#كلمة_علي_غطاء_نوتيلا💖
يخيتي سلمهم🙈يلي يتفاعلو تهبلو امس مفتحتش نت جيت اليوم فتحت القيت التفاعل في 600🔥 متصدقوش الفرحه يلي نحس بها 😍نحس ان تعبي ممشاش هباء ومشي لناس تستاهل تقراه اسفه علي التأخير مش يأيدي ضروف والله هو اني نبدا متشوقه اكتر منكم باش انزللكم الحلقه😂 ونشوف تفاعلكم يلاااا حبايبي🔥 وصلتو التفاعل ل600🔥 متبخلوش ايديكم يلاااا🔥😍
للكاتبة:-👑So Ab👑
حلقة(4)....
مش عارفه وعلاش امتا طلق معتز حسيت بخوف وضغطت زياده عليه ويطربق في ايدي 😱
اني:ااااااااااااااه😫
مالك سمع عياطي تلفت بسرعه
اني:ايدي دم واني عندي فوبيا من الدم وطبعا امتا اطربق وداني اتسكرو وبعدها اغمي علي معاش ندري علي شي
مالك:جي دف معتز قتلك متعطيلهاش
مالك:سهى نوضى سهى ردي علياسهى
معتز:قيمها نرفعها المستشفى
مالك:حول من قدامي وقامني وقعمزني في الكرسي القدامى وركب وطول الطريق اينوض فيا واني مندري علي شي
مالك:سهى متخوفنيش عليك وزاد السرعه وطايرتله وصلنا المستشفى
معتز امشي بياخد مفتاح السيارة وبيلحقنا
ماما:معتز معتز مشفتش سهى
معتز:توا كانت البره قالت بتاخد تليفونها من الحوش وبتجي
سيرين شافتني واني عندى التليفون
سيرين:متأكد انها بتاخد تليفونها
معتز:اااا هكي قالت
سيرين شكت في حاجه
اني نضت:اااااه اني وين
الدكتوره:الحمدلله علي السلامة جاتك بسيطه
اني:شن صار
الدكتوره:طربق عليك زينه وخيطنالك 3بونطو
اني ادكرت وبديت نبكي
اني:باهي من جابني اهني
الدكتوره كانت صغيره وكلامها زينا
الدكتوره:شبوب طريف هكي وطلعت
اني:شفتلها بنظره😒
اني عرفته مالك
اني نبكي من حراره ايدي
علي دخله مالك
مالك قعمز جنبي
مالك:الحمدلله علي السلامة
اني:واني نبكي الله يسلمك
مالك امسح الدمعه بأيده: ماعاش تبكي منتحملش دموعك
اني:قعدت انشوف لي عيونه واول مره انحس بلأمان هكي
ودخل معتز:الحمدلله علي السلامة وسامحيني
اني:لا ولا يهمك انتا مدخلكش عادي متكبرهاش
مالك:هيا بروحو
اني:هيا
وركبت معا مالك واني طول الطريق ساكته ومتكيه راسي علي الكرسي ولاحظت مالك ايشوفلي وصلنا ومالك شد فرينو بلعاني باش انصحصح واني كنت مرخيه جيت متكيه عليه قعدنا انشوفو لي بعض
اني:وصلنا
مالك:ايي
اني:اااا شكراً😳
اني نزلت وكان اتشوفو ماما وسيرين شن دارو حاله وهو جرح بسيط وجينا بروحو المغرب كان مالك البره درت روحي مشفتاش وهو يشوفلي وروحت ورقدت ومشيت الجامعة زي اي يوم وفات شهرين دون اي شي ووصلت لي اخر يوم في الامتحانات
للكاتبة:-👑So Ab👑
اني:شذى تسنيم جاوبتو
شذى تسنيم:ميه ميه
شذى:هيا نمشو الكفتيريا
اني:هيا
وامشينا ويلاقينا نفس الولد عرفتوه هو قعد يكلم في شذى شذى فتاته وركبت واني وراها جيت بنمشي شدني من ايدي
الولد:اسمعي كلميهالي
علي جيت مالك ويشوفه شاد ايدي واني نحاول نطلق فها لاكن مالك فهم غلط
مالك:شن ادير انتا شن تسحاب روحك😡
مالك شد الولد ونزل فيه ضرب
اني:مش هكي يا مالك😱
مالك:سكري فمك عاجبك مهو😤
اني:نبكي وشادتني شذى😥
اني:يا مالك اسمع
مالك مباش يسمع وطلع طايرتله قريب قلب السيارة😡😠
اني نبكي:ياشذى شن بندير قوليلي علاش حظى هكي ديما 😥😢
شذى مأثر حست بذنب: ياسهى اهدي علاش هدا اكله
اني:مش رح تفهميني توا 😭😢😢هيا نبي اروح هو اخر يوم اخر يوم
شذى:هيا اركبي
وركبت وطول الطريق واني ساكته ونبكي مش عارفه وعلاش خفت من مالك مش عارفه علاش اني ضايقت مليون سؤال يدور في بالي 😥
شذى:يا روحي وصلنا
اني:ساكته وجيت بننزل
شذى:يا روحي ياقلبي انتي علاش مدايره في روحك هكي خيرك مكنتيش هكي وين سهى القويه
اني:اني بروحي مش عارفه نسأل في روحي مليون سؤال هيا حبي باي توا انكلمك بعدين
شذى:باي حبي ومتنسيش اتكلميني طمنيني عليك
اني:تمام
واني داخله لي الحوش شفت لي حوش عمي علي امل نشوف مالك ونفهمه ملقيت حد حتي سيارتة مهناش ودخلت لي الحوش
اني:السلام عليكم وهادي المره بدون لحن
سيرين:خيرك اتقولي فها بلا نيه
مرديتش علاها ومشيت لي الدار طول وسكرتها بالمفتاح عارفه سيرين بتلحقني
وسكرتها وغميت وجهي بالمخده وقعدت نبكي نبكي فرغت يلي في خاطري لين ايطق الباب
اني:منووو
سيرين:اني افتحي
اني:انبدل توا نفتح
سيرين:من بكرى اتبدلي خيرك انتي خيره صوتك هكي
اني بعياط وطايرتلي: سيرين بري فكيني من شرك توا اخطيني😠😤
سيرين:اللطف بسم الله العظيم ومشت
اني نضت بدلت حوايجي وصليت وفتحت القفل وقفلت التيليفون ورقدت معش ندري علي شي
أنت تقرأ
ڪلمة علـى غطاء نوتيلا(رويات ليبية)
ChickLitـــــــــــــــــ *ࢪوايـةة : ڪلمة علـى غطـاء نوتيـلا🍯🍫* *للكـاتبـ/ـةة : So Ab🍯🍫* *عـدد الحـلقـات : احدى عشـ¹¹ــࢪ🍯🍫*
