ضــياع الامـان

بارت6

كاتبه: غدير الجبورية

انستا: g__arrr
#ضــياع الامـان

احبك مو لان انت حلو لا لان روحي التقت كبلك اذا انت تمر على أعمة يصيح الله و اذا حاجيت الأخرس يحاجيك❤️

ـــــــــــــــــــــــــــــــــــــــــــــــــــــــــــــــــــــــ

امامه
________________________
دخلت للاستقبال وشفت رائد وأصدقائه اربعه وانه بطرگ دشداشتي الخفيفه دهر لفاني أن شاء الله شني شمالني نوب ضليت صافنه على ولد كاعد بصف رائد عرفته هاذا راهن صديقه المقرب الولد يدحك عليه وانا ادحك عليه احتاريت شسوي خليت الصينيه بالكاع وافلت ركض للصاله وكعدت بالكاع ميته من الضحك اجتني امي

اشكينار : عزه العزاج بس لا دخلتي هيج

امامه: كوه احجي من الضحك هوه اني لو انتي غير تكليلي اصدقاء رائد هنا

اشكينار :و بسلا هيج دخلتي وشافوج

امامه : اي بالعباس خطيه الولد ضلو صافنين عبالهم زلمه داخل عليهم

اشكينار : عزه بعينج يمصكوعه

امامه وهيه ميته من الضحك : بويه ولج يمه لو شايفه وجه رائد وصديقو راهن تموتين من الضحك نوبه همه دنكو روسهم وانه مادنكت راسي من الصدمه

بعدني احجي وي امي ودخل رائد صگعني براسي بخفة ايدو

رائد : شلون اطبين هيج على الوادم

امامه: ولك بالعباس هاي امك ما كلتلي اصدقائك هني بويه متت من ضحك

رائد : خاب راهن يكلي عبالي ابوك طب علينه

امامه : شلون يريدني اروح اسحلو من شعفتو ابو سنون

رائد : وعلي اله اكله امامه تكول عليك ابو شعفه وأبو سنون ولا كأنو
أنتي طبيتي عليه بشعفتج ام شعفته

عفتهم وصعدت فوك اخذت موبايلي
وضليت اكلب بي وافكر بغضب الله
دهر صابو شكد حلو نوب شنو من عيون شايل الللههه ضليت افكر بي واتخيل  الحد ما وصلت احنه على أساس مزوجين نوب كلت

امامه: استغفر الله شبيج امامه خاف الولد مزوج لعنت الشيطان وكمت صليت مال المغرب وصبينه عشه وذبيت المواعين على احلام وطفرت صعدت فوك مرت يومين واني افكر بـ راهن صديق رائد اخير شي مليت دخلت على حساب رائد مال فيس ودورت على أصدقائه  لكيتو بعد تعب دزيتلو
(اوك 👍🏻)

وسديت الموبايل وكمت حتى انام
هستوني ردت اغفى واجت رؤيه عليه وكأنو لبوه شهرزاد واني كلنا ملتمين بغرفه اهلي ونحجي ونسولف
ماعرف شنو صارلي فزيت مخروعه احس مو حلم هاذا حقيقه وفعلا اني بعدني ما نايمه يعني مو حلم ضليت ارجف من الخوف فتحت باب غرفتي وفلتت الغرفه فرقان دفرته ونمت ع جربايه خطيه هوه نعسان كبل حضن المخده ونام بالكاع كعدت الصبح هوسه جوه وفرقان بعدو نايم رجعت دفرتو وطلعت طفره وهوه يركض وراي جيت لبدت وره بابا