درة الغالب

الفصل السادس عشر

مسكتو من رقبتو بتخنقو بغل وقالت بصراخ هق $ تلك...هقت.  لك يا وااااا،طي...يا حيو،ااااان
...هموتك..وبقت تخنقو بغل وغضب
واتلمت الممرضات والدكاتره على صوتها والدكتوره بقت تهديها وتبعدها عنو وتقول..اهدي يا مدام اهدي
بس دره لسه بتخنقو بغضب وبتصرخ فيه بس غالب ولا مهتم واقف سابت ومستحمل بالعافيه لانها كانت خنقاه جامد بس كان عايزها تفرغ غضبها
الدكتوره جهزت لها حقنه بس غالب فك ادين دره بالعافيه وفضل ماسكهم بقبضتو وقال بزعيق...كلو يخرج بره
الروايه حصري لبيدج عالم الروايات
الدكتوره قالت... بس يا غالب باشا لازم تاخد الحقنه و
بس غالب قال بغضب وزعيق...قولت...برررررره
الكل خرج ودره كانت بتحاول تفك اديها منو وقالت بعصبيه..ابعد عني هموتك...بكرهك...بكرهك انا بكرهكككككك
غالب فضل ماسك اديها وساكت بيبص في عنيها وبس
ودره تعبت ومبقتش قادره تفك اديها ويأست انها تفلتهم وضرحت بشده وقالت.....باباااااااااااااا.....ااااااااااه.... واخيرا نزلت دموعها بانهيار شديد  وبقت تبكي جامد واترخت اديها وهيه بتبكي بصوت عالي جدا وصراخ زي الاطفال
غالب ساب اديها وشدها لحضنو حضنها بقوه ونزلت دموعو معاها وبقى يطبطب عليها وماسكها بكل قوتو وهيه هديت في حضنو بعد ما بكت كتير جدا لحد ما فقدت الوعي
غالب شالها وحطها على السرير وفضل جمبها وهو مش قادر ينسى الي حصل ولا قادر ينسى حالتها فضل جمبها لحد ما حس بتعب ونام هو كمان جمبها
في صباح يوم جديد غالب قام من النوم ملقاش دره في السرير اتخض جدا وبقى يدور عليها بس ملهاش اثر
كان مرعوب عليها وبقى يسأل الممرضات بس محدش شافها وبقى يزعق وقال.... ازاي تخرج من غير ما حد يشوفها انا هقفلكم المستشفى دي و
بس قاطعو صوت التليفون وكانت امو رد وقال الو
امو قالت ...تعالى حالا يا غالب ...دره جات البيت وحالتها غريبه ومصره تمشي هيه واهلها
غالب  قال بقلق..اوعي تخليها تمشي انا جاي حالا
وطلع جري ركب عربيتو وراح القصر
في القصر دره اخدت حاجتهم وامها واختها ولسه هتطلع ناريمان وقفتها وقالت...يا بنتي احكيلي الي حصل طيب وجعتي قلبي
دره اتنهدت بحزن وقالت....مفيش يا طنط ..لو سمحتي سبيني على راحتي
بس ناريمان وقفت قدامها وقالت..طب استني غالب هو جاي على طول... استني يا بنتي وكل حاجه لها حل
بس دره قالت بعصبيه...لا لا وخليه يطلقني ومش عايزه اشوف وشو تاني ابعدي لو سمحتي
هنا امها قالت بصدمه....ايه يطلقك...يطلقك يعني ايه اتتي اتجوزتيه يا دره ..اتجوزتي من ورايا
دره اتنهدت بدموع وقالت...لما نروح هحكيلك كل حاجه يا ماما لو سمحتي مش دلوقتي
امها سكتت وهيه مصدومه وسهى كانت ..عارفه الي حصل اسر حكالها بعد ما امها عملت العمليه
دره قالت ببكا..يا طنط لو سمحتي ابعدي بقا ...ارجوكي ..كل حاجه بنا انتهت والله ما في فايده من الي بتعمليه ده
بس ناريمان كانت واقفه قدامها وقالت...طيب..طيب انتي  احكيلي ولو زعلك والله لا ربيهولك بس احكيلي...رجع للبنات تاني صح انا عرفاه بس يابنتي والله هو ما بيحب قدك و
بس دره قاطعتها وقالت  بدموع...يا طنط انتي مش فاهمه حاجه ارجوكي ابعدي
بس ملك نزلت جري وقالت....لا لا مش هتبعد وانتي مش هتمشي...انا ..انا ملحقتش اشكرك على وقفتك معايه ولا لحقت اعتذرلك ارجوكي خليكي
دره اتفاجأت وبصت لها باستغراب وملك قالت ...متستغربيش انا من ساعت ما جيتي جري لما سمعتي صوتي وانا استجدعتك اوي..وندمت على اي كلمه دايقتك بيها ..ارجوكي خليكي معانا وكل حاجه هتتحل و
بس قطع كلامهم دخول غالب وهو مرعوب...واتنفس براحه لما لقاها وجري عليها وحضنها قدام الكل وقال.....دره ...كويس اني لحقتك ...دره ارجوكي اسمعيني...تعالي معايا هنتكلم شويه لو سمحتي