7
في بيت ام فهد
ندخل عند فهد الي كان على جواله يراسل العيال في مجموعة
فهد: يا شباب اليوم بتخرجو مكان؟
رد عليه فواز بعد دقيقتين
فواز: مدري والله بس ودنا بطلعة ياعيال
عبدالله: نطلع البر؟
فهد بامتعاض: احس كثير نروح للبر
فواز: بس يا انه يعطي اجواء مع شاي الكرك اخخ بس
عبدالله: اذا بتروحون قولو لي يلا
فهد: اشبك انت طيب هدي علينا مادري ياخي
نواف: ازعجتونا ياعرب
فهد: اصص اخر من يتكلم
نواف: مب انت الي تسكتني
محمد: لا ياعيال وبعدين معكم
نواف: محمد تخاويني
محمد: وين؟
فهد: فين تبي تروح والله رجلي على رجلكم نروح كلنا مع بعض
نواف: لسقة انت؟
فهد: ايوه لسقة ايش بتسوي يعني؟
محمد: خلاص ياعيال
فواز: وجع اسكتو المهم يلا فكرو
خالد: حاصل حدث مهم هنا؟
فهد: خللودي نورتت تعال ياحبيبي
خالد: خير ليش تتكلم كذا
فهد: واشبك علي وحشتني ترا ابي اطلع طلعني
خالد: نطلع مع بعض غيرها لا
فهد: والله انكم كلاب
نواف: حدك ترا
فواز: لقيت شاليه جامد ياعيال
خالد: وين؟
فواز: لقيته بلانستا المهم بوريك وشوفو لو تبون تحجزونه او لا
بعد ماخلصو محادثة نزل فهد من السرير يطلع برا وكان امه وابوه جالسين بل صالة تقدم لهم يحب روسهم وتكلم بجد
فهد: اسيل متى ترجع انشاء الله؟
شروق«ام فهد»: ليه؟ باستغراب
فهد: وش ليه يمه ماعندنا بنت تجلس خارج البيت!
شروق بدهشة: ليش هو بكيفك وانا مدري؟
فهد: يا نور عيني لاكن معها مصروف؟ عندها حجياتها بعدين عيال خالتي هناك عيب والله
شروق: اقول فهد اكسر الشر وماعليك من اختك اذا ولي امرها موافقين انت وش عليك؟
فهد: والله يايمه لو طلعت مكان وماقالت لنا
شروق بعصبية: وليش تشك باختك انت؟
فهد: لا والله يايمه بس قلت كذا
