𝒷𝓁𝑜𝑜𝒹 𝑜𝓃 𝓉𝒽𝑒 𝓂𝓎𝓈𝓉𝑒𝓇𝓎౨ৎ [Unicode & Zawgyi]

ဇာတ်လမ်းအစ౨ৎ [Unicode]

Hogwarts ဆိုသည့် စာတန်းပါသည့် ကျောင်းကားသည် ကောင်းကင်ပေါ်က မှော်ဆန်စွာ ပျံသန်းလျက် တစ်နေရာတွင် မြေပြင်ပေါ်သို့ ဆင်းသက်ပြီး ဆိုက်ရောက်ချေပြီ။ ကျောင်းကားမောင်းသူ မျက်နှာက ခပ်မာမာ၊ ကားဆိုက်ရောက်ပြီ ဟူသော အသံနှင့် ကားတံခါးများ ပွင့်လာလေသည်။

ခေတ်မီလာတာနဲ့အမျှ မှော်လောက‌တွင်လည်း မက်ဂယ်လောက,က ပစ္စည်းအချို့ကို အသုံးပြုနေလေပြီ။ သို့သော်လည်း အချို့ သွေးသန့်များက မက်ဂယ်တွေကို အပြစ်မြင်စမြဲ။

ကျောင်းသားများက ကားပေါ်က ဆင်း၍ သူတို့၏ Luggage များကို ယူနေကြလေပြီ။ ကားပေါ်က မဆင်းသေးသူက Theodore Nott, Jezebel Bird နှင့် Mira Morana၊ သူတို့အဖွဲ့ကို လူအများစုက Death Trio လို့ တင်စားကြပြီး တကယ်လည်း နာမည်နှင့် လိုက်ကြပေသည်။သုံးယောက်လုံးက နာမည်ကျော်ကြားပြီး ဉာဏ်ရည်ထက်မြက်ကြတာကြောင့် ရောနှောချင်သည့်သူတွေက တောင်လိုပုံနေလေသည်။ သုံးယောက်လုံးက ‌စလေသရင်းကပဲ ဖြစ်ပြီး ယုတ်စွအဆုံး စလေသရင်း မင်းသား ဒရေဂိုမက်ဖွိုင်းနှင့် သူ၏ အဖွဲ့ကိုတောင် ‌ေ×ာက်ဂရုမစိုက်ကြသည့် သူများဖြစ်လေသည်။

Mira Morana

နဂိုထဲက ချောမောလှပသည့် မျက်နှာကို ပိုင်ဆိုင်ထားသည်။ နက်မှောင်သော ဆံနွယ်များ နှင့် သေးသွယ်သည့် ခန္ဓာကိုယ်ကို ပိုင်ဆိုင်ထားသည်။ လှပသော မျက်၀န်းတစုံကို ပိုင်ဆိုင်ထားသော်လည်း အမြဲတမ်း မှေးစင်းနေလျက်ရှိသည်။ မိုရာနာ မိသားစု၏ အငယ်ဆုံး သမီး၊ အေးတိအေးစက် နိုင်သည်။ အရှုပ်အရှင်း ကင်းသည်။

Theodore Nott

အမြဲတမ်း အိပ်ငိုက်နေသယောင်ရှိသော မျက်၀န်းများက ဆွဲဆောင်မှု အပြည့်ရှိသည်။ မှဲ့များစွာ ရှိသည့် ပြေပြစ်သော မျက်နှာက ယောင်္ကျားဆန်မှု အပြည့်ပင်။ ရုပ်ချောသည်၊ ချမ်းသာသည်၊ စာတော်သည်၊ နာမည်ကျော် စလေသရင်းထဲက တယောက်ပင်။ သို့သော်လည်းပဲ သူငယ်ချင်း အနည်းငယ်မှ လွဲ၍ အကုန်လံုးကို အေးတိအေးစက် ဆက်ဆံသည်။ နော့ဒ် မိသားစု၏ တဦး‌တည်းသောသား၊ နော့ဒ်မိသားစု၏ အမွေဆက်ခံသူ၊ သူ ချစ်ရတဲ့သူတွေကို ထိလျှင် တခြားတဖက်က သတ်ပေးဖို့ တောင်းပန်တဲ့အထိ နှိပ်ဆက်ပေလိမ့်မည်။