⚘تدلل على قلبي كثر ماودك... الغلا لك ماهو لغيرك ⚘

البارات الرابع

صباح جديد على العائلتين صباح الفرح يتسلل لقلوب الاهل
بفرحة رجوع ابنائهم
يوم استقرار عائلة ال ياسر  في الديره
بيت منصور آل ياسر :
كلهم محتاسين من التريبات ( في غرفه البنات)
ريــم :ياالهنوف اخلصي يابنت ترا تأخرنا ذا الحين يجي ابوي ويعصب علينا
الهنوف:طيب لحظات البس عبايتي
ريــم :اجل اسبقش تحت اشوف امي اذا محتاجه شي
الهنوف :طيب وانا وراش هالحين انزل
نزلت ريــم لصاله وحصلت امها وابوها جالسين
ريــم وهيه تبوس راس امها وابوها :اشوف الوجهه منور كل ذا عشان الديره
ابو خالد:ايه يايبه من يرجع ديرته الي تربى فيها ويعيش بين أهله وناسه ومايكون  مبسوط
ام خالد:ايه والله محد له غنا عن اهله
ابو خالد :صدقتي
ابو خالد :يابنت وين اختك ترا تأخرنا
الهنوف وهيه عند الدرج:كاني يبه جيت
ابو خالد :ريــم شوفي اخوك ومرته
ريــم :حاظر يبه
توجهت ريم لقسم اخوها تخبره ينزلون
طقت الباب وفتحت زلفى:ابوي يقول يلاه مشينا
زلفى :تو ننزل ان شاء الله
ريــم :طيب عطيني حبيب عمته عنك
زلفى :تسوين خير
اخذت ولد اخوها ونزلت
ام خالد :هاه يمه وش قالوا
ريــم :هالحين يجون يمه
نزلوا زلفى وسفيان وتوجهوا الكل لسيارات
الترتيب في السيارات:
ام خالد وابو خالد و الهنوف مع بعض بسياره وحده
زلفى وسفيان و ريــم وولدهم مع بعض
تحركوا لديره مع بعض
فطريق :
زلفى :ريــم ودش قهوه
ريــم :اي ودي اعدل راسي
زلفى:طيب سفيان نبغا قهوه
سفيان :طيب يعيوني
زلفى:تسلم عيونك
ريــم :ترا انا هنا بلاش حركات المتزوجين
سفيان :زوجتي حلالي كيفي
ريــم :طيب طيب خلاص انتبه لطريقك
زلفى تضحك مستمتعه
سيارة ابو خالد
الهنوف:يبه ودنا البقاله شوي
ابو خالد :تم يايبه الحين اخذاش
الهنوف:فديتك يابوي جعلني منحرم منك
ابو خالد :ولا منكم ومن امكم يابعدي انتوا
ام خالد :آمين يارب العالمين
وقف ابو خالد عند البقاله
ابو خالد :وش بخاطركم
الهنوف :انا ودي مفرحات يايبه
ابو خالد :ابشري وانتي يام خالد
ام خالد:اي حاجه عادي
نزل ابو خالد بعد مااخذ طلباتهم
وبعدها خلص وتوجهوا لديره
على المغرب وصلوو لديره وكان الجميع باستقبالهم
وكل فرحانين برجعوهم بعد ذي السنين
بيت خالد ابو فارس استقبلهم بفرح
ابو فارس :حي الله من جانا ولفى ديارنا بجيته اشهد بالله توها تنور الديره برجوعكم
ابو خالد :حب نباك منوره بأهلها ماعليك زود يالغالي
ابو فارس :جعلك تسلم يبعدي
عزان :ياهلا تو ماتنور ديرتنا يعم
ابو خالد :بوجودكم منوره
عزان :كيفكم وكيف الرياض معكم يعم
ابو خالد :ابد والله زينه بس ديرتنا اكيد احلا
ابو فارس :اكيد من يوصل غلا نجد بقلوبنا
ابو خالد :ايه والله
ابو فارس :كيفك ياسفيان
سفيان :بخير يعم وانت كيفك
ابو فارس :من ليتونا وحنا بخير
سفيان :تسلم يعم ماعليك زود
ابو فارس :كيف بنيتي وولدها
سفيان :كلهم طيبين يعم وينتظرون شوفتك
ابو فارس :اجل اعذرني يبو خالد بسلم على بنيتي واجيكم
ابو خالد :ابد اخذ راحتك
ابو فارس :تسلم
عند الحريم :
دخلو ام خالد وزلفى وريم والهنوف
وكانت باستقبالهم ام فارس
ام فارس :ياهلا يهلا فيكم نورتونا تو ماتنور ديرتنا
ام خالد :ياهلا فيش منوره باهلها يعيوني
أقبلوا يسلمون على بعض
وقفت ام فارس جنب بنتها وهيه تحضنها وتبوسها 
ام فارس :تو ماردتت روحي برجعتك يايمه
زلفى :ياقلبي يايمه استقت لكم
ام فارس :وحنا أكثر يبعدي
سديم :واخيرا جيتي والله البيت مايسوى بدونك انتي وسمي الغالي
زلفى :اصلا ادري ههههه
سديم :مب منش مني انا معطيتش وجهه اذلفي بس قالت تدري
سدن :ي بنت ماتتخيلي شكثر فرحنا برجعتكم
زلفى :ياقلبي ي اخواتي جعلني منحرم منكم
سدن وسديم :آمين ولا منش.....
°
°
°
°
اعذروني حبايبي ع التأخير بس كان عندي اختبارات وكذا والحمد لله خلصت ادعولي اجيب نسبه تفرح خاطري
وان شاء الله مع رجوعي اعوضكم بباراتات تجننن
فرحوني بتعليقاتكم الي تبهج خاطري ولا تنسوا النجمه تقديراً لتعبي اتمنى تعجبكم الاحداث 💙💙..