#دية_الصلح
.....................
البارت 1_____ 2
(( الجنة تحت اقدام الامهات ))
أمي .. لاكن ؟؟
القصة تتكلم عن بنت تضحي من اجل اخوانهه
تعمل وتربي وهي في سن صغير بسبب اهمال
وخيانه امهه وبعدها تذهب ضحيه العرف العشائري...
يعتصرني بقبضاته المميته اسيرته انا ..
لا احد يسمع صراخي الا هو لكن ..
ربما يأتي الامان من الاكثر الاماكن المخيفه
بالنسبه لنا
يأتينا الخوف من اكثر الاماكن الذي كنا نضنها امنه هكذا هي الحياة..
بين المنطق ولا منطق تولد قصتي ..!
((ومن هنا تبداء قصتي من هنا يخط القدر
ايامي وتدور كرة حياتي وتنساب بين
اروقة الاحداث سنيني ))
✍#مرج_البحر
مرحبا اني سولاف من محافظه بابل عمري ١٢ سنه صف خامس ابتدائي
بنيه حلوة بشرتي حنطاوية شعري طويل اسود
شفايفي كبار وردي عبالك مسوية فلر جسمي
مليان وطويله بس مو كلش عيوني سود
عائلتي ابويه عمره ٤٢ سنه
ماما عمرهه ٣٥ سنه
عندي اخ واحد صغير عمره سنه ونص اسمه كافل ابوية سمه
بهذا الاسم لان اجه بعد اربع بنات كال هذا هو الي راح يحمي اخواته ويتكفلهن من يكبر واذا اني يصير عليه شي واخواتي ٣ أيلاف اصغر مني بسنتين واخواتي التوائم
رفل ورهف صف اول ابتدائي بابا كان كلش فقير وحنون
ماما جانت معذبته ودائما تسوي مشاكل وياه
بابا جان يشتغل ب بغداد وجانت الاوضاع بهذاك الوقت مو زينه وابوية كان يشتغل في شركة لحوم بجميلة وحالتنه المادية زينه والحمدالله وجان ابوية ما مقصر ويانه ولا وي
ماما بس مااعرف ليش امي هيج تكرهه ابوية
المهم
لمن يرجع من الشغل كلش افرح واتونس بي
لأن ماما جانت قاسيه ويانه
بس وي كافل زينه
بابا يحبنا اكثر من كلشي وجانت ماما تقسي
علينا علمود تقهر بابا
مرت الايام صرت صف سادس ابتدائي
رجعت من الدوام لكيت بابا يحضر ملابسه علمود يرجع الشغله وهو صار يومين من راجع
لان ابويه يضل بشغله اسبوع واسبوع بالبيت
جان يحضر ملابسه وجان كلش عصبي وماما مو مهتمه لاي شي
شال الجنطه و بوسني اني واخواتي وراح للمطبخ علمود يسلم على ماما
سمعته يدعي على روحه يكول بالكي اموت
واخلص منج
كلش انقهرت بس مااكدر احجي شي
معاملة امي كلش جافه وياي
راح بابا والدمعه بطارف عينه
اني اتغديت وساعدت ماما بشغل البيت
كملنا دخلت قريت ونمت كلت بالليل اكمل واجباتي
كعدت الغروب دموعي تنزل لا ارادي شفت حلم مو زين وكلش خايفه
طبعا ماما مو بالبيت متعوده اذا بابا مو هنا هيه تاخذ كافل وتروح مانعرف وين
اندك الباب طلعت لكيت جماعه يسئلون هذا بيت حسين
كلت نعم عمو هذا بيت حسين واني بنته
الرجال : بنتي روحي صيحي احد من اهلج
سولاف : ماكو احد بس اني واخواتي
الرجال:بنتي لعد وين بيت جدج او عمج
سولاف : عمو مو هنا بيت جدو بغير منطقه
الرجال: ماشي بنتي نجي بغير وقت
سولاف : راح الرجال وجان مبين عليه مو طبيعي
جانو ويا شباب وشفت سلاح بالسياره
كلش خفت والحلم مراح من بالي ابد
اجت ابالي فكره كلت انطيهم رقم عمو حسن
جان يمي رقمه لأن من يروح بابا للشغل هو
يهتم بينا
ركضت وراهم لكيتهم يم باب جيرانه
كتله عمو
الرجال : ها بنتي
سولاف : عندي رقم عمو حسن اذا تريد اجيبه الك
الرجال : اي بنتي ركضي جيبي اني جاي وراج
سولاف : رجعت واسمع جيرانه يكول حرامات والله ابو سولاف ميستاهل
كمت ارجف رجعت بسرعه اخذت رقم عمو حسن ونطيته للرجال
الرجال : عفيه بنتي تسلمين يله بابا فوتي وسدي الباب
سولاف : تمام عمو
سديت الباب وبقيت واكفه سمعته يكول لعمو
حسن اخوك ابو سولاف انفجرت عليهم سيارة
مفخخه بغداد واتوافى
روحوا للمستشفى استلمو الجثه
يبوو حركت الدنيا بالعياط خواتي إيلاف و رفل ورهف سمعوا العياط وطلعو
والجيران تجمعوا خلال لحضات البيت صار
كوله بشر بس امي ماكو
صارت الدنيا ليل وشرفت امي
وماقصرت ملخت روحها بالعياط واللطم
شكد تمنيت اشوفه بس كالو متكدرين تشوفي
الانفجار مشوهه
حقدت على ماما حقد بكد الدنيا
بقيت حزينه على بابا وتمرضت وصلت الموت
بعد ما انتهى العزاء بيت عمي حسن بقو ويمنه
ماما رفضت كالت اريد اسوي عده ولازم ابقى
لوحدي
راحو بقينا بس احنا
والله ماما مبين عليها الفرحه
طلع كل العياط واللطم تمثيل
وجايتكم بالدليل على كلامي ..
.....................
#البارت2
سولاف:بعد وفاة بابا ٨ اشهر صارت تهتم بنفسها كلش
راحت سوت معامله وسوت راتب مال شهداء
وحولت الراتب بأسمها واخذت تعويض هم
وخلصت وقتها بس على المراكز التجميل
كل يوم تسوي شي جديد يوم شعرها ويوم قص معده وليزر
وهوايه رجعت بنت ١٤ على كولت المثل
وجابت ارقى جهاز موبايل فعلت نت للبيت
اني مجنت اعرف شنو السبب وليش تسوي هيج
بعدني ممفتحه الدنيا
مرت ايام ماما اجيبلي العصير للغرفه
واسمعها تعصب وتصيح بوجه أيلاف و رفل ورهف وتجبرهم يشربون العصير
اني كولش افرح من اجيبلي العصير بيني وبين
نفسي
ماما تحبني وكلش مهتمه بيه
مرت ايام ماما على هاي الحاله
وانتبهت لشي اني من اشربه العصير الصبح
اكعد كل جسمي يوجعني ومبيه حيل
اسوي شي اروح للمدرسه
المعلمه ترزلني لأن طول الوقت ابقى نحلانه ومرات اغفى
وانتبهت على ماما تلح وياي لازم اشرب العصير
استمرت على هاي الحاله ٦ اشهر وصرت صف
اول متوسط يعني صار عمري ١٥ سنة لان اجلت سنه واهلي اخروني سنه
صار عندي وعي طبعا بفضل بنت جيرانه
هيه دائما تحجيلي عن كلشي ومنها تعلمت يخص المرأه والرجال عرفت ماما عدها شي
وقررت اتاكد
احنا متعودين بعد الساعة ٨ تشربنا العصير
ومنعرف شلون نمنا ابد
خواتي رسبو اثلاثتهم برغم جانو متميزات
والمديره جانت تطلب مني اعتني بيهم
بس معندي وقت صرت متوسطة ويادوب
الحك المواد قررت اليوم مااشربه للعصير
تعشيت ودخلت للغرفه ادرس وبعد شوية
اجتي ماما وكالت سولاف
سولاف:نعم ماما
ام سولاف: هذا العصير شربي علمود تركزين بدراستج
سولاف: اوك ماما بس اكمل هاي المسأله واشربه
ام سولاف: عفيه بالشطوره
سولاف: ابتسمت الها وسويت روحي منتبهه على دروسي
لمن طلعت باوعت بالعصير بي فد شي ابيض
مثل الطحين
كمت شمرت العصير من الشباك ورجعته للمطبخ
ام سولاف: ها بنتي شربتي كوله
سولاف: اي ماما شكراً
ام سولاف: اي بنتي هذا بالجزر والبرتقال يقوي نظرج وجهاز المناعه
سولاف : يسلموا ماما
دخلت للغرفه وجنت مقرره ماانام بقيت انتظر
صارت الساعه ٩ ونص حسيت
اجتي ماما للغرفه ركضت للفراش وسويت روحي نايمه
جابت رهف لفراشها وبعد شويه جابت رفل
وأيلاف نايمه يمي بس اخواتي التوائم ينامن يمهه بس هسه جابتهم بغرفتي اني واختي أيلاف
وطفت الضوء وسدت الباب وطلعت
ظليت انتظر سمعتها تحجي بالتليفون بس
مافهمت شي لأن صوتها بعيد
كمت صرت وره الباب ومالحكت اسمع شي
صار عندي اثبات انو ماما
شغلتها مو راحه رجعت لفراشي وجسمي كوله
يرجف صعبه تقترب من الحقيقه ومن اقرب الناس الك دعيت من ربي يكون هذا مجرد حلم ام اني اطلع على غلط
صارت الساعة ١ ونص سمعت صوت باب المطبخ
انفتح كمت على كيفي وانصدمت صدمة عمري
يتبع ٠٠٠٠٠
