#كلمة_علي_غطاء_نوتيلا💖
للكاتبة:-👑So Ab👑
حلقة:(1)...
سهى:بنوته حليوه قصيرونه شوي بيوضيه شعرها بني عيونها عسليات مواليد 2001 يعني داخله علي سنه اولى في التقنيه الطبيه وحلمها اتكون صيدليه وفعلا حتحققه لأنها شاطره وتحب قرايتها💛 وطبعا اهم شي فحياتها علبة النوتيلا اتموت في حاجه اسمها نوتيلا😍
وهكي اتعرفنا علي بطلتنا توا نتعرفو علي عيلتي امي اسمها سعاد وبوي اسمه محمد عندي خوي امجد مواليد 99طويل ابيض شعره اسود فيه شويه اشقوريه ولحيه خفيفه جهت الدقن ورمشه كثيفات واختي سيرين مواليد2003يعني في ثانية ثانوي لاكن شكلها اكبر من سنها بعكسي اني يعطو فيا اصغر من سني لأني قصيرونة😂 هي بيوضه وطويلة وعيونها عسليات طلعه لي اختها طبعاً😂 لاكن تقعد سيرين صغيره العيله 😊😘
نتعرفو علي عيله عيت عموو:
عمي خالد ومرت عمووو اسمها خيريه عنده 3ولاد وبنت الكبير اسمه سند طويل وابيض وعنده لحيه خفيفه مواليد 89 خاطب وعرسه قريب وتو تتعرفو علي الاحداث شوي شوي ويلي بعد سند مالك مواليد 96 وبعد مالك معتز طويل وقمحي شوي وشعره ناعم وجسمه رياضي يلعب في كوره رغم انه يدخن🚬(تحب تفهم ادوخ😂) مواليد99 وهدا طبعا ً زي خويا منرضي فيه شي وجوي راكب علي جوه بعكس مالك😒واخيرا صغرونه العيله ولي هي
روحي وقلبي وصندوق اسراري الاء😍بنت عمووو بيضه واطول مني بسانتي مترات عيونها بنيات وشعرها بني مواليدي يعني 2001 زيني ودخلت هندسة ديكور😍 وباقي الاشخاص تتعرفو عليهم معايا في الروايه.
للكاتبة:-👑So Ab👑
كنت نتفرج علي ال Tv معا ماما وسيرين وفرحانه لأن غدوا اول يوم ليا في الجامعة ونفكر كيف بيكون يومي كنت مقعمزه فجأة قمزت وجيت واقفه ادكرت حاجه مهمه في قمه الاهميه بنسبه ليا😱
ماما:تي خير بلاك😠
اني: حي يا ماما حي قاعد فازو النوتيلا يلي في دولاب المطبخ😱😭
ماما:لا مبكري شفت خوك اخداه
سيرين كانت شاده ريموت التلفزيون شافتلي:ربي اتبت علينا العقل والدين😒ورجعت تقلب في القنوات وتتفرج بكل برود😠
اني:حي وعلي شن بنفطر غدوا كان مفطرتش علي نوتيلا يومي حيكون اسود والله لما انوريه انهار امه اسود😡😤
ماما:شني انهار امه اسود احترمي نفسك
اني:عارفين النوتيلا شن بنسبه ليا وعارفين ان النوتيلا يلي في الدولاب ليا ولا😭💔
ماما: وانتي من امتا تحطي فيها في دولاب المطبخ ديما اتحطي فها في دارك اسكتي تره وفكيني من شرك😠
اني نبكي: باهي مفيش حد ايجيبلي 😥😭💔
سيرين:بابا اطلع عنده عشي وبروح موخر وخوك بايت معا صحابه في الشالي علي البحر بري ارقدي سلم اختي بري😒
اني: نرقد شن بنمشي لحوش عمي بلكي نلقا معتز ولا حد من الاولاد يجيبلي💔
سيرين سمعت اسم معتز كانت متكيه قعمزت :بتمشي توا😳
اني:توا ملا غدوا😏
اني:شن بتمشي معيا😏
سيرين:لالا وعلاش بنمشي غادى😳
أنت تقرأ
ڪلمة علـى غطاء نوتيلا(رويات ليبية)
ChickLitـــــــــــــــــ *ࢪوايـةة : ڪلمة علـى غطـاء نوتيـلا🍯🍫* *للكـاتبـ/ـةة : So Ab🍯🍫* *عـدد الحـلقـات : احدى عشـ¹¹ــࢪ🍯🍫*
