السلام عليكم ورحمة الله وبركاته
بندا بروايتنا لي اول روايه املّكها ، بأذن الله تنال اعجابكم
معاكم ليّل احمد واسم الروايه ( اوهمتني الايام وطحت بالافخ )
نبدا ب الشخصيات
عندنا العائله لقّب ( عائلة ال هادي )المكونه من
الاب محمد عمره ٦٤
و الام سلمى عمرها ٤٥
و العيال
ولدهم البكر المتزوج اسمه حمد عمره ٢٧ ، وعنده بنت اسمها سحاب عمرها( ٣سنوات)و زوجته و الي مسالمه وتحب عمانها وتساعدهم وطيبتها عايديه وشخصيتها رزه عكس زوجها الي الا راسه ديون (فلاش باك) حمد ماعنده سياره حاليا بسبب حادث اصابه و السياره تلفت و تسبب هو رضوض في رجله ولكن الحمدالله مع الايام سلم وصار ياخذ سيارة اخوه ( معجب) عمره ٢٤(في دوره)هاذا اكثر واحد في العائله مسحوب عليه في الاكل في الطلعات طوال وقته مع اخوياه كأنهم اهله مايشوف اهله الا وقت يكون عندهم عزيمه او مناسبه يجي واخر الليل وينام الين المغرب ويتروش ويلبس ثوبه ويطلع .
وحالياً هو في دوره اسبوع وينزل ل اهله.
الاخ الاخير في ( العيال) اسمه محمد اكثر واحد عصبي شديد مرا و غيور ولكن عنده طيبه مخّفيه يحب اهله وبدوي يحب البر واهم شي عنده ( بطنه ،الاكل)
اذا تبينه يوافق على طلب الاكل هو الوسيله واكثر واحد يكرفونه عمره ١9
البنات"
اكبر واحده فيهم ( لمى) والي عمرها ٢٥ تدرس ثالث سنه جامعه شايله البيت ( امها تتعب وابوها هو الي يراجع لها ويوديها مواعيدها)
حنونه لكن بنفس الوقت عصبيه وياويلك تستغفلها او تعاندها
الاخت الوسطى ( لينا) والي عمرها ٢٠ وتدرس اول سنة جامعه شخصيتها حنونه ومع اخواتها و اهلها شخصيتها لطيفه تحب تساعد وتحب القهوه و الجامعه اهم شي عندها والمذاكره الي في امه خير يزعجها وقت تكون تذاكر
وخيراً اصغر العنقود (لانا) والي عمرها ١٧ وتدرس في الثانوي شخصيه طالعه على اختها الكبيره بشوي واذا تدخلت لمى تصير عنيده و راسها يابس ولكن لمى تكسر هاذي الشوكه شخصيتها الكل يعرف اجتماعيه واحيانا هاذي الشخصيه توديها في داهيه تكره شي اسمه مدرسه
نبدا "باقي الاشخاص بتعرفونه في الروايه"
......
في الصباح في بيت ابو حمد
الام سلمى: قامت من النوم وتشوف الساعه صارت ٧:٠٠
وتأخرت على حصتها( معلمه) دقت ابو حمد الي كان الليل سهران مع اخوانه في الاستراحه يلعبون بلوت
سلمى: ابو حمد
ابو حمد الي راسه مليان نوم: نعم وش فيه
سلمى : قوم بسرعه الساعه ٧:٠٠ صل الفجر وقيم محمد و البنات
ابو حمد : الي انفجع من الوقت وراحت عليه صلاة الفجر فز من مكانه ويقوم يوضي ويدخل على محمد ويهبده ب اقرب سلك محمد: وجعععععععع يا لاناااااا ( دئما لانا تسهر او تواصل وقت المدرسه وهي الي تصحيه)
ابو حمد : وجع يوجعك يا محمدوه
محمد الي انفجع من نبرة ويهمس، دقيقه هاذا ابوي !؟
ويلتفت الا والله ابوه
ابو حمد ، قوم قامت قيامتك قم صل
محمد وهو مفجوع ، ابشر ابشر يبه وهو يتثاوب
راح ابو حمد لغرفة لينا و لانا ( ابو حمد طيب مع بناته حيل وخصوصا بنته لمى) لينا يبّه قومي يلا الساعه ٧:٠٠
لينا وهي نومها خفيفه : اا.. ايششششس الساعه كم
ابوها وهو فيه ضحكه: سبعه يابنتي وقدهي سبعه و ربع قومي يلا صلي وقيمي معك لانا اعرفها ثقيلة نوم وانا تأخرت الصلاه
واطلع وشاف ان محمد ماله حس يدخل الغرفه الا ويشوفه باقي منسدح ، محمد محمد و وجع وش اقول انا
محمد: هاا ، هااه لبيه يبه ابشر ابشر ويدخل دورة المياه
ويروح يصلي في الصاله
لينا: الي معصبه على محاضراتها ومالها خلق من قعد يسمع هواش الدكتوره تقوم عند لانا ، لانا بنت قومي "لانا نومها ثقيل مرا"
لينا: مطوله انتي ، راحت عند لمى وتفتح الباب ( ابو حمد دئما يقوم واحده من البنات وتقيم الباقين ماله خلق من يدخل غرفه غرفه ) لمى لمى ، لمى الي انفجعت وماتحب احد يقيمها بذي الطريقه ، هاهاها خير وش فيه
لينا وهي طالعه عشان تلحق تصلي وترتب اغراضها ،قومي الساعه سبعه ونص صلي ، لمى بتعب مااصلي روحي مني (عليها العذر الشرعي ) لينا الي كانت بتطلع بس تذكرت ان مافيه احد يوديها و لانا بعد ،لمى لمى
لمى:نعم
لينا:تكفين وصليني الجامعه تأخرت ومافيه احد يوديني ولانا بعد ابوي بيودي امي
لمى :يا الليل صدق ، وتذكرت ان عندها اوراق في البنك
وما بتخلص الا متأخر ومحضراتها بتبدا ١٠.
لمى :خلاص طيب طيب قولي لانا تتهجز ولا والله ، ماامدها تكمل الا ولينا تتكلم ، معليك معليك بس قومي انتي بروح اصلي واتجهز وبشوفها.
طلعت .
الام سلمى: وهي صلت وخلصت ( اكثر انسانه سريعه مرا و وقت تتأخر ياويل احد يجي في وجهها) وهي تدق على ابو حمد : الو بسرعه شغل السياره تأخرنا
وقفلت .
ابو حمد وهو يدخل غرفة محمد ، يشوفه يرتب دفاتره ياخذها ، محمد
محمد: سم يبه
ابو حمد : معك فلوس ولا اعطيك
محمد: معي بس حقت البنزيم بس عطني ابغى افطر،
ابو حمد الي طلع من جيبه ٥٠ هاك
محمد: تسلم يبه
ويطلع ابو حمد ويروح غرفة البنات يشوف لينا كيف ترتب شنطتها وبصراخ ل لانا قومي جيبي شاحن الايباد
ولانا: الي منسدحه ولا همها احد الا وفاجئه
دخل ابوها، وش فيكم انتم مع صباح الله خير
لينا: ولا ولا شي يبه
ابو حمد وهو يطالع لانا وهي فزت من السرير قامت عشان ما يهاوشها، وانتي ليش مالبستي الين الحين
لانا ابشر ابشر يبه قمت الحين بس بتمسكن، تعبانه.
ابو حمد وهو يعرف لانا زين وقت تبغى تغيب ، هاك مصروفك ويحطه على الطاوله ويطلع لام حمد.
و محمد الي لبس وخلص وراح داومه
لمى الي لبست اي شي و عبايه عشانها بس بتروح البنك وبترجع تكشخ تعرف ان بيكون زحمه و بخرب شكلها ،وطلعت لغرفة البنات وشافت لينا الي ب الايباد بيدها و الثانيه تجمع مكياجها في الشنطه بعد ما لبست بنطلون ابيض و بلوزه سماوي وسوت شعرها اي شي وحطت مكياج خفيفه ، وين لانا ؟ لا تقولين باقي ماجهزت
لينا: تتحلطم من صبح مالقت شرابها الي فيه رسمه مادري ويش وقيمت الشغاله تدور ،
لمى؛ الله يقلع بليسك يا لانا وبصراخ ، لااااانا وهي متوجهه لغرفة الغسيل ،
لانا: الي تقول تتكلم وهي معصبه " وين وينه يا اوليف
اوليف ، الي ميته نوم، مافي معلوم انا غسل وؤ.،،،
ما امداها تكمل الا ولمى دخلت اوليف خلاص روح نوم انتي ، لانا: بصراخ :وخير والله ماتروح الين تطلع الشراب حقتي.
لمى وهي تعرف شلون تتعامل مع لانا: انتبهي لانبرتك شراب واختاري اي شي واقسم بالله لا تتأخرين زياده اني لا اروح و اخليك يلا بروح السياره ،
لانا ، الي تأففت من تحكم لمى بكل شي وزعلت وخذت اي شراب ولبست عبايتها وشنطتها الي في الغرفه وشافت ان لينا قد طلعت ، اخذت مصروفها وهي تركض تاخذ علبة ماء وتكمل ركض عشان تلحق وتروح مع لمى،
لينا، وهي تذاكر عندها اختبار وسهرت امس عشان كذا راحت عليها نومه وهي تذاكر وراكبه جنب لمى ،
لمى وهي معصبه ، وين الزف... ماكملت الا وتشوف لانا تضرب الباب وهي تركض وتركب السياره
لمى : اخيراً
لانا : وهي مالها خلق شي ولا لها خلق خناق اختها وتعرف الحين اذا دخلت المدرسه لزم احد معها عشان يدخلونها.
وهم في الطريق
لمى الي التفتت على لينا الي من ركبت وهي تهمس تذاكر والايباد في وجهها ، الله وش ذا الاختبار الي عليك
لينا :علم الارض ،تعب يا لمى هف يارب درجه زينه
لمى بضحكه:هاذا وانتي بغيتي تموتين عشان تدخلين الجامعه ،الله يوفقك حبيبي
لينا :وهي ضحكت ، و الجامعه قدهي مقابلها ،
لمى: يلا
لينا :مع السلامه ،التفتت الى لانا وهي منسدحه وجوالها ف يدها(دئما تاخذه معها في السياره تقعد تتفرج وتنزله في سيارة لمى وهي تاخذه معها البيت وتنزله ) وراحت
لمى ،الي التفتت الى لانا ، تعالي اركبي قدام
لانا : هف مالي خلق انزل ، وعلى طول رمت الشنطه لقدام ولمى:خافت لا تنط وتوسخ المرتبه ب الشوز "وانتم بكرامه" كانت بترفض ،الا لانا نطت
وجلست قبالها وصلت، لمى : لانا والله لا تعدينها بتنجلدين.
لانا وهي سحبه على كلام اختها وكملت تتابع جوالها ،وهم في الطريق معلومه ان جامعة لينا قريبه من مدرسة لانا عشان كذا توصلهم لمى سوا .
وصلو ونطقت لمى : يلا انزلي معك مصروفك ؟
لانا: ايوه ،بس لمى تكفين انزلي معي الحين مريم بتقعد تون فوق راسي مع من جابه ومين وتحقق اذا شافوك وقلتي اختها على طول بيدخلوني،
لمى : طيب يلا
نزلو ودخلو واستقبلتهم مريم ، ب الوجه ليش متأخره الساعه قد هي ٨ !
لمى : معليش بس البيت بعيد وتأخرنا وانا اختها موصلتها ، مريم التفتت الى لانا :يلا وقعي تأخير و غياب الحصه الاولى
لانا :الي انصدمت والتفتت ل لمى ودها تسحب بس لولا اختها لمى كان سوتها لمى الي شافت نظرات لانا ،لمى ،بنظرات وقعي وخلاص
لانا. ،ب عصبيه اخذت القلم و وقعت وسحبت عليهم وطلعت لفصلها
مريم ، معليش واتمنى مايتكرر التأخير
لمى ،وهي تكره احد يستفز لانا صح انها عصبيه بس حنونه ، لمى : وشو له غياب اقولك تأخرنا!
مريم:سياسة المديره
نظراتها لمى بطرف عين وخرجت ماودها بهواش مع الصباح
وطلعت تركب السياره وتاخذ لها فطور .
أنت تقرأ
"اوهمتني الايام ، وطحت باالافخ "
Non-Fictionمعاكم ليّل احمد ، اول روايه لي ، روايه خفيفه لطيفه ان شاء الله تعجبكم وتبهركم ب الاحداث اتمنى نشرها ، وقراءه ممتعه 🤍
