كلهم طلعو ، وركبو السياره
^ عند ترف و احمد ^
وهم ساكتين و الصمت يعمهم ماتوقع الدنيا صغيره !
ترف: حتى هنا طالعه لي مااخفي لو تنط وتطلع لي !
احمد الي ضحك من هوشاتهم ، يخي وش فيكم تراكم بنات خالات
ترف : فكنا عاد ماعندي انا بنات خالات فاهم
احمد : خلاص خلاص
^ عندي البنات^
نزلو السوق وطبع لانا تكره شي اسمه سوق! مستحيل تطّبه حتى وقت الاعياد اخواتها الي ختارون لها او تطلب اولاين ،
نزلو والتفتت لمى على لانا ، ماودك تنزلين؟
لانا : لا والله بتصل على محمد اذا قريب يمر ياخذني زهقت
لمى : تمام اجل انا بتصل عليه وبشوف
^ عند محمد الي مع اخوياه ^
ويشوف جواله يتصل من لمى
محمد: هلا لمى
لمى: محمد فاضي ؟
محمد: اي امري وش بغيتي
لمى: طالعين احنا و بنات خالتي هيا وخلصنا قهوه ورحنا السوق وتعرف اختك لانا ماتحب السوق مر خذها
محمد ، الي سمع " بنات خالتي هيا" فز قلبه تمنى لو تكون ريم معهم ولكن اكيد مع البنات مشغوله، ابشري الحين جاي.
لمى وهي تلتفت الا ريم مقبله عليها ،
لمى : وش فيك جيتي ؟
ريم : يابنت بطني ماخلاني بجلس في السياره ارتاح .
لمى : اسمعي محمد بيمرنا الحين ياخذ لانا البيت تبين يوديك المستشفى!
ريم وهي ركبت وحطت راسها على المرتبه ، لا لا ما يحتاج
على كلامهم الا وسيارة توقف جنبهم ، محمد نظارة لمى الا هو محمد نزل من سيارته، راح لهم وين لانا ؟
لمى : موجوده بس محمد ريم تعبانه ودها المستشفى
محمد وهو طاير ومنصدم وخاف عليها : ريم بنت خالتي ؟ وش وش فيها ؟
لمى : تعبانه خذها هي و لانا ودها المستشفى وبعدها نزلهم في بيتنا واحنا اكيد جايين .
لانا الي مسكت ريم وركبو السياره ، محمد وهو وده ينطق يتكلم بس ماعرف يشوفها ب المرايه حاطه واجهها على رجولها من الالم وتّون ، حاول يسرع يوصل المستشفى بسرعه ، و وصلو عنه، يلا انزلو و لانا انتبهي لها
ريم وهي على تعبها الا انها انتبهت على كلمته" انتبهي لها" دخلو المستشفى ودخلت معها لانا ، وخلصو فحوصات وكل شي
نطق الدكتور: عندك فقط التهاب بسبب قل الماء، بعطيك حبوب الحين تصرفينها من الصيدليه وبتجيك رساله على رقم جوالك ،
ريم : تمام مشكور.
طلعو ، محمد الي جالس في المقاعد ينتظرهم، شافهم طلعو ، ركبو السياره، نطق محمد بشرو!
لانا : الحمدالله كل شي سليم بس التهاب بسبب قل الماء
احمد: زين الحمدالله سلامت اعطاكم وصفه شي ؟
لانا : اي في الصيدليه
راحو متوجهين في الصيدليه
نزلت ريم عشان معها الرساله و السجل حقها تدخله وتطلع الوصفه ، نزل محمد وهو مبتعد عنها
لانا ، الي طفشت وقعدت في السياره مسّتلقيه.
دخلو وهي تسجل البيانات ،
محمد : ريم لو تقدمت لك بتوفقين!
ريم الي انصدمت ، ولخبطت تكتب ، انتبه محمد واخذ جوالها وابتعدت هي وسجل الوصفه ، نظار لها بطرف شافها ترجف ، ونطق: روحي السياره بخلص وبجيك
ريم الي توترت و طلعت وخلت جوالها معه
محمد الي باقي يسجل السجل المدني ، ويطلع يروح الملاحظات ، ويشوف صوره في الشاشه الرئيسيه( تحديث ل الايفونات فقط) صوره وهي ب الاحمر! يشوف جمالها الي يسحر ، حاول يغض بس جمالها يفتن اخذ عقله ،وراح لي الصيدلي وهو يطلع العلاج
جاته فكره، ليش مايكتب في الملاحظات رقمه
وحط رقمه وكتب ، الف سلامه عليك ومعليش ، ريم انا لو بتقدم لك على سنة الله و رسوله بتوافقين ؟ رقمي موجود فكري و ارسلي لي .
اخذ العلاج وقفل الجوال وراح السياره ، اعطها العلاج و الجوال
لانا نطقت: لينا دقت تقول خلصو ،
محمد وهو تذكر مطعم قريب يحبه مرا ، باقي ماتعشيتو ؟
لانا وهي مادخل في جوفها غير القهوه و الحلى، اي والله
محمد وهو فرح ، اجل بمر مطعم هنا لذيذ ناخذ عشاء لنا و للبنات.
ما يبعد المطعم مرا وقف عنده و نزل يطلب ،
انتظر نص ساعه وهو داخل المطعم ، يحس بخجل انه تسرع لردة فعله اتجاه ريم
^ في السياره^
ريم الي قعدو يسوالفون وسحبت على جوالها ، فتحت رساله للبنات ( بنات ترا احنا قدنا في البيت وجبنا شوية اغراض نسوالف ) فتحت السناب للقروب ، احنا في المطعم جايين لكم .
خلص الطلب و استلمه محمد راح دفعتين بسبب الكميه
ركب السياره ونطق يلطف الجو ، المطعم هاذا عشقي ان شاء الله يعجبكم وطلبة لي انا و امي و ابوي اصناف غير وانتم بعد وقسمتها.
نطقت ريم بخجل: مشكور يابوحمد (لقت احترام)
حس بطّعنه على قلبه من اسم( ابوحمد) اعتبرها رسميه خاف لا يكون فتحت الرساله وراح تفكيرها بعيد
وهو يبيها ب الحلال اليوم قبل بكره .
نطق محمد بتنهيدة: ماسويت الا الواجب
قالت لانا: عاد هاذا المطعم حُب محمد ، احيانا اذا سهرنا ومالي خلق نطبخ يروح يجيب منه ههههههههههههههههههههه
ضحك بخفه وتوجهو الى البيت .
أنت تقرأ
"اوهمتني الايام ، وطحت باالافخ "
Non-Fictionمعاكم ليّل احمد ، اول روايه لي ، روايه خفيفه لطيفه ان شاء الله تعجبكم وتبهركم ب الاحداث اتمنى نشرها ، وقراءه ممتعه 🤍
