#ديه_الصلح
٠٠٠٠٠٠٠٠٠٠٠٠٠٠٠٠٠٠
البارت الاخييير
*أجمل النظرات هي تلك النظرات العاشقه
التي تلتقي بعد طول فراق نظرات تصعب
تفسيرها على كم المشاعر التي تحمله بين
اجفانها وكم الحب بين امتداد مسافاتها
✍#مرج_البحر
وتلاكت العيون شفت الي عفته من سنين الي رفضته وراح
عبالي بعد مااشوفه بس القدر كان اله راي ثاني
واجه الوقت الي صار كدامي ضليت متجمده
بمكاني هو صافن عليه وما تحرك ولا شويه
واكفين واحد صافن على الثاني الي فززني من صفنتي هو دخول سند وهو يبجي
ويصيح ماما واشويه دخلو سوسو وفهد اجه عليه سند سامر حسيته انصدم صدمه فوك صدمته وهو عين عليه وعين على سند وهو يكول ماما وفهد وسوسو راحو على سامر هم
كانو يكولون بابا سند ضربني صارت هوسه اجه عامر اخذ سوسو وفهد وأيلاف اجت على سند شالته وطلعوا اخذوهم الحديقه يسكتوهم اجيت اني سلمت على سامر واي عيني بعينه
كعدت وضلت اخته تسالي واني مااعرف شنو اجاوب بعدني بتأثير الصدمه شنو من صدفه بعد هاي السين اشوفه ولا مو اي شي هو حما
اختي وهيه الي راح تربي اطفال الرجل الي حبيته في يوم م الايام ربي بيهه لك اراده
اجه كافل وجاب العشه ورحت حضرت واجت وياي ايلاف تحجي وياي مااعرف شنو اجاوب وشنو اكول خلصنه العشه والجاي وهل عامر ترخصو وطلعوا ..
(خلينه نرجع ال سامر من بعد هاي الغيبه)
سامر : اني بعد ما صفيت اموري واخذت امي
ورجعت النجف رجعنه البيتنه واجوي خوالي الي قطعت علاقتي بيهم وتصالحت وياهم الخاطر امي مو الغير شي وخالي الي جنت متزوج بنته وطلكتهه فتح موضوع وكال خالي
هاي انتو رجعتوا وتصالحنه ليش مانحل كل الخلافات ورجع مريتك وخلي ينتهي كلشي
واعتبر بنتي خدامه الك والامك واخوك واي شي تسوي بعد بس تعال كلي اني اربيهه لك من جديد بس انهوا هاي الخلافات الصراحه
خجلت من خالي وارفض كدام خوالي وخالاتي
مهما يكون هو الجبير بقيت ساكت كال خالي
لا تردلي جواب هسه فكر على راحتك وردلي خبر راح خالي وامي كالت يمه الله يرضه عليك وليدي رجع بنت خالك عيب وهيه خلطت وهاي صار كم سنه انته عايفهه اكيد هيه هسه عرفت خلطهه وصارت زينه ف الخاطري يايمه رجعهه كتلهه ماشي يمه خليهه الوقتهه والله كريم مرن كم يوم وهم اجوي خوالي البقيه وحجو بنفس الموضوع بعد نجبرت اوافق كلت عيب وافقت وانطيت خبر الخالي وهمه ما صدكوا سوهه بسرعه بسرعه
و بيومين رجعت وعقدت عليه ورجعت من غير كلشي اني هم كلت يجوز استعدلت بس
نفس الشي صار ١٠ ايام على رجعتنه أمي
ماتت امي ولتهيت بالفاتحه بقيت بس اني واخويه وهاي الي انحسبت عليه مره بس المشاكل
وكل يومين وثاني مشكله بزعتني حتى رجعتهه الابوهه كتلهه ورجعه ثاني يوم
اخذتلهه كم يوم رجعت نفس الشي
واني رجال يحتاج المره وكنت اتقربلهه
بس هيه احسهه مجبوره عليه واني كنت اسكت الخاطر خالي صار عدهه حمل وكم
مره رادت تسقطهم تكلي مااريد اطفال منك
هم دزيت على ابوهه اخذهه مااعرف شنو حجه وياهه ورجعت نكول مشت عدل جابت
توم الولد سميته فهد والابنيه سميتهه على
بنت كلبي سولاف هيه بعد ما جابت ولدي
هم رجعت على مشاكلهه خلتني ابزع من الدنيا
خلتني اشتهي الموت مشت الايام وصارت معارك الموصل وكل مره اصدقائي ما يخلوني
اروح يكلولي عندك اطفال واخوك منو الهم وبس انت معين الهم اخر شي تعاركت وياهه
وطلعت رحت على دوامي كانو جماعتي
يريدون يرحون الموصل كتلهم اروح وياكم انتضروني كالوا وين كتلهم حرف واحد مااريد
كمت اصيح عليهم من شافوني عصبي فد مره
سكتوا طلعنه الموصل ودخلنه معركه وكل هجوم يصير اني اتقدم اول واحد لحد ما صار
انفجار علينه وبعد ماادري بنفسي
