စောရီဟာလည်း အချိန်အတော်ကြာတဲ့အထိမာရနပုံမပြောင်းသွားမှ
ရင်ထဲကအလုံးကြီးကျသွားပြီး ခပ်ဟဟရယ်လိုက်သည်
"ဘယ်လိုလဲ မြို့သခင်အသင်လိုချင်တဲ့အဖြေရရဲ့လား...."
စောရာမရဲ့မျက်နှာကလွန်စွာပျက်ယွင်းသွားပြီး
လက်သီးခပ်တင်းတင်းဆုပ်လိုက်သည်
မြို့သခင်ရဲ့ကမ္ဘာပျက်ပုံကိုကြည့်ရတာ အရသာရှိလွန်းတာကြောင့်
စောရီစိတ်ကျေနပ်မိသည်
"မြို့သခင် စောနကပြောထားတဲ့စကားကိုရောမှတ်မိပါရဲ့..."
"သေချာပေါက်ကျွန်ုပ်ဘယ်မေ့ပါ့မလဲ"
"ကောင်းတယ် မြို့သခင်ကကိုယ့်စကားကိုယ်တည်သားဘဲ
ရင်မြပင်လယ်ရေအင်တုံနဲ့ခပ်လာခဲ့..."
ရင်မြကသိပ်မကြာခင် ပင်လယ်ရေအပြည့်ထည့်ထားတဲ့အင်တုံကိုယူဆောင်လာခဲ့သည်
"သခင်ငယ် ရပါပြီ"
"အင်း အဲ့ရေနဲ့မြို့သခင်ကိုလောင်းလိုက်.."
"ဒါက..."
ရင်မြတုန့်ဆိုင်းနေမိသည်
မြို့သခင်ကအာဏာရှိအသိုင်းအဝိုင်းကလေ သူလက်လွတ်စပယ် မထိရဲဘူး
"ဘာလုပ်နေတာလဲ! အခုမလောင်းသေးဘူးလား"
နီးရာဓါးကြောက်ရဆိုတဲ့စကားပုံအတိုင်း အခုသူမသခင်ကိုပိုကြောက်ရသည့်အတွက်
မြို့သခင်အားယူဆောင်လာသည့် ရေနှင့်လောင်းလိုက်သည်
အေးစိမ်နေသည့်ပင်လယ်ရေက ခန္ဓာကိုယ်တစ်လျှောက် စီးဆင်းသွားပြီးသည့်အခါ
စောရာမဒေါသတကြီးဖြင့်ဆတ်ကနဲလှည့်ထွက်လိုက်သည်
ဒီနေ့အရှက်ကွဲခဲ့ရတာအတွက်အသင်ပြန်ပေးဆပ်ရလိမ့်မယ်စောရီ.....
"အသင်နဲ့သူက ရန်ငြိုးရှိသလား..."
တစ်ဖက်လူဒေါသထွက်သွားတာကိုပြုံးနေသည့် ကျေးဇူးရှင်ကြောင့်
မာရနထုတ်မေးလိုက်သည်
"ဆိုပါတော့ သူနဲ့ကျွန်ုပ်ကြားမှာ ဖြေရှင်းမရတဲ့အငြိုးတွေရှိတယ်...
ဒါနဲ့ အသင့်နာမည်ကို ကျွန်ုပ်မသိရသေးဘူးနော်..."
"ကျွန်ုပ်နာမည်ကမာရနပါ
လားရာအရပ်က...."
"အသင်မပြောချင်တဲ့အကြောင်းကို ပြောပြစရာမလိုပါဘူး"
တစ်ဖက်လူမပြောချင်တဲ့အရာကိုအတင်းမသိလိုတာကြောင့်စောရီကြိုပိတ်ပေးလိုက်သည်
ထိုအခါမှမာရနကစိတ်သက်သာရာရသွားပုံပေါ်သည်
YOU ARE READING
🌊အဏ္ဏဝါချစ်သူ🌊
Romansဤဇာတ်လမ်းသည် အဏ္ဏဝါချစ်ပုံပြင်ဇာတ်လမ်းတွဲကိုကျောရိုးယူရေးသားထားခြင်းဖြစ်သည်
