Uni...
.
.
.
.
"သား..ရာဇ်ခတ်"
အိမ်ထဲဝင်ဝင်ချင်းပင် ကြားရသော ပါပါးအသံကြောင့်အလန့်တကြားလှည့်ကြည့်တော့ ပါပါးက ဆက်တီဆိုဖာပေါ်ကျကျနနထိုင်နေသည်ကိုမြင်ရသည်..ပါပါးသည် အသက်လေးဆယ်ကျော်တစ်ယောက်လို့မပြောနိုင်လောက်အောင် နုပျိုလွန်းသည်..ခပ်တောင့်တောင့်ခန္တာကိုယ်နှင့် မြန်မာအဝတ်အစားတို့ကလိုက်ဖက်ညီလွန်းလှသည်
"ပါး..ဘယ်တုန်းကပြန်ရောက်နေတာလဲ"
"ခုနကပဲ..သားကရော ဘယ်ကပြန်လာတာလဲ"
"အပြင်က.."
ရာဇ်ခတ်စကားကြောင့် ပါပါးမျက်ခုံးတို့တွန့်ချိုးကုန်သည်...သို့သော်လဲတစ်စုံတရာမပြောဘဲ စိုက်ကြည့်နေသည်...ရာဇ်ခတ်ပုခုံးလေးတွန့်ပြလိုက်ပြီးနောက် အနားဝင်ထိုင်လိုက်သည်..
"သားရာဇ်ခတ်...ပြဿနာရှာတာလေးတွေနည်းနည်းလျှော့မယ်နော်...ပါပါး သားကိုမဆူချင်ဘူး"
"ပါးကလဲ...ပြဿနာက မျက်စိရှေ့ရောက်လာကို..ကျော်ခွသွားလို့မရဘူးလေ"
"ဟင်းးးရာဇ်ခတ်..သားကိုပါပါးပြောထားပြီးသားနော်..အောင်စာရင်းထွက်ပြီးရင် သားလဲ 18ပြည့်ပြီ..အဲ့ခါကျ သား ပြင်သစ်မှာကျောင်းဆက်တက်ရမှာ.."
"ဒါနဲ့ဘာဆိုင်လို့လဲ"
"သားကိုထိန်းမနိုင်တော့ရင် အခုလွှတ်လိုက်မှာ"
"ဟင်း..ပါးလုပ်နိုင်တာလဲမဟုတ်ဘဲ..ပြင်သစ်မရောက်ခင်လေး ကျေနပ်အောင်နေပါရစေပါပါးရ"
ပုခုံးကိုနှစ်ချက်ပုတ်ကာပြောပြီးအပေါ်တက်သွားသောသားဖြစ်သူကိုကြည့်ကာ ဦးလျှံတက်ရာခေါင်းခါလိုက်မိသည်...သားက ဖအေတုန်နေအောင်ချစ်မှန်းသိလို့အတော်ဆိုးသည်..ခုလည်းကြည့်..သူ့ကိုမပို့လိုက်နိုင်မှန်းသိလို့ ဆိုးနေတာ...
18ပြည့်ပြီးရင် သားနဲ့အတူမနေရတော့သည်မို့ အခုမပြည့်ခင်လေး အတူနေရအုန်းမည်လေ...
"ဟော...ဒါကဘယ်လဲ"
တွေးတုန်းရှိသော styleအသစ်နဲ့ဆင်းလာသောသားဖြစ်သူအား တအံ့တသြမေးမိသည်..ဂုတ်ထောက်နေတဲ့ဆံပင်ကလဲ ခပ်ရှုပ်ရှုပ်နဲ့အပြင် သံကြိုးတွေ ချည်ကြိုးတွေရှုပ်နေသောအဝတ်အစားတို့ကလဲ လုံးဝဗရုတ်ကျလျက်ရှိသည်..
YOU ARE READING
𝐇𝐎𝐋𝐘 𝐁𝐀𝐁𝐘
RomanceHoly Baby? အင်း..တစ်စစီစုတ်ဖြဲပစ်ချင်စရာကောင်းတဲ့ Holy Baby photo credit to pinterest #pinterest
