دموع الغافلين

بارت ٨

نزلت
مرجان:ماما فدوة شصاير؟؟؟
أماني:عمج توفى
مرجان:عقلي وگف يعني ماعرف شنو اسوي نزلت اباوع لعماتي گطعن ارواحهننن وامي واجة ابوي اخخخ ابوي كسررر گلبيييي اول مرة اشوفة ضعيف هذا المغرور المتعالي المتسلط على اخو يبچي
صرت اتذكر شقا وياي وسوالفة الحلوة والايام الحلوة الي عشناها ويا رحت لجدي اخخخ ياجدي كاعد جوة السدرة ويبچي ويحرك باديناتة ويصفك بيهن يعني خلص راح من ايدة رحت لجدي حطيت راسي بحضنة وضليت ابچي حيلللل وهوة يگلي اي بابا ابچي الراح مو شوية الراح عزيز ابني الچبير فرحتي الاولى وشوي دخل ابنة الصغير يصرخ مثل الحرمة وصارو يجونة النسوان والزلم وبيتنا كثرو بي النااااس وحق القران اول مرة اشوف فاتحة صحتني امي من افكاري وگالت گومي غيري ملابسج ولبسي اسود !!!
گمت وغيرت ملابسي واندعي انو عمي عايش ممصدكة اصلاً بعدة صغير بين ساعات من الالم والوجع والا بلبستان صوت صريخخ بناتة وعماتي وبيبيتي رحت اشوف شنو الموضوع والا اشوف تابوت وعمي متمدد بيهة وابوي واكف واولاد عمي المتوفي هنا صدكت خلص راح من ادينا الغالي وصرت اصرخخخ ححيللل علية وشالو وراح الغالي ....
بعد مرور ٣ايام خلصت الفاتحة وشالو الچادر ورجع ابوي وعمامي مكسورين الضهر متأذين على فراگ اخوهم الچبير الي اصلاً صارلهم بمثابة والد
رجعت لامتحاناتي واقرة لكن بدون واهس اقرة كفيان شر امتحنت والحمدالله نجحت بمعدل ٦٥ ورة وفاة عمي بشهرين
وبعدنا لحد الان ممتخطين الصدمة الاولى والا ننصدم بوفاة جدي ونعادت نفس المعاناة لكن اني هنا الي تأذيت جدي موبس احبة اعتبرة روووححي من الدنيا حرفياً هوة دلالي مدللني ومايخلي احد يتقربلي ويعارك عليا ويحبني واحبة ودائماً من يشوفني اغسل مواعين او انضف البيت او اصبلة چاي يسميني هبة ريح وهنا نهدم البيت لان جدي چان عمود البيت حرفياً بيت جدي صار بيت حزيننن وكلها ضايجة وهدوء ومحد يسولف وكلمن ملتهي بأذيتة اطلع للبستان بس صوت النخل والهوا بيتنا ابوي مشغل لطميات ويصفن امي ضايجة على جدي لان تموت علية اصلاً تكولة بوية وهوة هم كلش يحبها لان تصبلة جاي وتسولف ويا اتذكر يكوللهة انتي وحدة من بناتي حالتي النفسية صفررر لااحد يضحك لايسولف ولايخلينا ابوي نشغل تلفزيون
بعد مرور٢شهر
.....