخفيه :طيب اخلصوا انت وياه ترا مافي وقت
نياف وزيد وعزان بنفس الوقت ردوا: ابشر ياجد الحين نخلص
طلع الجد مع المجلس.
عزان :ارتحتوا تو بعد مانهبدتوا.
زيد:ايه والله زين مامحطنا بالعقال كنا رحنا فيها
نياف :وينهم الباقي تركوا الشغل علينا ليتني اشوفهم بس ارمي ذا الشغل عليهم وعلمهم ان الله حق
زيد: ايه والله بس ياعيال مالاحظتوا ان جدي ابتسم ولا
عزان :لا ما ابتسم اخلص انت وياه قبل لا يرجع ويمحطنا صدق
قاموا الشباب يشتغلون لحد ماخلصوا وراحوا كل واحد يلبس في شقته
ملاحظه (كل عيال الجد جاسر عايشين معه بنفس البيت لانه البيت كبير ومقسم ع شكل شقق لكل واحد من عياله شقه مكونه من ٣ اجنحه جناح الام ولاب وجناح للعيال وجناح للبنات )
شقة عائلة خالد بن جاسر الـ عزان
خالد ابو فارس :يامره وين خليتي عقالي
رنا ام فارس :موجود على السرير
خالد ابو فارس :جيبيه لي
رنا ام فارس :ابشر
خالد ابو فارس :تبشرين بالجنة ياام فارس
ام فارس :تفضل
ابو فارس :وش ذا الزين يمره أنشهد انش اخذتي الزين كله
ام فارس ابتسمت وهيه مستحيه : تسلم الزين زينك
عزان من وراء الباب:هالله هالله وش ذا الغزل يايبه
ابو فارس :والي يشوف زين امك مايتغزل
ام فارس وهيه مستحيه :اخلصوا علينا تو يوصلون الناس
جاء عزان يحب أمه على رأسها :فديت المستحيه ياناس
ابو فارس: ياولد استح على وجهك
عزان :يايمه شكله الوالد القائد يغار عليش
ام فارس بحيه :ياولد اخلص وش ودك
عزان :يايمه ضيعت ثوبي ماعرف وينه
ام فارس :ايه انا عطيته سديم تكويه الحين اخليها تجيبه
ام فارس :سديم يا سديم وينش اخلصي اخوش يبغا ثوبه
سديم :ابشري جيت يايمه
سديم :تفضل
عزان :وش ذا الحلا ياأخت عزان
سديم بغرور :لازم اكون حلووه لاني اخت عزان بن خالد
عزان :يافديت غرورش يبنت خالد
سديم :اخلص لا يجي ابوي ويقوم علينا
عزان ضحك :ابشري
لبس ثوبه وشماغه وراح الصاله عشان أمه تبخره
عزان :يايمه وينه البخور
ام فارس :هنا أقرب ابخرك
بخرته وفي هذي الاثناء دخل فارس مع زوجته وسلموا:السلام عليكم
ردوا عليهم :وعليكم السلام
وحب امه ع راسها :كيفش يمه
ام فارس: بخير ابشرك انت كيفك
فارس :دووم ياالغاليه الحمد الله ابشرش اني طيب
فارس :وشلونك يايبه
ابو فارس :ابشرك طيب انت وشلونك
فارس :ابشرك طيب يالغالي
فارس: يايمه الظاهر الدلع لعزان والوالد وانا لي الله ولا من تزوجت نسيتني
ام فارس:افا مانسيتك بس الحين عندك شيخة البنات وش تبغا بي
فارس :افا يايمه انا مااستغني عنش
ام فارس :ي بعدي أقرب ابخرك علشان ماتقول ماندلعك
فارس :جعل يدش مايمسها النار
الكل :آمين...
نروح لشقة يوسف بن جاسر
كان الوضع معاهم يشبه وضع بين خالد الكل يتجهز ومن خلصوا الجميع توجه إلى مجلس الجد لانه الضيوف ع وصول
الجد:ارحبوا ياعيالي اخباركم
اختلفت الردود بين طيبين وبين بخير
يوسف وخالد بنفس الوقت:وانت يايبه اخبارك
ابتسم الجد :طيب ابشركم
أقبلوا اهل الديره على الوصول
دخل سلمان الـ ياسرصديق الجد وجاره من سنين :كيفك يا ابو خالد
الجد جاسر :ابشرك طيب انت وش علومك
الجد سلمان : ابشرك طيبه
الجد جاسر :من زمان عن الجمعات يبو منصور ولا من رحتوا الرياض نسيتونا نسيتوا الديره وايامنا
ابو منصور : لا يا بو خالد انت عارف بحكم شغلنا فالرياض نروح ونرجع بس ابشرك اني خلاص بستقر فالديره مالي غنى عنها
فرح الجد وقام يحضن ابو منصور:أبركها من ساعه يوم انك تعيش بديرتك بين اهلك وناسك خلنا نعيش أيامنا مثل زمان مابقى من الدنيا كثر ماراح
ابو منصور: ابشر ان شاء الله نعيد أيامنا و شبابنا......
*
*فرحوني بلنجمه وتعليق تقديرا لتعبي احبكم يالي تقرون روايتي😔💙💙.
* حسابي التيك توك اتمنى تضيفونيialzy._4💙
أنت تقرأ
⚘تدلل على قلبي كثر ماودك... الغلا لك ماهو لغيرك ⚘
Puisiروايتي الأولى واتمنى تنال اعجابكم تمزج بين قصه واقعيه حدثت والخيال ادعموني اذا حبيتوها💙.
