8
ابو فهد بعد ماسمع نقاشهم والي كله عن اسيل
عبد العزيز«ابو فهد»: والله ياولدي البنت ماهي عند ناس غريبة ورح ينتبهو لها زين
فهد: عارف والله يا يبه بس مادري
عبد العزيز: خلها ترتاح اذا قالت بترجع بتكلمك لا تزودها
فهد بعد ما قام تكلم: تمام انا طالع تآمرون على شي؟
عبد العزيز: ماعليك امر
شروق: انتبه لنفسك والله معك
فهد: انشاء الله يلا مع السلامة
وخرج بسرعة يروح ل بيت جده
اسيل ونورة الي انتهو من المطبخ وطرحو الاكل يحطونه على السفرة حقتهم وماكانت دقايق الا وتروح نوررة تنادي اخوها بلمجلس
نورة باستعجال: محمممد!
محمد باستغراب: وراك الشرطة انتي؟
نورة: لا يالحبيب بس تعال المطبخ انت وعبدالله شيلو الاكل حقكم
محمد: طيب شوي على مايجي فهد
نورة الي قلبها فز من سمعت اسمه: فهد؟!
محمد: ايه بيجي بعد شوي حطي اكلنا على جنب خمس دقايق ونجي ناخذه تمام؟
نورة: ايه تمام
محمد: وبعد لاتنسين يوم تطلعين مره ثانية البسي جلالس عشان لو كان في عيال
نورة بطرف عين: ايه تبشر يا اخوي تبي شي ثاني؟
محمد: لا سلامتس يالله
bov اسيل
دخلت المطبخ ومالقت نورة استغربت وراحت تشوف اذا هي باقي مارجعت من عند العيال وفعلا لقتها هناك راجعة
اسيل: ماكنك طولتي انتي؟
نورة: محمد كان يقولي ان اخوس جاي وبيفطر معهم
اسيل: فهد؟
نورة: منهو غيره؟
اسيل: ايه تمام اجل تعالي نفطر بسرعة جدتي تدور عليك
نورة: يلا اجل
