كيف اخبى حبي و انت دوم موجود في حياتي

بارت 4

أبو محمد: شو فيها.
بعدين روضة سارت المطبخ عشان تساعدهم ، خلصوا البنات ساروا حطو الاكل برع و يلسوا يسولفون و روضة اتصب كرك حقهم.
ذياب: صبيلي كرك.
روضة: و انا شو يالسه اسوي.
ذياب: ماعرف انا ما اجوف.
روضة: اف منك.
أم محمد: هيه نسيت اقولكم.
كلهم: قولي.
أم محمد: يدكم و يدتكم بييون.
كلهم استانسوا إلا الشباب ، تعرفون ليش؟ لأن يدتهم و يدهم يدلعون البنات اكثر .
أم محمد: انتوا بلاكم؟...كل واحد ساكت ويطالع بالثاني.
بطي: لان يدي و يدوه كل يدلعون البنات و نحن عيال البطة السوده.
ضحكت روضة و سوت حركة بأيدها موتوا قهر ،محمد جافها.
محمد: لا والله...أميه جوفي روضة شو اتسوي.
روضة: ما سويت شي اسكت.
محمد: احترمي نفسج.
روضة: شو بتسوي.
قام محمد يبا يضربها و على طول روضة قامت و شردت هو تم يلحقها يوم جافت أبوها انخشت وراه.
روضة: أبويه جوف حمود يبا يضربني.
أبو محمد: بسكم انتوا مب يهال .
أبو محمد: هيه صح عرس أختكم الشهر الياي.
روضة: أدري.
أبو محمد: زين.
محمد: تمام بخبر الشباب.
ساروا يلسوا مكانهم عشان انهزبوا شوي.
أم محمد: انا كم مره قايله ما تتضاربون انتوا ما تسمعون الكلام...عيب.
روضة: آسفه.
محمد: قصدج آسفين.
روضة: ها أميه جفتي.
اليد و اليده: السلام عليكم.
كلهم: وعليكم السلام.
روضة: توا ما نورت.
اليد و اليده: النور نورج.
يلسوا يسلمون عليهم ، اليد طرش الشباب عشان يودون الاغراض ف الحجره و اليده طرشت البنات ينظفون الحجره، الشباب يو حطو الاغراض و طلعوا ،البنات تمو ينظفون و يرتبون يوم خلصوا طلعوا يلسوا ويا يدتهم و يدهم.

سارة: اقولك حمود متى بتطلعون الدراجات و البقي؟.

محمد: إذا سرنا ما بتركبون.

روضة: وليش ان شاء الله؟.

محمد: البنات ما يركبون الدراجات.

ذياب: عادي شو فيها.

محمد: هيه انت دافع عن خطيبتك.

ذياب: وشو فيها؟.

روضة: فديته.

محمد: شو قلتي.

روضة: ها؟...ما قلت شي.

ذياب: روضة انتي فاضية بعدين؟

روضة: أمم...بجوف ليش.

ذياب: أبا اكلمج ف موضوع.

روضة: انزين...قول.

ذياب: موضوع عن العرس و جي.

روضة: مب فاضيه.

محمد: ههه في حد قالك.

ذياب: افف أبا أقول لها عشان انكون على اتفاق...احس هي ما تباني إذا ما تباني بفسخ الخطوبة.

محمد: حرام عليك...لان يمكن هي متوترة وأنت كيف تخطبها وهي صغيرة؟.

ذياب: لاني بسافر و بدرس برع.

محمد: مب على كيفك.

ذياب: كيفي.

محمد: انزين بسير أخبر خالوه ميره.