Once Upon A Time..In My Heart

Kabanata 6

ANNA POINT OF VIEW

Pumasok ako sa resort kahit na masama ang loob ko kay mama. Alam ko naman kasi na kailangan namin ng pera kaya titiisin ko na lang. Isang araw na rin kasi akong absent at isang araw na rin kaming 'di nagpapansinan ni mama. Pero 'di ko pa rin lubos ma isip kong anong nangyare sa akin nong na lasing ako? Kong sino ang nag hatid sa akin?

"Anna," pag dating ko pa lang ang tinawag agad ako ni Janice. Lumapit naman ako sa kanya.

"Ano yon?"

"Linisan mo nga yong room ko, absent kasi si Emelda." Naalala ko tuloy yong nangyare noong isang gabi.

"Pero 'di naman ako naka assign sa paglilinis sa kusina ako," sagot ko sa kanya. Kasi don naman talaga ako lagi naka assign.

"Sino bang boss dito?" nakataas pa ang kilay nito sa akin.

Kaya wala akong nagawa kundi sundin siya. Sa totoo lang 'di ko alam na ganito ang ugali ni Janice. Noong high school kasi 'di ko siya nakakausap kasi 'di naman siya namamansin.

Habang naglalakad ako ay na pa hinto ako at napatingin sa buhanginan ng dalampasigan. Paano kasi dumaan si Bryce nag jo-jogging ito at naka airpads. Grabe, ang gwapo nya talagang tignan mapapakanta na lang ako ng Style ni Taylor Swift. Pero kumikirot pa rin ang puso ko kapag naaalala ko yong gabi na nakita ko siyang kasama si Ayezha. Ano bang laban ko don? Ang ganda-ganda, nun. Plus naka pagtapos pa ng pag-aaral, matalino at mayaman. Sino ba naman ako? Napailing na lang ako at dumiritso na ako kong saan ang kwarto ni Janice.

Pag pasok ko sa loob ng kwarto nya ni halos wala akong makitang alikabok bukod sa ang kalat lang ng mga gamit nya. Kaya 'yon na lang ang inayos ko. Pagkatapos kong maayos ang gamit nya ay lumabas na ako. Kaso 'di ko inaasahan na makikita ko na naman si Bryce. Umiinom ito ng tubig at hingal na hingal. Basa rin ng pawis ang damit nya. Hindi ko tuloy maiwasan na 'di mapatitig sa kanya. Para na akong sira dito!

"Hi, Anna." natauhan ako ng nasa harap ko na pala si Bryce. Hindi ko man lang namalayan na lumapit na pala siya sa akin.

"H-hello," nahihiya kong sabi. Feeling ko talaga nahuhuli na ako nito sa mga pinanggagawa ko.

"Okay ka na rin ba?" nangunot naman ang noo ko, anong tinutukoy nya na kong okay lang ba ako?

"Ah, oo nga pala. Lasing ka kasi nong isang gabi ako yong naghatid sa iyo." napalunok naman ako sa nalaman ko.

Wala ba akong pinagsasabi sa kanya na kalokohan? Ganon kasi sa mga napapanood ko na kapag lasing kong ano-ano sinasabi at pinanggagawa. Sana naman wala.

"ah, ikaw pala. Thank you," agad ko siyang tinalikuran kahit gusto ko pa siyang ma kausap. Feeling ko kasi namumula na ang mukha ko lalo na nalaman ko na siya pala ang nag hatid sa akin. Pero huli kong nakita mag kasama sila ni Ayezha? Iniwan nya ba yon para sa akin? Imposible.

Wala naman gaanong ginawa ngayon sa resort dahil 'di naman ganon karami ang gawain. Na isipan kong manginas sa hibasan dahil hibas talaga. Total malapit na rin mag alas singko. Pero kanino kaya ako magpapaalam na aalis ako? Ayoko naman kausapin si mama.

"Ate Daisy!" si ate Daisy lang kasi ang nakita ko kaagad. Nasa beach front kasi siya katatapos nya lang ipag serve ang isang guest.

"Bakit Anna?" Lumapit ito sa akin.

"Pwede bang umuwi na? Alas singko na rin kasi." sana naman pumayag.

"Okay lang naman tsaka sunday naman ngayon," oo nga pala di ko na isip na sunday. Dapat pala di na lang ako pumasok. Ginawang utusan lang kasi ako ni Janice dito buong araw. Hindi ko alam sa babae na yon pero mukhang walang magawa sa buong araw at ako ang trip.