#كلمة_علي_غطاء_نوتيلا💖
تهبلو انتم وتفاعلكم 🙈🔥متصدقوش قداش نفرح امتا نلقا التفاعل هكي😍 لاكن كأن الحلقه4 نقص التفاعل شوي عن 3 💔لاكن لعيون الناس المتفاعله حنزل وعارفتهم بيقيمو القدر وبيوصلو 5 ل600 🔥واكتر تهبلوو بجد تهبلو❤ وحاولت نطول الحلقه💫 ومتنسوش اتابعو حسابي علي الانسته katebt_rewayatتابعوني عليه لأن نزل فيه حاجات تخص الروايه يلاااااا فانزااتي ولعوها🔥 لو وصلتوها ل600🔥 بسرعه حيكون في حلقه اضافيه اليوم بسرعه يلاااا 🔥❤😍
للكاتبة:-👑So Ab👑
حلقة(5).....
وامشيت اني والاء لي المطبخ
الاء:شن تاكلي شن انديرو
اني:عادي ايي شي
الاء طلعت فازو نوتيلا وتوست وعصير وشكاليط وفراوله
اني مخلوعه: تي شني هدا تعلفي في بقره ولاشن اني سادني النيوتلا والتوست
الاء:اني بناكل حره
اني: حييي عليك بتولي بطه في اسبوع
الاء:بطني اهم من اي شي
اني:😂😂😂
واكليت اني والاء لاكن مكليتش هلبا معنديش نيه
الاء:هيا هادي ماكلتك يحليلك
اني:شبعت وتوا نروح نتعشي
الاء:وين اليوم عشاك تلانا ديري حسابك بتباتي تلانا اليوم
اني:بصدمه الاء فوتيني مره اخري
الاء:والله مغير اليوم حلفت خلاص وعمتي سعاد خليها عليا
اني:اووووف منك
الاء:اس اس خلاص عش في نقاش توا بنتصل بعمتي سعاد
اني بستسلام عارفه نقاشها مستحيل
اني:باهي اتصلي
الاء خدت فونها واتصلت
الاء:الوو عمتي سعاد كيف حالك
ماما:الحمدلله بنيتي كيف حالك انتي والعيله
الاء:الحمدلله عمتي سعاد بنقولك خلي سهى تبات تلانا اليوم
ماما:والله يابنتي حاستها مريضه منبهاش اتزيد تمرض
الاء:هيا مش مريضه غير تبي تغيير جوو
اني ننخص في الاء
الاء فنصت فيا
الاء:بالهي عليك عمتي سعاد
ماما:مدام هكي باهي تمام
الاء:الله شكرا عمتي سعاد
الاء:ييييييي بتباتي تلانا
اني:باهي بنمشي للحوش انجيب توتي وحاجاتي
الاء بفرحه: باهي تمام
للكاتبة:-👑So Ab👑
اني مشيت للحوش درت شور علي السريع وحطيت لوشن جسم يلي نحبه والبست توتي حمره سروالها اكحل ضاغط وهيا طويله لي الركبه وفيها علامه adidas واخديت تليفوني وسمعاتي ولبسه النوم ومشيت طقطقت علي الباب فتحلي مالك
اني حطيت راسي لوطه وبدون مانكلمه دخلت وركبت لي الاء
مالك:اني غبي منفهمش قبل ضلمت البنت
اني سرعه نبضات قلبي مش طبيعيه ودخلت لي الاء واني داهشه
الاء:خيرك شن فيك
اني:شفت مالك
الاء:بنسألك سؤال متزعليش ومتعصبش
انتي اتحبي مالك
اني بعصبيه وشعور ملخبط وعيطت فها: الاااااء شن الكلام يلي اتقولي فيه اني الحماره يلي جاياتك خلاص بروح
الاء:خلاص خلاص اعتبريني مقلت شي
اني:نشوفلها وفي لحظه صمت بديت نبكي
الاء:لاياروحي مش قصدي نزعلك كان عارفه الكلام هدا بيبكيك راهو مقلتاش
اني:مسحت دموعي خلاص انسي وضربتها بالمخده
الاء:انتي يلي بديتي اتحملي مايجيك
وطحنا فها اني ويها ضرب بالمخاد وضحك لين طق الباب
الاء:ادخل
عمتي خيريه:دوم الضحك نسمع في صوت ضحكم لي لوطه
اني والاء:هههههههههه😂😂😂
عمتي خيريه:علي العموم شن تبو عشي
اني:علي راحتك
الاء بعياط: لااااااا وين بنطلبو من برا
عمتي خيريه:يعني منطيبش
الاء:ايي اتفقت اني ومالك بجيبلي
عمتي خيريه:خلاص علي راحتكم
الاء:خلي نمشي انكلم مالك سهى شن نطلبو
اني:انتي شوفي
الاء:بلا براده هيا قولي
اني:به اطلبي باقيت وبيتزا ومشروب
الاء:به تمام وبنزيد شاورما اني نحبها
اني:تمام
الاء:خلي نمشي
الاء مشت طقت علي الباب
مالك:ادخل
الاء: هيا نبوك تمشي اتجيب
مالك:باهي شن تبو
الاء:نبي باقيت وبيتزا ومشروب وشاورما
مالك:تبي ولا تبو
الاء وهيا تضحك: لالا نبو اني قلت شاورمه بس وسهى الباقيت والبيتزا والمشروب
مالك:خلاص بنجيب الباقيت والبيتزا والمشروب بس
الاء:حيي بهسرعه بعتني حرام عليك عارفني انحب الشاورما
مالك شدها من خدها: انبصر عليك هو نا نقدر انزعل اختي الصغرونه
الاء:ربي ما يحرمني منك ويحققلك يلي في بالي بالك
مالك:هههههه😂😂 انشاء الله
الاء:متعطلش جعانه
مالك:انشاء الله😂😂😂
اني:كنت مقعمزه نستني في الاء فتحت النت قعدت انهدرز علي شذى لين جت الاء
الاء:عطلت عليك
اني:لا خودي راحتك
الاء:تمام كلمته وامشي
اني:تمام
أنت تقرأ
ڪلمة علـى غطاء نوتيلا(رويات ليبية)
ChickLitـــــــــــــــــ *ࢪوايـةة : ڪلمة علـى غطـاء نوتيـلا🍯🍫* *للكـاتبـ/ـةة : So Ab🍯🍫* *عـدد الحـلقـات : احدى عشـ¹¹ــࢪ🍯🍫*
