دموع الغافلين

بارت٦

صارت ساعة ١٢وهنا علي اتصل علي

مرجانة:هلا علي
علي:هلا بيج يلا اني بلباب طلعي فتحي
سديتة ونزلت اتسحب ورجليني مااسيطر عليهم هلگد مااارجف وميتتة خوف من امي خاف تلزمني فتحت الباب علكيف وطلعت للبستان افتح الباب الچبيرحتى ادخل علي ورحت والدينا بااااااردة تگص گص متت برد بس طلعت اركض وصلت الباب فتحتة وطلعت راسي واشوف علي يروح ويرجع ولابس فانيلة مارونية ولابس الكبوس مال الفانيلة ومطلع نص شعرة الاشگرر ويتنفس ويطلع دخان من حلگة مال البررد ومن شفتة احس گلبي ظل يدگ اسرع واسرع طلعت الفون حتى اتصل علية يجي اديني يرجفن مامصدگة واخيرا علي گبال عيني نسيت اهلي ونسيت نفسي البالي علي يجيني وبس أتصلت كتلة تعال وشافني واجة بس اخخخ من اجة دخل
علي:سلام عليكم
مرجانة:وعليكم السلام
ارتچة علا الحايط واني واگفة يمة واديني بس يرجفننن بس واگفين وساكتين وهوة هم يرجف لزم ايدي ايدة ترجف وايدي هم ترجف بحيث ثنيناتنة
علي:هذا رجيف برد لو خوف
مرجانة:ثنيناتهن
علي:تدرين بلواقع احلامن الصورة انتي
مرجانة :هههه انتا احلى
لزم خدي بأيدة بس ايدة ثلج بحيث حتى شفايفي يرجفن من البرد والخوف
علي:مرجان اني احبچ
واخذني بحضنة حضني حيلللل
علي:يلا اني لازم اروح لحد يطلع واسببلج مشكلة
مرجان:موبعد وقت توك اجيت
علي:صار نص ساعة بس لان خايفين ماحسينة بلوقت
مرجانة:براحتك
علي:باسني بخدي وترخص
سديت الباب ورجعت فرحانة ميتة من الفرح واحس الدنيا بدت تضحكلي عجبني الوضع دخلت جبت السماعات وجبت الكوت مالي وطلعت فتحت شعري ولبست السماعات حطيت اغنية (بعيد عنك المغنية شيماء الشايب)وصرت اروح وارجع بلبستان واحلا يوم چان للساعة ٣دخلت قفلت ألباب علا كيف ورحت انام اكيد مو بسرعة انام

الصبح رحت للدوام وكلعادة الروتين نفسة
كرار يراسلني ويتصل ويجيني
وعلي يجي لبيتنة من يروح ابوي للدوام ولحد الان محد حس ولحد لزمنة
لاعلي يدري بكرار خطيبي
ولاكرار يدري بعلي حبيبي
واني محتارة بين خطيبي وبين حبيبي
مرة اگول كرار من نتزوج ورة الزواج يجي الحب
ومرة اگول لا اخذ الشخص الاحبة اعيش براحة
وحااايرة والله لايحير عبدة
فنفضت افكاري ودخلت اسبح
كملت وگفت علا المراية امشط واتأمل تفاصيل وجهي
فگلت (اللهم جمل اخلاقي كما جملت خُلقي)
زين ليش اني مستخدمة جمالي غلط ليش مستخدمتة حتى اجذب الشخص الاريدة يعني اني هيج وصلت لهاي المرحلة انو اكبر واحد اجيبة الي بشكلي لو كان ثگيل فد مرة لوكان صاحب منصب وميطخ راس لاحد اني اخلي يجيني بدون تعبت مجرد انو اباوعلة واحط عيني بعينة يجيني علا شكلي هنا عرفت اني الدااسوي غلط او بلاحرى هنا يلا وعيت علا الجاي اسوي زين شلون؟
اثناء تفكيري ومخططاتي اتصل علي من شفت اسمة علا شاشة الفون نسيت الي داافكر بي بصورة سريعة تفرمت عقلي
مرجان:هلا حبيبي
علي:يروحي شلونج
مرجانة:تمام والله
علي:مشتاقتلج
مرجانة :اني اكثر والله
علي:وين ابوچ
مرجانة:اليوم راح للدوام
علي:تمام اني اليوم اجي محتاجة شي اجيبلج
مرجانة :سلامتك بس محتاجتك
علي:تمام رح اروح للدوام اني
مرجانة:الله وياك
فصلت الخط اباوع لنفسي مرسومة الابتسامة علا شفتي
وحلفت انو مدام هوة الشخص الي يخليني اضحك بمكالمة من عندة هلشخص مااخسرة ابد لان راحتي ويا
(التنااااقض يقرة الفف عندي)
نزلت اتغدة واساعد ماما بتحضير الغدة
اماني:شلونة كرار
مرجانة:يعني شلونة يتغير قابل هوة يجي يريد بس بوس ومص وهاي السوالف احسة ماعندة مسؤولية
اماني:اكلج چا اذا ماتردينة لاتكملين ويا خل يجي ابوج وحاچي
مرجانة:يعني تتوقعين ابوي عادي عندة
اماني:چا شلون تضلين ويا لمن ماتنكسرين يلا تعوفينة مدام عرفتي من البداية لاتاخذينة وتتندمين وتسوين سوايتي
مرجانة:انشالله خل يجي ابوي والله كريم احاچي
تغدينة نضفت البيت درست شوي لان عندي امتحان رياضيات باچر لزمت الفون راسلني كرار نفس كل يوم يسأل عن احوالي ونتعارك علا موضوع تافه علمود يجي يراضيني عود
من غلقت الفون عيني رفتت اليمنة بس ماهتميت
نمت وكعدت ساعة ٦المغرب صليت وندعيت الله يسترني
سوينة عشة اسولف ويا امي اتمازح وياهة للساعة ٩اجن عماتي هم سويتلهن چاي ونسولف ونضحك
بل١١راحن امي دخلت لغرفتها حتى تنام خواني كلمن طب لغرفتة واني كذالك بدلت حطيت روج تعطرت ب١٢الا ربع طلعت انتضر علي ب١٢طب هوة رحتلة حضنتة قوي وهوة هم وخرت بس ظليت واكفة مقابيلة وايدة هوة محاوطة خصري واني اتمقلج علية شوي اشوفة بلل شفتة بلسانة ولزم وجهي وباسني بس انة اذا يوخر ايدة اطيح وايدة الثانية يمشيهة علا شعري اني بادلتة ووخرت بس ستحيت منة ماحطيت عيني بعينة
كعدنة بلارض وهوة حط راسي علا كتفة وحضني ويسولف وياي
واحنا گاعدين دخل ابن عمي من الباب الرئيسي سرعان ما علي صف نفسة ويا الحايط وضمني بحضنة وايدة علا حلگي خلاها من هول الصدمة گلبي ضل يضررررب بسرعة قسوة وخفت حيل خفت لوماعلي صفنة ويا الحايط لا رحنا بيهة لان كلش مقابيل الباب احنا واليدخل يشوفنة
فعلي گال خل اروح اخخخ ولو ادري مامخليتة يروح
سلم علي وفك الباب يريد يطلع والا...
يتبع