بنت شافت ابوها بيدخل بيت الجيران لفعل شئ غريب ج 1
بقلم صابرين علاء.
الاشخاص
العيله الاولى
خليفه 25. امه فتحيه 60
نورا 24
بنتهم كنزي 7
عمار ( اخو خليفه) 35
مراته احسان 30
العيله التانيه
فارس 35 شغال ف فندق ف شرم الشيخ
مراته رقيه 30
ابنهم محمد 7
العيله التالته
مجدي 35 محامي،،،
مراته نيره 30
ــــــــــــــــــــــــــــــــــــــــ
القصه
..... في شقه متوسطه الحال
كان عايش فيها خليفه وعمره 25 سنه و نورا 24 سنه متجوزين ومعاهم بنت اسمها كنزي 7 سنين،،،
...... ف يوم صحيت نورا بدري وجهزت شنطه السفر لجوزها
لانه اخيرا هيروح مقابله شغل ف اسكندريه
وبعد ما جهزت الشنطه اخدتها ف الصاله
..... جت بنتها كنزي وقالت
/ ماما ماما !
هي دي شنطه السفر بتاعه بابا ؟
انا عايزه افتحها
…… نورا قالت
/ لا ياكنزي سيبي شنطه بابا ف حالها انا هجيبلك شنطه تانيه تلعبي فيها،،،، ا،،،
……. ومسكت تلفونها ورنت على جارتها رقيه
وقالت
/ ايوا يارقيه ازيك ياحببتي،،،
رقيه
/ كويسه ياقلبي،،،، ازيك انتي عامله ايه!
نورا
/ تمام والله الحمد لله،،،
بقولك ايه ،، النهارده بعد ماجوزي وجوزك يسافرو نطلع نفطر سوا مع نيره!
ايه رأيك؟
رقيه بتوتر
/ اه،، هي فكره حلوه اوي الصراحه بس،،،، انا لازم اروح عند امي النهارده ضروري،،، اصلها رايحه عند الدكتور ولازم اروح معاها،،،
نورا
/ اه الف سلامه!
طيب مش مشكله،،،، نعوضها يوم تاني،،
