#كلمة_علي_غطاء_نوتيلا💖
امس كنت بنزل حلقتين🔥 لاكن الضي هرب اكلنا عارفين الضي في ليبيا🔥 يعني مش غير اني وكان منزلتش عندي ضروف وقرايتي وامتحاناتي ديما التوقيت يلي انزل فيه في الليل لأن في الليل نكون كملت قرايه وبالي مرتاح باش نكتب🔥 وفانزاتي الحلوات😍 الامرات❤ نحبكم🙈 تهبلو بق لووف ليكم خاص💕 والناس يلي تقول هما شويت اشخاص يعلقو ويحطو في اكتر من تعليق باش يتفاعلو 🔥نحب نقوللكم اني بنزل علي خاطر هادم الاشخاص لأنهم مقدرين تعبي💔 الناس المتفاعله تاخد عيوني وربي نحبكم متابعيني😍 كل ما توصل حلقه ل 600 ليكم حلقه اضافيه هياااا الاحداث الجايه ناااار🔥 ولعوها🔥 ونبيكم تحطو اكتر من تعليق 😂😂😂 ايديكم 👏
للكاتبة:-👑So Ab👑
حلقة(7)....
وفي صباح جديد وشمس جديدة:-
اني نضت قبل الكل جاني نشاط الساعة 8 ودخلت غسلت وجهي وغيرت لبسه النوم ودخلت لي المطبخ قعدت اندور فتحت الثلاجة واخديت عصير برتقال وقمزت علي الطاولة فتحت نت قعدت نتصفح القيت تسنيم نشطه قلت خلي انكلمها صوت استاحشتها من الامتحانات
اتصلت اني:الووو حبي ليك وحشه
تسنيم:واني اكتر وحشه كبييره
اني:انلا مش اكتر مني هههههه
تسنيم:ميزعل حد الزوز زي بعض
اني:هههههه سلمهولي يلي مايبي يزعلني
تسنيم:شايفتني ولد قدامك
اني:مش هكي اني هكي اسلوبي يالحب
مالك نضت والدنيا هدوء اكل راقدين ادخلت الحمام حشاكم واني طالع نسمع في حد يتكلم في المطبخ واهني كانت الصدمه الكلام قاعد يتردد في وداني كانت تضحك واتقول: الوو حبي ليك وحشه. مش اكتر مني. سلمهولي يلي مايبي يزعلني. مش هكي اني هكي اسلوبي يالحب وقفت متسمر في مكاني ونسمع بعدين دخلت والغيره عاميه علي عيوني😡
اني:هيا بااااي حبي نتلاقو في اقرب وقت
تسنيم:باي حبيبتي نتلاقو
اني سكرت من تسنيم جي مالك
اني:صباح الخير
مالك:شدني من ايدي ايي خير في من كنتي اتكلمي
اني:حول وجعتني خيرك مالك
مالك:من هو الحب يلي كنتي تتكلمي معاه
اني:كنت انكلم في تسنيم صاحبتي
مالك:علي من تكذبي هاتي التليفون
اني هادي المره عارفه روحي مش غالطة وخليت روحي قويه وحتى المره يلي فاتت مش غالط غير مش عارفه شن صار في مشاعر اتحركت وقتها
اني:هاك التليفون وادكر رح تندم لانك شكيت فيا
مالك اخدي الهاتف واتصل علي اخر رقم رغم انه مكتوب علي الرقم تسنييمو لاكن قعد شاك اتصل وفتح المايك واني مربعه يديا وقايمه حاجبي وانشوفله😏
تسنيم:الوووو سهى الووو تسمعي فيا
اني خديت التليفون:اااالالا تسنيم غالطه بنتصل بحد تاني
تسنيم:به
مالك واقف يشوفلي كيف جاي بيتكلم
اني بعصبية:ولا كلمه معاش نبي مبريرات هادي المره التانيه اتشك فيا طفح الكيل اني بنت محترمه ومعنديش في الجو الفاضي
وبعدين من انتا يلي بتتحكم في حياتي
مالك:لأني اني اني ن....
اني:انتا شن قول
مالك قربع الكرسي وطلع
اني انخلعت وبعدين حسيت بروحي قسيت معاه وهو يقعد ولد عمي ويخاف عليا
اني:اووووووووف شن درتي ياسهى منين جاتك القوه اتقولي هكي وامشيت ارقيت لي الدار
أنت تقرأ
ڪلمة علـى غطاء نوتيلا(رويات ليبية)
ChickLitـــــــــــــــــ *ࢪوايـةة : ڪلمة علـى غطـاء نوتيـلا🍯🍫* *للكـاتبـ/ـةة : So Ab🍯🍫* *عـدد الحـلقـات : احدى عشـ¹¹ــࢪ🍯🍫*
