كاتمشى مع صحاباتها وصاكها فيديها خارجين من القراية،لابسة طابلية بيضة جيلي على حوايجها ديال الليسي،شافت فالبنات صحاباتها وتكلمات بحيرة: ماعرفت واش ناخذ طاكسي ولا نكمل غير على رجلي؟!
أجابت أحد صحاباتها: خوذي طاكسي حسن ليك باش توصلي ذغيا..الطنطونة ليوم خذامة فالدنيا!
صديقة أخرى مأيدة لرأي الأولى: آه الشمس ليوم حارة خوذي طاكسي حسن ليك..
دلات شفاهها بتفكير:أمم عندكم الحق واخة كنت باغا نشيط الصرف..ساع بلاش ماقاداش نضربها كعاطية حتى للدار..!
بقاو غاديين معاها ب بيكالاتهم بشوية حتى تلقا شي طاكسي فالطريق بحكم بيكالتها اليوم عنظها فيها شي موشكيل وخلاتها عند الميكانسيان..!
بعد دقائق وهوما يتلفتو وراهم وقدامهم وشي طاكسي مابانت،على مدة عاد شاوفو وحدة جاية من القدام..
...:ها وحدة جاية..شديها!
شافت فيها وقصقات عينيها:ياك ماعامرة؟
...:لا لا بانت ليا خاوية
غادة وكاتقرب ليهم وكاتوضاخ،نطقات الصديقة الأخرى: باان ليا ياختي مولاها فحالا تيتيز.. شيريي شيريي ليهاا!!
هزات يديها كاتلوح ليه جنّْب عند الطريق و وقف ليها،ودعات صحاباتها بزربة ومشات كاتجري ركبات اللور وهو تحرك،غير تقادات فكلستها هزات فيه العين وتم بقات معلقة واحد الكاريزما عاطية منو ورجولة قوية بدوك الشوفات الحادة والحواجب المقرونة تعابيره جدية و هادئة،ب ببشرة خمرية متسللاها لحية كثيفة على ذقنه كله، ملامحه حادة متناسقة على وجهه،شعر رأسه خفيف ناقصو من الجناب، تعابيره عادية مركز مع الطريق بديك الطريقة الفحلة مسند بذراعو على الشرجم لي حال وكايسوق بواحد اليد بتركيز مع الطريق،وسيم بشكل عجبها ولي زاد تغلل فأعماقها ديك الرجولة والفحولة لي كاتنبع منه، بقات ساهية فيه لبرهة وهي كاتستنشق فداك العطر لي مع ذخلات تغلغل في جيوبها الأنفية، عيونها مانزلوش عليه باقا كاترمش فيه بهدوء واعجاب واضح على تعابيرها ماحساتش براسها ايمتى سهات فيه، تنهدات تنهيدة بعد ماعاقت على راسها عجبها بزااف و راق ليها هذا هو ذوقها فالرجال و المهايير لي حاطة فراسها..
...:فين انشاء؟الله آختي؟!
خرجها من شرودها للمرة الثانية كأنو متعمد للمرة الثالثة يذخلها في غيبوبة لا محال تفيق منها وهو كايسأل بديك النبرة الباحة الرجولية فيها واحد البحة متدحرجة خلات واحد السم يطلع من صبيعات رجليها بحال شي تيار بارد ضرب فعروقها،بلعات ريقها ورجعات شعرها القصير بني قاتم خلف أذنها وأجابت بخفوت بشيء من الرجفة: ا اه فالحي...
هز رأسه بشوية وبقا مكمل سياقتو وهي باقا متبعة معاه كاتفلييه،بنيته ضخمة وباينة من ديك القبية لي لابس كتافو كايبانو عراض ومفتولين شورط قصير مبين فخاضو المطراسيين بالسبور، صحتو مخذومة مزيان، كولشي فيه مثالي، بقات كاتفكر كاتقول مع راسها تقدر تمون آخر مرة غاتشوفو فحياتها وعمر باقي ربي يلاقيها معاه ، غايكون فحال داك التيتيز لي كاتشوفيه مرة فالعمر والباقي عمرك باقي تشميه، عضضات على شفاهها بتفكير مابغاش تفلت هاذ الفرصة واخة يببا عندها غير خيط صغير تقظر توصل ليه بيه!
تبسمات بشوية ونطقات بهدوء:يمكن ليك تعطيني نمرتك؟ باش شي نهار فحال هاكا نبغي طاكسي نصوني ليك..حيت تم حدى الليسي كانتحنسر ماكانلقاش طاكسيات..!
هز فيها عيونه فديك المراية لي كاتبين الخلف كاينصت ليها بهدوء، غير سالات هضرتها حرك راسو بواخة وهز واحد الوريقة كانت تما ومدها ليها، شداتها منو بشوية وهي كاتبسم على انتصارها:..شكرا بزاف..!
حرك مرة ثانية رأسه كأنه كايقول ليها العفو، قرب للحي فين ساكنة ولأول مرة تمنات كون دارهم باقا بعيدة كثر..باقا ماشبعات من الشوفة فيه، قلبها الفرشات كايذغذغو فيه كاتحس بواحد الشعور حلو ذاخلها مخليها فرحانة..وصلها للحي ونعتات ليه دارهم وهي دايبة فتجاوباتو معاها الرزينة و حركاتو الرجولية، حطها قدام باب دارهم ونزلات..:شكرا آخويا..!
هز ليها رأسه مبسم بشوية وأجاب بنفس نبرته المتدحرجة لآخر مرة: مرحبا..
وتحرك خلاها موراه واقفة ذايبة فكانها معنقة صاكها،تنهدات تنهييدة مطولة وهي كاتفكرو، عاد دارت ناحية باب الدار كاتقلب فصاكها على السوارت، وللحظة تفكرات آخر حاحة قال ليه "شكرا آخويا" غززات على سنانها بغيض وخشات الساروت لي لقات فالقفل مادور فيها مغذذة: يخويي لييك الجنااب قاالت لييك خووياا!! منييين خووك أنا طحت فييه حتى للوذنيين!!
دفعات الباب وذخلات،حيدات سبرديلتها فالباب عاد تقدمات ناحية المراح الصغيور لاحت صاكها فوق فوتوي كان تما و طلات على مها من شرج الكوزينة لي كان كايطل على داك المراح، نكقات بتساؤل: شنو درتي لينا للغذا؟
الأم هزات راسها مخنزرة: ماعندكوومش السلام فقبيلتكم؟؟ ألااطييف العسكر هذا لي عندي فهاذ الدااار!!..سيري بدلي حوايجك ونزلي ديري الشلاظة ديال ماطيشة و البصلة عزيزة على باك دابا يذخول وعصري الليموون..!
ساطت بالجهد وضربات بيديها:أوووف كوون غا جييت على رجليا حسن ليا!! مااكاتعرفو بناادم فايق مع النباابر وظاال فالقراية 5السوايع!!
قالت كلامها بنفرزة ونثرات صاكها طالعة مع دروج، في حين الأم ردفات بصوت عالي من خلفها :لدييلمك راااه كاظليي منبتة زكك فووق الكوورسيي!!..ماالهم كاايحصدو بييكم الحشييش؟؟!!
...
حبيباتي لي قرات تخلي فوت⭐ وكمونت💭
باش تشجعوني نزيد نكمل🤤❤
أنت تقرأ
أذقتينني حلو الهوى ثم تركتينني
Romanceنفتتح الحساب مع أول قصة...❤ قصة قصيرة بعنوان: 💕 أذقتينني حلو الهوى ثم تركتينني 💕 بأنامل: 🍂 Maryam Hatim 🍂 قراءة ممتعة💋⚘
